【英雄系列1】廢鳩俠: 22
22.
阿彩一記拉弓重拳，直擊振西既太陽穴
振西隨即失去知覺暈到
「嘎..嘎..」阿彩喘住氣:「嘿...都話我勁架啦」
「bu~bi~bu~bi~」
「救護車聲？阿彩你call架？」我問
「嗯..你地傷成咁，唔通要我扶你地出市區咩..」
我攰到攤響地下:「唉..得啦得啦，至勁係你啦」
我望住個天:「喂..小櫻...你..冇事丫嘛」
小櫻把聲顯得有d虛弱:「...嗯」
「哈..咁就好啦....」
今次，我總算做返場好戲啦..
「唉..好悶呀....」
老母安慰我:「唔好咁啦阿七，醫生都話要你留院觀察多三日嘛..」
我同小櫻都受左少少傷，所以都要留院
而飛龍、小珠就因為有內傷既情況，所以要訓多一兩個禮拜醫院
「無啦啦又要訓多幾日醫院，早知果陣唔幫手啦」
訓隔黎床既小櫻扁起嘴:「阿哥你咁講野架！」
阿彩:「咪係囉，早知一早我就出手，咁咪冇人受傷囉」
我不屑道:「你咪沾光啦，唔係我部白金之猩，你邊有咁易打贏呀...係喎咁果個振西同宗南依家點呀？」
老豆答:「果個歐陽振西已經比差佬拉左，睇黎都坐終身架啦...至於宗南，佢就向警方自首..」
「吓..唔係掛...」
「或者..佢良心發現啦..」老豆拎出一包紅萬
「喂，醫院唔食得煙喎..」我提醒佢
「丫..係喎sorry囉」
老豆笑道:「阿七...今次..做得好，終於唔係廢鳩俠啦」
「嘿..」
對面既飛龍亦都笑道:「下年既全年最佳英雄就應該係阿七拎啦，今次救左我地全家..」
「哼...雖然係咁姐，但係你今次符碌之嘛！」小珠依然口硬不服，不過都睇得出佢只係講笑
今次總算得到咁多人既認同
「小櫻！你冇事丫嘛」
忽然成九個同小櫻年紀相約既女拔學生妹入哂黎
似乎係小櫻d同學
「點解你受左傷既..我地成班知道小櫻你入左醫院都好擔心呀」
小櫻支支吾吾答:「呃...我同阿哥踩單車果陣撞車..整親姐..」
其中一個學生妹遞上生果:「呢d生果係買比你架，功課果d唔駛擔心啦，我地每日幫你送過黎啦」
「嘻嘻..唔該你地呀..」
唉，小櫻都有一班咁好既朋友黎探佢..
而我呢，肥良同賢仔兩個契弟連我受左傷都唔知
至於露露呢...都唔難怪既，我又冇同佢講，唔通佢做神仙咩...
大約五點幾
「喂，我返去先，我老豆等我開飯啦..」阿彩道
「哦..咁好啦」
「你呀..好心就唔好靠埋呢d發明，得閒練下功夫啦」
「知啦知啦..今次唔係我部白金之猩既話，我地全部人收哂皮啦！」
阿彩同我對望:「哼....今次..你總算有返d男子氣概，起碼肯出手救小櫻先啦..」
總覺得，臭西彩對我好似冇咁惡
過多半個鐘後
「阿七...你做乜入左醫院既..」
我有d唔相信，露露竟然黎左
「哦..我踩單車炒車姐...點解..你又會黎既...」我問
露露坐下:「係..係我地果個groupmate阿彩講架..佢話頭先經過醫院見到你受左傷要入黎」
吓..
我馬上拎起手機
「嗱，我call左果個西女人過黎啦，咪話我唔幫你」
哈，臭西彩原來都會做下好事
「阿七..你見點呀..」露露摸住我受傷既面頰
「...冇事，露露，多謝你黎探我..」我笑道
「唔緊要..」露露切下一個蘋果:「黎啦，我餵你食丫..啊...」
「吓..哦..唔該露露」我張開口，等露露餵蘋果我食
呢一刻，真係好幸福呀
臭西彩，多謝你！
夜晚果陣，成間病房就只有我同小櫻未訓
「阿哥..」
「嗯..做咩呀？」
「多.多謝你呀」小櫻面紅紅咁講:「原來..阿哥你都可以咁英勇..」
「吓...果陣其實我好驚架..不過你話哂都係我阿妹，我點可以比你有事呀」
小櫻雙眼忽然紅哂
「喂..唔係流馬尿下話...」
小櫻笑道:「阿哥...以後..我唔會話你廢架啦...你係呢個世界上最犀利既阿哥..」
「咁又冇所謂..不過，今次救左你，起碼都比我同你身體檢查下啦，哈哈」
小櫻馬上扁哂嘴:「咸..咸濕阿哥！淨係識諗埋呢d野！」
「咁鬼叫你咁淫咩淫櫻」
「唔准再叫呀！」
「淫櫻淫櫻淫櫻淫櫻淫櫻淫櫻淫櫻淫櫻淫櫻淫櫻」
「我..我憎死你！憎死你呀！咸濕阿哥！」
嘻嘻，希望淫櫻終有一日會比我玩弄下啦
「阿爺，你醒返啦！」
「嗯...依家身體好返少少啦」阿爺拎住拐杖行入黎
「阿七...我聽左你打低歐陽振西既事啦，做得好！不愧為慕容家既人！」
我連忙點頭:「哦..多謝阿爺」
「不過尋晚我都有諗過，係咪唔應該再強逼d細既做superhero呢..」
我:「雖然我曾經都好唔鐘意，但係..做superhero的確令我得到好多野..」
阿爺笑道:「哈哈...不過我始終都覺得咁做有d守舊，我出返去之後就會廢除..」
突然，阿爺臉色一沉
「阿爺...做咩呀？」
阿爺沉重問:「飛龍，你感唔感覺到？」
飛龍點一點頭:「嗯..係好強既氣，行過埋黎，但係冇殺意」
「踏！踏！踏！踏！踏！踏！踏！踏！踏！踏！踏！踏！」腳踏聲越黎越近
同時，音樂亦越黎越大聲
「Here we go again motherfucker！！
Come on down and see the idiot right here！！
too fucked to beg and not afraid to care！！
」
「hey！各位motherfucker！好耐冇見啦！！！」
入黎既人，身材高大，身穿白色裇衫，一頭skinhead，不過都好撚靚仔
「光晨？！！你...返左黎？」
全文完