【英雄系列1】廢鳩俠: 7

7.

呢下我同小櫻呆足幾秒
「咦..sakura..你冇野丫嘛？」肥良問
小櫻回返神:「哦冇事呀...三位主人入黎丫」
入去果陣，仲同小櫻對望左一下
「點解小櫻無啦啦做左女僕既？」呢一刻，我內心不斷咁諗

呢一間女僕都算大，大約有1000呎
成場都爆撚哂，個個客人都毒氣沖天(除左我)


除左小櫻之外，仲有6個女僕

「三位主人要食d咩呀？」小櫻chok起把嬌嗲聲問
肥良同賢仔色迷迷咁望住小櫻:「我地要兩個魔法蛋包飯丫」
我:「呃...我都要一個丫」
「好丫，請三位主人等等，好快有得食架啦」小櫻臨尾仲要鞠躬，露出條大波gap！

呢個時候我先留意到，全場毒撚既目光都係射向小櫻
個個係咁搖個噹噹叫小櫻過黎，傾計又有玩佢又有



「主人我今年16歲咋」
「主人，你再亂咁搖噹噹既話我就要罰你架啦！」
「主人我要罰你打手板呀！」

我作為小櫻個大佬，睇到小櫻咁受毒撚歡迎
竟然一d開心既感覺都冇！
睇住小櫻狂叫d毒撚做主人，我都有少少反胃

「三客魔法蛋包飯呀主人」
「唔該哂你呀sakura！」肥良仲乘機摸小櫻對手，屌佢老母


「主人要跟我做魔法，碟蛋包飯先好味架！」可愛既小櫻道
肥良同賢仔都好興致勃勃，咁我都只好跟住做
「一，二，三...moe moe..Q！！！」
嘩屌，柒撚到..要個大男人做呢D野真係慘過食屎

之後又有個毒撚問:「sakura呀，你平時鐘意聽咩歌架？」
「我鐘意聽UVERworld架主人」
「咩黎架？」
「我開比你地睇丫」

小櫻從大電視度開左UVERworld youtube上既live片段
自己就揸住mic唱
「立てない程の哀しみが
僕を選んだとしても
誰かが この運命のクジを背負うなら


僕は 避けて生きるだけの
人になりたくない
辛いのは分かってるけど
明日笑えるように」

其實，小櫻唱歌真係好撚難聽
但成班毒撚聽到如痴如醉，好似大陸果套我是歌手d歡眾咁
好心啦，我日日都聽個死女包唱，仲要fing哂頭咁架

「唔好意思呀主人，今晚夠鐘啦，要下次先再見到你地呀」小櫻懶係依依不捨咁
肥良皺哂眉頭咁:「但係我唔捨得你喎sakura」
「咁我依家送三張相比你地，咁主人就唔會怕寂寞啦」小櫻將三張3R相遞比我地，全部都係小櫻擺住pose影既
不過得我果一張上面寫住「To お兄ちゃん」
好似係日文既「阿哥」咁解



「係咁..歡迎三位主人下次再黎啦，拜拜」小櫻送我地出門口
肥良同賢仔著哂迷咁:「拜拜...sakura」
唉，點解我兩個fd會比小櫻迷住架..
由於佢地係未上過我屋企，而小櫻亦都未黎過我學校
所以佢地係完全冇可能知小櫻係我細妹

「嗚呀..sakura真係好可愛呀」賢仔笑得好淫
「如果每日都可以見到佢就好啦」
痴撚線，一個蛋包飯加野飲成110蚊一個，日日食你破撚埋產啦
「喂，做乜阿七你咁既...sakura唔正咩？」
我:「..正，幾正呀...」
「如果可以做到sakura男朋友就好啦」
「屌你，係都我做啦」
兩個毒撚響度FF，真係好恐怖



返到去屋企，老豆老母都響哂度
「咦阿七，你今日唔係同阿彩去執勤咩」老母問
「佢今日約左佢老豆食飯喎」我準備拎衫沖涼:「算啦，反正咪又係食白果」
老豆讚阿彩:「丫星期日都陪屋企人，阿彩真係孝順啦」
「屌你，我一星期六日都響屋企食啦，你又唔讚我？」
「你星期日唔陪我地入西貢已經不孝啦，下星期六中秋節飯記得帶埋阿彩黎呀仆街仔」
屌，唔講仲以為阿彩係佢地個女

沖完涼後
「我返黎啦..」身穿便服既小櫻返到黎
屌，小櫻成十點半先返
老母:「小櫻咁夜先返既？」
「唔好意思呀媽咪..」小櫻望一望我:「我過多陣先沖涼呀」

小櫻同我入返房，我就即刻鎖門


「喂，淫櫻你做乜去做女僕呀？」我細細聲問，以防比老豆老母偷聽
「唔准咁叫我呀阿哥！」小櫻放低背囊:「咁...我想儲錢學日文同去日本嘛，我又唔想媽咪覺得我大洗..」
「吓..去乜春日本呀？」我問
小櫻扁哂嘴:「我想去睇UVERworld演唱會丫嘛！做女僕又算輕鬆咪做囉...」

「但係...你頭先唔覺得d毒撚好恐怖既咩？係咁昅你喎..」
「雖然d客係毒少少..但未至於核突姐，都對我幾好丫」小櫻既警戒性真係低:「係喎，阿哥你做乜去女僕cafe既？」
「我..我班fd話有個女僕正，叫我去姐...估唔到原來就係你」
「哦唔怪之得啦」小櫻坐埋黎，一臉哀求:「阿哥，你唔會同daddy媽咪講架呵？」

「嘿嘿嘿」我望住小櫻奸笑:「咁就要睇你..乖唔乖啦，嘻嘻」
小櫻一臉慌張:「阿哥..你想點呀？」
「又捽碟又做女僕，淫櫻你今鋪咁多痛腳響手....係咁咦都比少少著數我啦」
「自從果次之後我...我冇再捽啦，阿哥你真係好衰呀，唔怪之得阿彩姐姐成日都鬧你！」
「姐係傾唔掂數啦！好依家就出去講！」
點撚知個死女包竟然..
「好丫，咁我就同daddy媽咪講你用個鏡頭睇我沖涼，睇下佢信邊個！」小櫻嬲爆爆咁講

仆街咁都知？！
「你up...乜呀！我唔知你講咩喎！」我扮冇事發生
「你個鏡頭咁大粒，我一早睇到啦！」小櫻勒住我，將我拉落床:「咸濕阿哥！」
「鬼叫淫櫻你咁大波咩，益下阿哥都得掛！」我自知斷正，只好將呢件事合理化

小櫻扁哂嘴:「咸濕阿哥！」
「死女包丫...淫櫻！」
「咸濕阿哥！咸濕阿哥！咸濕阿哥！咸濕阿哥！咸濕阿哥！咸濕阿哥！咸濕阿哥！咸濕阿哥！咸濕阿哥！咸濕阿哥！咸濕阿哥！咸濕阿哥！」
「淫櫻！淫櫻！淫櫻！淫櫻！淫櫻！淫櫻！淫櫻！淫櫻！淫櫻！淫櫻！淫櫻！淫櫻！」
「祝你一世溝唔到女呀咸濕阿哥！！！」
「祝你一世比d肥毒撚溝呀淫櫻！！！」

之後小櫻沖涼果陣，仲特登對住鏡頭做鬼臉，再將佢扯落黎掉落廁所沖走
死女包，遲早要狠狠教訓下你！


第二日響學校食物果陣
「唉，自從見過sakura之後，我就對其他豬西再冇興趣啦」賢仔道
肥良嘴角含春咁:「係囉，都係sakura bb最QQ，可惜佢星期六日先返啦，唔係既話我日日都去見佢啦...喂阿七乜咁樣既，sakura bb唔正咩？」
「冇野..眼訓姐..」即係啦，聽住你班毒撚性幻想自己個妹，我都西口西面啦
「係喎一陣果堂係common core...即係你又要對住果兩條女呀，你又有排受啦喎」
不過佢地兩個唔知我同露露阿彩之間既事，又唔怪得佢

一入到lecture room，露露就已經響度
「露露...早..早晨呀」我膽粗粗咁同佢say個hi，依家12點半應該都講得早晨掛
「早早..早晨呀阿七」露露微笑回應我，嗚呀
開始上堂十幾分鐘之後，阿彩先返到
不過佢都好識做，冇同我講太多野，廢事比露露懷疑

不過，露露專心上堂既程度真係好恐怖
上堂想聊下佢講野都唔得

好快，就過左兩個鐘
結果我都冇乜同過露露講過野咁濟
「我走先啦...拜拜阿七」
我叫住露露:「係喎...聽日..」
露露回頭:「做..做咩呀？」
「不..不如我地上堂之前...一齊食飯丫，好嗎？」
「呃...」露露先係呆一呆:「...嗯..好丫...聽日見，拜拜」

掂呀，人生第一次約到女仔呀！！！！
阿彩一野拍落我個頭度:「做乜鳩姐你？人地可憐下你個毒撚咋！」
「屌...咁都叫成功既第一步丫」我反駁

「所以話你冇溝過女，食個飯都咁撚多幻想，掂到手仔係咪大肚tim呀？」
我廢事理鳩佢:「你都on9，廢事同你講！咁你又溝過仔未呀？」
「冇喎..香港d男人咁撚廢，又懦弱，我睇唔上眼呀」
嘩，真係巴撚閉喎
「係喎..我今日唔開工啦，好眼訓」
「屌...話你廢鳩俠真係廢鳩俠，係咁啦」阿彩向我道別


星期二，下午一點
「阿七..你好..唔好意思.上堂遲左呀..」等左幾分鐘，露露先到左canteen
嗚呀，露露今日著住淺藍色文青長裙，好pure好true呀
我即刻拎起霸位既背囊:「唔緊要...我都係岩岩黎姐..好多人呀，去買野食囉」
「...嗯」
露露平時講野都陰聲細氣，真係好cute呀

「阿七你..食咩呀？」
「呃..呃...意粉啦」我求其揀左個
「好丫..我都食呀..」
呵呵，露露跟我食意粉呀

食食下野果陣
「阿七..你知唔知...星期六果日..果個blackman又出黎打低兩個賊呀？」露露問
我摸摸頭:「係..係咩？近排我冇乜睇新聞呀..」
露露嘴角含春咁:「如果可以..再見到佢就好啦..」
唉，blackman咪響你面前囉。。。咁唔通依家我即刻戴起塊面具比你睇咩，你都唔信啦
一日最衰都係果個實Q，如果唔係露露一早就愛上我
我亦都唔駛比阿彩條臭西知道我係blackman，依家冇好日子過

雖然今次成功約到露露食lunch，但係佢又唔係好多野講既女仔黎
結果我同佢上完堂又係各自返歸
屌...上高登睇d甜故，明明好撚易就溝到女架喎，再唔係就係幾條女自動投懷送抱
媽，為何結果不是我想的那樣！