【英雄系列1】廢鳩俠: 淫櫻外傳：喜歡貓的櫻與薰

淫櫻外傳：喜歡貓的櫻與薰

1.



「鈴鈴鈴鈴鈴」


「呼...終於放學啦....」



穿住校服既小櫻打住呵欠，從坐位上站起


「小櫻！我地依家去唱K呀，你去唔去呀？」同學們問


小櫻支吾以對

「呃...唔..唔啦...我約左人呀...」




「答到咁既...係唔係約左男朋友呢？嘻嘻」


「唔..唔係呀，我都冇男朋友...」

小櫻:「咁我走先啦，拜拜！」






小櫻乘住地鐵，去到樂富既某一條街道

「嘻嘻...又可以見到隻貓貓啦...」



==============================

一星期前


小櫻由摩士公園前往地鐵站時





「喵！」




「點解..有貓叫既..」

小櫻被貓叫聲吸引住，走入某一後巷


原來，係一隻啡毛既小貓

「嘩，好得意呀隻貓仔！」



小櫻忍唔住走埋去摸摸


「喵....」


「貓仔好乖呀，但係點解你會響後巷既...唔通你係流浪貓黎既...？」

望住可愛既貓咪，小櫻既愛心馬上爆發

「嗚...好想帶你返去呀....不過唔知道daddy媽媽鐘唔鐘意貓既呢..」





小櫻望望地下，有一盤裝住貓糧既膠兜

「哦...原來你有人養既...咁我都放心d~」小櫻輕撫貓毛:「不過你主人放得你響度，都唔方係好人啦！」



「喵....」


「一係咁丫，我以後每個星期都黎探你，好唔好呀貓貓！？」小櫻抱起貓咪

「喵~！」


「嘻嘻....」




==========================


小櫻走到該條後巷時



「夠鐘開餐啦牛丸！」前面傳來一聲女聲

「喵！！！」


呢位二十多歲、身材豐滿既美女，似乎就係貓咪既主人

「對唔住呀牛丸...始終都唔可以帶你返去....」




「呢個...唔通就係貓貓既主人？」小櫻心裡盤算:「但係..佢話唔可以帶佢返去...」





「你...你好呀...」小櫻走過去

「我想問下，隻貓...係咪你養架..？」


「呃...」

果位靚女被小櫻嚇親:「都..都算係養既...」


「咁點解..你要放佢響呢一度呀」小櫻竟然駁斥佢:「你知唔知....香港好多虐待流浪貓既變態佬架」



「妹妹...你冷靜d聽我講先...」

呢個靚女平心靜氣道:「我係響半年前，第一次響呢度見到牛丸既....當時佢仲係流浪貓黎既」

「我見佢咁慘，咪得閒放低d野食比佢囉....漸漸佢就當左呢度係佢屋企啦」

「不過，我屋企開茶餐廳，我老豆又對貓毛敏感，所以我只可以放牛丸響度咋....」



「原..原來係咁...」小櫻心感歉意:「對唔住呀小姐，我未清楚成件事就鬧你....我係上星期響度第一次見到牛丸佢架」


「唔緊要！你都係擔心牛丸姐....我叫杜雪薰，妹妹你叫咩名呀？」


「我..我叫慕容春櫻，薰姐姐你叫我小櫻得架啦」

小櫻點頭示好



「慕容.....你！唔通就係世世代代都做super hero既果家人？！」薰姐姐驚叫


小櫻無諗到，真係有人會知慕容家既野

「薰姐姐..你都識我地慕容家既...？」


「嗯，果陣我跟老豆學功夫果陣佢有講過下咁，佢話你地一家人都好有正義感架！」




「除左我個咸濕阿哥囉...」

小櫻心中恥笑



「喵！」

「嘻，牛丸食野好得意丫！」小櫻摸住牛丸既毛


「小櫻你好鐘意貓架？」

「嗯！！我由細到大都好鐘意貓貓架...」



「咁你屋企...養唔養得貓架？」

薰姐姐不好意思地問:「其實放牛丸響呢度，我始終都唔放心...你咁鐘意牛丸，不如將佢交比你丫」





「吓...真..真係架？」小櫻問:「但係...我冇養過貓架」

「養貓好易架咋...你唔駛點理佢都可以架」


「但係...牛丸佢....」


「你鐘唔鐘意牛丸先？」

「鐘意...但係..我驚我無時間照顧到佢呀...」



「喵...」

牛丸乖巧地跳到小櫻大腿上


「睇下，牛丸幾鐘意你！」

薰姐姐拍拍小櫻:「我相信...你會好好咁照顧牛丸既！」


「嗯..不過」小櫻若有所思:「我唔知..屋企人比唔比喎...」

「咁啦...我同你一齊返去，多個人多把口嘛！」

「唔...唔該薰姐姐..」





「我返黎...啦」

小櫻跟薰姐姐抱住牛丸回家


「喵！」

「返黎啦小櫻...咦做乜帶左隻貓返黎既？」小櫻既父母同時問


「佢叫牛丸呀，我響上個星期第一次見到佢...薰姐姐一直照顧佢，但係薰姐姐又唔可以帶佢返屋企...所以...」

小櫻眼神堅定:「我想養牛丸，帶佢黎我地屋企呀」



「哦....都好丫...我地屋企都未試過養寵物」爸爸道

媽媽笑道:「小櫻你真係有愛心啦...咁呢位..就係你所講既薰姐姐啦？」


「uncle auntie你地好呀，我叫杜雪薰，因為我屋企開茶餐廳，而且daddy對貓毛敏感，所以我唔可以帶牛丸返去」

薰姐姐對各位鞠躬:「多謝你地收留牛丸呀！」



「唔駛...有隻貓有返d生氣，又唔會好似狗咁嘈」爸爸笑道:「不過小櫻...你要記得照顧佢，唔好三分鐘熱度呀..」


「嗯！知啦！」

小櫻笑逐顏開:「牛丸，呢度就係你既新屋企啦！」

「喵！」牛丸亦似乎十分興奮



「嘩...咩事咁嘈呀..」

睡眼惺忪既阿七打開房門出黎:「做乜無啦啦有隻貓既？」


「呢位係...？」

小櫻:「呢個係我阿哥呀，叫阿七」


薰姐姐微笑點頭:「阿七你好呀，我叫阿薰，隻貓叫牛丸，係我問小櫻可唔可以養架」




「嘩..呢條女正呀...對波仲大過臭西彩...」


「得！緊係得啦哈哈！！我最鐘意養貓架啦」阿七四萬咁口咁笑



「哈哈多謝你地呀....咁我走先啦」

薰姐姐再三叮囑:「小櫻，記得好好咁照顧牛丸呀」


「嗯！」





薰姐姐離開，行到出走廊時


「薰姐姐！」

小櫻從後跑出黎


「嗯？做咩事呀小櫻？」



「你...得閒既話，隨時都可以上黎睇牛丸架....」小櫻道


薰姐姐拍拍小櫻既膊頭，笑道

「嗯！我會架啦...」