【英雄系列1】廢鳩俠: 20

20.

「咩話？！」

尾隨既阿彩遞上一張紙條
「我同小珠會去搞掂歐陽振西 飛龍字」

「仆街！」我正想奔出走廊
小櫻拉住我:「阿哥，你想去邊呀！」
「仲駛講！緊係去幫佢地啦！」



阿彩:「你地得兩個人點去打呀？」
「放心啦，我地搞得掂架啦，阿彩你留響度睇實老豆老母啦」

「阿七！」老豆叫停我
「萬事要小心，記得..要保護小櫻...」

「嗯，你放心啦..」





坐響隔黎既小櫻神情憂慮:「飛龍同小珠..唔會有事架呵？」
我扭住軚盤:「唔會！佢地兩個咁好打，宗南應該唔係佢地既對手..我只係驚佢地打唔贏果個歐陽振西姐..」
「你同我定啦小櫻，我有一樣發明，可以打贏佢」

「阿哥..你，真係得？」小櫻懷疑地笑道
「嗯..你信下我啦小櫻」

「不過，你可能要等一等先至見到我呢一樣發明」



我馬上打比阿昇
「阿昇...部野..我依家要用啦」
「吓..咁急？」
「無時間啦！依家趕住救命呀」
「唉，咁好啦，我依家叫boss用直升機送過黎啦，location我會mark響你到時果個GPS位置架啦」


一落到車，就已經聽到砰砰聲
屌，唔係槍聲下話
我同小櫻馬上加快腳步，跟住d聲跑

跑到其中一間船廠門外
已經見到，飛龍、小珠同歐陽振西打緊

我跑埋去:「飛龍！你地做乜自己黎左同佢打呀！」


飛龍掩住腹，似乎係受左傷:「阿七...你地唔係呢個人既對手黎」

「exciting！」歐陽振西又再9up:「你地兩個死賤種都黎埋啦，咁仲好，一次過收哂你地皮！」
飛龍:「你地兩個，入去船廠救人！」
「但係..」小櫻道
「唔好但係啦，快d啦！」

我同小櫻馬上走往船廠
「想救人？天真！」歐陽振西卻想制止，撲向我地兩人
幸好，小珠同飛龍及時擋住佢既手刀

「快d呀！」
我同小櫻立即加快腳步，跑入去救人

入到船廠搵左一陣，終於響角落搵到二姑媽佢地


「阿七...你地..係黎救我地架..」三伯父問
我同小櫻為佢地鬆綁:「嗯，你地快d走啦！」

「咪駛旨意走！」
說時遲那時快，宗南從死角中出現，以飛腿攻擊我
小櫻馬上用大極拳化解佢既攻擊

小櫻道:「阿哥！你送佢地走先啦」
「唔得！我邊可以比你留響度一個人頂住呀」
三伯父:「冇錯..我地自己走得啦，阿七你留低幫你細妹手啦」

二打一，點都係我同小櫻有利d
我問:「宗南，點解你到依家都仲要幫歐陽振西呀？」
「就係慕容家果d守舊既思想，搞到我地要做埋d乜鳩野superhero呀！」



「阿七你唔係都想做個正常人，唔駛做superhero既咩？點解你仲要幫住呢班老屎忽呀！」



「係！我..曾經好唔鐘意做superhero..但係依家...因為superhero，我得到左好多野！」
至少，superhero令我同露露拉近左、識到阿彩呢d臭西、同美雪扑野破處、識到阿昇新月呢d咁好既朋友


「就算你點唔鐘意都好，我地始終都係屋企人黎架，點可以咁反骨呀！」

「啊！！你收聲！！」宗南開始發癲，衝向我
我馬上拎出編號032產品，BB彈SMG，射向宗南
BB彈擊中宗南雙眼，隨即掩面倒地

小櫻就睇準機會，先用小連拳攻其中軸


再用膝撞將宗南擊昏

「嘿，小櫻，兄妹果然係合拍d喎」我笑道
小櫻伸出舌頭:「嘻嘻，駛乜講！」

我拎出產品編號012，pvc手銬，將宗南鎖響門旁
「宗南...希望你醒返果陣會改過啦...」我心想

此時耳機並傳黎阿昇既電話
「阿七，IID既同事已經將部機械人送到黎你果個位置，預計三分鐘內啦」
三分鐘..

出返去船廠外

只係見到
歐陽振西岩岩好，用飛踢將飛龍同小珠擊倒

「weak！真係太弱啦，兩三下手勢就解決」歐陽振西不屑道

「飛龍！小珠！」我同小櫻馬上衝埋去睇下兩人既傷勢
雖然受左重傷，但應該仲未有生命危險

「你呢個衰人！」
小櫻馬上衝過去，以太極拳直擊振西既胸口

振西晃到左邊避開，再一下直拳重擊小櫻既橫腰
小櫻隨即被打飛幾米

「小櫻！！」
小櫻倒響地上:「阿..哥..」

振西拎出手槍:「pretty！雖然小妹妹你係幾可愛，不過，既然係慕容家既人，就唔可以留手啦..死啦！」




「砰！！！」
幸好，呢一下並唔係開槍聲

一個鋼箱從高處墮下，出現響振西面前

「吓..咩黎架」振西走近鋼箱




「噢啦！！」一個拳頭從內打穿鋼箱
反應極快既振西迅速避開呢一下重拳


「fuck！呢個...」

一個機械人，好似人咁從鋼箱行出黎
金色身軀、有五官、外殼由鈦金屬同合金製成
外型成個jojo替身咁


我拎住控制用既改裝ps3手掣「產品編碼063 白金之猩 正式投入作戰」





「屌你老味啦阿七，你咪撚亂改名啦！」阿昇透過白金之猩既通訊器道