[自傳]有冇巴絲一樣覺得自己好平凡: [2]

家家有本難唸的經, 可能因為父母同家姐由細到大都成日唔喺屋企嘅關喺, 所以我性格亦都係非常孤僻。

諗返起個陣每日我都係返到屋企就自己一路聽艾粒U Boyz一路做功課 , 之後就到細蘇陪我砌Lego ,

食飯就有電視睇, 之後就都係望下天打下卦咁, 到沖涼同訓教就有麥sir陪我。

老老竇竇, 你問番我嗰陣聽左咁多年收音機, 我究竟聽左d乜?

我真係唔記得……或者, 當時我須要嘅係一把陪伴住我嘅聲音。





我嗰陣成日會捧住部牛龜收音機坐喺露台度望住條街, 咁樣就會有路人陪伴住我, 即使係隔住條欄河。

諗返起真係好心噏。

雖然我知道好多人比我不幸10萬倍, 但係空虛係並唔能夠用幸福填補的。 因為我嘅呢種性格, 所以喺學校我都係習慣左獨來獨住。

小一到小六; 朋友, 唔多。最friend嘅都係隔離位。兄弟? 咪講笑啦……

大家咪以為名校一定會好d, 其實咪一樣。入到去, 毒男依然喺毒男。





到升左上中學, 情況好左少少, 起碼lunch time會有班飯腳, 不過返到屋企我依然係自己一個。

其實我讀男校究竟是福是禍?

我睇唔透。可喜嘅喺我一直都保持單純, 唔識鐘意人, 唔會有感情煩惱。

其實而家聽番身邊嘅朋友講,佢地好多嘅初戀都係好是但咁就比人奪走左而且都係好短暫。

我聽完其實都有少少慶幸, 不過學阿源話齋……這些機會都不是屬於我的.jpg。