【英雄系列1】廢鳩俠: 9

9.

「副校長..」
「快..快d入黎先！」
我放低阿彩落佢間房既床上:「副校長..對唔住呀我..」
副校長著急道:「唔好講咁多啦..阿彩中左d咩呀？」
我拎出果包白粉同說明書:「嗱...」

「我睇下先...」副校長拎黎睇
「哦...好似呢d只係普通既迷藥黎姐」副校長抱起阿彩道:「我比返d藥阿彩食，訓一教就ok架啦」


呼..好彩姐，總算忍得住手冇屌到阿彩

呢個時候我先發現，原來阿彩間房都幾大，仲大過我地一家果間屋
周圍都放哂唔同super hero既公仔，DC、MARVEL、甚至唔關事既幪面超人都有
仲擺左5支結他響書枱邊，電同木都有，似乎阿彩都識結他

除此之外，仲有一張張樂隊既海報貼響牆上
小櫻最愛既UVERworld、muse、Slipknot、Oasis等等等等

「阿七...今次真係唔該哂你..」副校長多謝我


「唔駛..係我唔小心，先搞到阿彩中左招..對唔住呀副校長.」
「唔駛叫我副校長咁見外啦，叫我堅叔算啦」
「係..係既堅叔」

副校長企起身:「我呢個女呢，天生好衝動架，以後就要拜託你睇實佢架啦阿七」
我點頭:「嗯...係」
堅叔點起香煙:「阿彩小學果陣成日比人蝦，所以佢就係咁求我，叫我比佢去學功夫..」
「不過估唔到，咁樣反而搞到佢成日都話要做super hero，一見到有咩野唔順眼就拳頭解決..」
「一日最衰都係我..掛住做研究，搞到老婆又跟個死差佬走，個女又咁難教....sorry呀阿七，我係咪講多左呀？」
「唔係..我都返去先啦」


「嗯，今晚既事唔該哂你啦阿七，阿彩醒返我叫佢打電話比你丫」
估唔到阿彩咁撚惡死，佢老豆堅叔就咁好人



「我返黎啦..」
老母問:「阿七今晚咁遲既..係喎，阿彩呢？」
「佢..話唔舒服喎..所以我送左佢返去啦..」我求其up個原因
老豆:「咁唔小心呀..記得多d休息呀」
大佬你同我講把撚咩..


第二朝
阿彩已經打返比我:「喂柒頭！」
「做乜呀阿姐...」


阿彩竟然多謝我:「尋晚...唔該哂你.」
「唔駛..咁話哂你係我拍檔嘛，我同老豆講你係唔舒服...抖返一兩日啦」

「嗯...話事話，尋晚我中左果d白粉之後..冇做d奇怪野丫嘛」阿彩忽然好緊張咁問
「冇..冇..呀」
阿彩仲係唔信:「真係？！但係我好似仲記得...」
「冇呀，你淨係暈暈地咁咋」
「哦，咁幫我同世伯伯母講我星期六會照黎架，係咁啦」
原來果隻藥會搞到人唔記得中招果陣發生咩
下次小櫻你就知死！


星期六，旺角站
今晚既飯局雖然七點入席，但係果d姨媽姑姐都上哂去打牌
所以老豆老母都已經上左去酒樓準備


而我同小櫻，就響旺角站呢度等阿彩個臭西

「屌佢老尾，約佢5點半，依家6點都黎緊啦，死臭西咁撚遲！」
小櫻個死女包駁我嘴:「阿彩姐姐要扮靚先出黎咪遲囉！咸濕阿哥！」
「死淫櫻駁我嘴？！又唔見我出黎遲？」

「咁緊係啦，你都唔會執正自己，頭都唔gel，抵咸濕阿哥你溝唔到女呀！」
「淫櫻你...算！好男不與女鬥！」
小櫻對我做鬼臉:「哈哈，咸濕阿哥次次嘈交都輸比我」

過多一陣，著住t恤牛仔褲既阿彩先輕輕鬆鬆出閘
小櫻向佢打個招呼:「阿彩姐姐，你好返未呀？」
「好返哂啦，依家鬼打咁精神呀！」
我指指錶:「阿姐，你駛唔駛遲成半個鐘呀...」
「吹呀？遲到係女仔既專利黎既！」阿彩條臭西真係一d歉意都冇



一路行去酒樓，阿彩係咁問小櫻關於今晚飯局既事
「小櫻呀，乜今晚飯局好大件事既咩？」
小櫻詳細咁解釋:「嗯，我地慕容家既習俗就係中秋節會舉行年飯，所有既子子孫孫都要齊哂」
「咁到時有咩做架？」

「除左食飯之外，到時仲會抽下獎同埋由我地阿爺講幾句說話咁囉..丫仲有，阿爺會頒慕容家全年最佳英雄獎比今年做得最好既super hero」
阿彩亦乘機笑我:「咁呢個柒頭肯定冇份啦哈哈哈」
「仆街...但係成個慕容家暫時得我入到大學咋喎，又唔見你講？」
「入到大學有撚做咩，你咪又係柒下柒下咁！」阿彩同小櫻瘋狂恥笑我
唉，我真係好後悔星期二果日冇屌柒你個臭西！

「係喎，柒頭...我星期二果日..無咩丫嘛？」阿彩皺住眉問
「可..以有咩呀？」
阿彩揸緊我膊頭:「我..有冇d咩奇怪既行為呀？」


「冇..冇呀」
阿彩鬆一口氣:「哦..咁都好d，比我知道你抽我水既話就隊冚你！」

上到酒樓，已經見到成場都係比我地慕容家包哂
d世叔伯響哂度打牌，有成十幾枱
保守估計，上年黎慕容家年飯既人有三百人

「阿彩你地黎左啦！！」食緊花生既老豆老母見到我地
「係呀世伯伯母，唔好意思呀頭先遲左少少」仆街，對住兩老就變臉
「唔緊要..我帶你去見下d世叔伯啦」

「二姑丈、三伯娘、五伯父、七姑姐...」老豆老母逐一為阿彩介紹我地家族既親戚
我老豆有9個兄弟姐妹，佢排第六
d親戚見到阿彩:「你就係..阿七果個拍檔呀？」
「係呀，我叫阿彩，你地好呀」

其中一個極口臭，貌似吳君如既四伯娘就恥笑:「哈哈都係既，唔通阿七會溝到女咩...做super hero又廢，個髮型又豬dum兜，又搵唔到錢...」
「哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈哈」
全場包括老豆老母小櫻阿彩，都好似may姐咁笑柒我

「sorry呀阿七..我份人係咁直架啦！阿彩咁靚女又識功夫，真係叻既姐...」
其實我都慣左每年年飯比d親戚笑
不過我真係唔明，點解d老屎忽全部都咁鐘意讚阿彩
明明又串又爛口

「唔好咁啦阿七，班老屎忽係咁臭串架啦..」背後一人拍拍個既肩膀
我回頭一望，係我其中一個堂阿哥，慕容飛龍，係親戚中少數同我傾得埋既同輩
22歲，好撚打得，連續三年慕容家全年最佳英雄獎得主
仲要幾撚靚仔，係名符其實既男神
佢唯一輸比我既，就係佢dse拎6條1，ive都唔收

「飛龍..好耐冇見啦，唉我都慣架啦..」
飛龍安慰我:「天生我才必有用，雖然你既拳腳功夫係渣，但係最重要既係你頭腦聰明...」
我只好苦笑:「由你黎講呢句真係冇乜說服力喎」

「阿七...我真係好羨慕你可以讀大學..」
另一個堂阿哥慕容宗南亦走過黎，佢同樣都係dse拎6條1既人

宗南托托眼鏡:「呢個社會仲邊有人做super hero架...依家我根本搵唔到正職做」
飛龍:「宗南..你..」
宗南咬牙切齒:「一日最衰都係我個仆街老豆，果陣日日逼我學埋d濕鳩功夫，搞到我書都冇時間讀...依家一身武功就點...」
響呢刻，我同飛龍都唔知點安慰佢
唔通直接話「做super hero真係好on9」咩，盞比班老屎忽屌死啦

「小珠！！！呢邊呀！！！」身後既四伯娘大叫
一個留中等長度分界頭，著住超短牛仔熱褲既高妹走過黎
呢個就係我既堂細妹，慕容明珠，17歲，大小櫻一年，個樣就成個廿幾歲咁
雖然佢對腳真係好白好幼好好J，但係個人串到仆街，同我都冇乜兩句

「阿媽，做咩咁急叫我過黎呀？」小珠問
「黎同你介紹，呢個就係阿七個拍檔，叫阿彩呀！」
小珠不屑地望左我一眼:「哦...原來係個廢柴既拍檔..咁都唔勁得去邊呀...」
四伯娘:「唔好咁講野啦小珠..」
死臭西，仲串過小櫻同阿彩，總有一日一定捉起你黎奶腳、玩腳交，射哂落你對腳度！

阿彩微笑，伸出手:「你好呀，你咁講，你既功夫一定好勁既姐..」
小珠眉頭一皺:「你咁講，即係想打過啦..黎丫」
四伯娘連忙拉開小珠:「今日大日子唔好咁啦小珠，就埋位啦，搵位坐啦」
小珠:「哼..廢柴真係廢柴！」

我地一家四口加上阿彩就同飛龍一家同枱
「喂頭先果條臭西..就係你果個四伯娘個女呀？」
「嗯...」
阿彩:「咁撚串，竟然夠膽話我廢？我打到佢入放學ICU呀」我心諗，你咪一樣都係咁串

「算啦..佢不嬲都係咁架..」
「嘩你比人踩到上心口都照忍呀？比著我係你，一陣食完飯就推佢埋山邊姦啦！」
「你都on99既！」
你估我冇諗過咩！on99

冇幾耐，我地慕容家既年飯正式開始
一個頭髮白哂，外表極為霸氣既老人家健步如飛咁行上台
「歡迎咁多位慕容家既子孫，來臨我地今年既年飯！！！」

「喂柒頭，呢個邊撚個黎架？」阿彩問
「呢個就係我阿爺，慕容守雪..」
老豆:「佢未退休之前，曾經捉過百幾個重犯架」
阿彩:「嘩..乜咁把炮架？」

「我地慕容家既子孫，今年繼續以儆惡懲奸為己任」阿爺又講埋三篤屁
「係..喎，光晨呢？今年又唔黎呀？」

「光晨？」阿彩又繼續問
老豆:「光晨佢係我移左民既果個大佬個仔，被譽為係慕容家最強既人，不過近幾年已經去左美國，冇人知道佢既行蹤」
我呢個堂大佬光晨，我細個都係見過幾次

等左咁耐，終於有得食飯
阿爺:「好啦，襯大家食緊飯，依家就頒發..慕容家全年最佳英雄獎」
「嗚！！！！！！！！！！！！！！！！！！！！」全場不停歡呼
我都唔知拎黎做乜鳩，得個獎盃，現金獎好撚過啦

「今屆既慕容家全年最佳英雄獎得獎者就係....慕容宗南！！」
「嗚！！！！！！！！！！！！！！！！！！！！」歡呼同拍掌聲馬上此起彼落
我對面既飛龍雖然失落最佳英雄獎，但依然微笑拍掌

「嘩...估唔到佢咁勁架喎..」阿彩話:「你條柒頭皮，睇死你一世都冇得拎啦」
「on9...我先唔貪呢d獎！」
小櫻亦恥笑:「好酸呀！哈哈哈」

宗南低住頭，行上台
阿爺遞上獎盃:「宗南，做得好呀，下年繼續努力！」
點撚知，宗南接過獎盃之後
竟然馬上掉落地！
嚇到成場人呆撚哂！

「屌你老母！！我忍左好撚耐啦！！」
宗南指住阿爺:「你條仆街，搞乜撚野做英雄呀！！！你搞到我依家連工都搵唔到呀」
「識功夫又點呀？好打得又點呀？依家呢個社會講食腦架！醒下啦老屎忽！」

佢老豆老母隨即企起身:「仆街仔！咁樣同阿爺講野？！」
「我仲未講完呀！就係你地兩個仆街逼我學埋d濕鳩功夫，搞到我書都冇得讀呀，上到中四連passion都唔識串！」
「點解阿七有得讀大學，我冇呀？屌你！！！」
講完呢番話，宗南就衝左出去

比宗南冇啦啦咁鬧，阿爺幾秒後先回復冷靜
「er...大..大家食野啦..」大概阿爺一生人都未比人咁鬧過，仲要係自己個孫
最後呢一餐飯，大家都食到un住un住

宗南其實都講得岩，依家呢個世代識打交真係把撚咩
仲要我地班新一代去守呢d老屎忽定落黎既規矩，搞到香港廢青人數上升
真係痴撚線


臨走果陣，落到酒樓樓下
小珠仲響度講風涼話:「估唔到果個宗南都係d蠢到死既廢柴，早知比個獎我好過啦」
「輪都未輪到你啦，八婆」估唔到，呢句竟然係阿彩講
「你講咩呀？打過丫！」
「好呀！駛驚你？！」

我同小櫻馬上拉開阿彩:「冷靜d啦！」
「我送你落去地鐵站啦屌！」



「做咩撚呀？比我打鳩條臭西一身嘛..」落到地鐵站，阿彩鬧鳩我
我:「阿姐，大街大巷打乜鳩呀？」
「果條女真係睇見都眼怨！」阿彩睥住我:「柒頭...」
「做咩呀？」

「你唔好好似岩岩果個宗南咁發爛渣唔做super hero呀！」
我苦笑:「點會呀...我都唔敢啦」
「係就最好啦，走先，係咁」
估唔到一餐飯，竟然會發生咁多事
我唔想做super hero姐，但無可否認，呢一份工的確令我得到左幾多野下
雖然，阿彩呢個臭西好撚乞人憎