[屍故] 完sem後被迫留在科大玩一場生存遊戲: 第４章—團隊
「呼！你…無嘢…呀嗎？又…帶住你…周圍跑。」我順手關門。
「我…無嘢呀。」沅婷喘氣道。
「不過…又會咁奇怪嘅，竟然無啦啦有個lab係開住門。」我說出心中疑問。
「吓…ｅｒ…我都唔知呀，不如入去睇吓先算，可能有人呢。」沅婷道。
「邊個？？」入面有人大叫。
「我地無惡意咖，可唔可以開門比我地入嚟？」我回應。
這個實驗室前門有兩道門，剛才進入的那道門後，我們只是入了一個小室，是用作放置隨身物品，再通過多一道門，才是實驗室，而我和沅婷只是待在小室內。
「咁你地入嚟先啦。」門後傳來聲音，然後門打開了。
實驗室入面有三個男人，其中兩個仍然神色未定，完全表露出面上，一個又高又瘦，一個又矮又肥。但站在中間的那一位卻神色凝重，由他的目光已經能看出他是個深謀遠慮的人，跟另外兩個人完全不是同一個層次。我也看出他應該就是首領，所以我第一時間向他自我介紹，以搏取他的好感和減低他的戒心。
「我叫阿豪，佢叫沅婷，啱啱比班喪屍追住我地，好彩我地跑得快走甩咗，多謝你地肯比我地入嚟。」我對住那位首領擠出一個不太假的假笑。
「吓？你比班喪屍追住？咁你都有無比啲喪屍發現我地係到呀？你撇甩咗佢地未咖？」又高又瘦的那個人雙手捉緊我的膊頭慌張地說。
「高威，你冷靜啲先，人地啱啱咪話咗走甩咗囉，你咁樣會嚇親人。」那位首領拉開高威雙手。
「喔！唔好意思。」他面上一紅。
「唔緊要。」我又假笑一下。
真是諷刺，名叫高威但卻比我還要膽小。
「我叫蔡子明，可以叫我做阿明，本身係做lab嘅TA，頭先都係我比佢地兩個入嚟嘅，多個人多個照應呀麻。不過呢，你地一個拎住掃把，一個拎住燒烤叉，仲話無惡意喎。」他托一托他面上的金絲眼鏡笑了一笑。
「個廣播話要拎武器我地先拎姐，哈哈！」我配合阿明緩和氣氛。
此時我發現另外又矮又肥的那個人，在色迷迷地望住沅婷，但沅婷竟然毫不察覺。我假咳了兩下，那個淫魔才稍為收斂一些，但視線都沒有離開沅婷。看來一定要好好盯實這傢夥，不然他可能會對沅婷做些什麼出來。
「你又叫咩名呀？」我對住又矮又肥的那個人問，目的是想他的視線離開一下沅婷，自然我所用的語氣也不太友善。
「佢叫肥波，你都見到啦，佢又肥又矮成個波咁。哈哈！」高威見我語氣不太對勁，所以代他回答。
「哦，你地本身識咖？」沅婷終於開口。
「係呀係呀，我同佢都係讀必屎(business)咖。」肥波搶先回答。
「哦，我同佢係讀science咖。」沅婷說。
老實說，我由第一眼開始已經看肥波不順眼，因為他真的很猥瑣，尤其他望住沅婷的時候，好像一隻大灰狼準備捕獵一頭小綿羊一樣，我心中愈想愈氣，不想沅婷和他有任何交流。
「我有啲嘢要同佢講。」我一手拉開沅婷到一旁，打斷他們的對話。
在我拉走沅婷的時候，我偷偷望一望肥波的表情，他憤怒地瞪著我。
「你呀，小心啲個肥波，我覺得佢唔方好人，唔好同佢咁多接觸。」我輕聲地在沅婷的耳邊說。
「吓，係咩，都唔係姐，我覺得無乜嘢呀。」沅婷不太認同。
「咁都無乜嘢？你一入嚟佢已經眼金金望住你啦。」我質疑地道。
「邊有呀？有咩？」沅婷說道。
為什麼女人的警覺性永遠都那麼低，常說女人的直覺很準，我就覺得根本是屁話連篇，明明肥波一開始見到沅婷已經是色迷迷看著她，但她竟然覺得肥波無問題。再想下去更加氣上心頭，說了一句氣話。
「妖，你聽吓我講得唔得姐，叫你小心啲姐，洗死咩？」其實說完這句後，氣都已經消了一半，都覺得自己語氣有點兒過重，但既然都說了出口，不想馬上死死地氣道歉。
「吓，對唔住呀，唔好嬲啦，我會小心啲咖啦。」沅婷眼角泛起一點淚光。
我還以為她會反駁我或者是罵我什麼的，沒想到竟然會向我道歉，這令我更加愧疚。
「你會小心就得啦，ＥＲ…我語氣又係重咗啲嘅，sorry呀。」我低頭目光不敢直視她。
分隔線
————————————————————————————————————————————————————————————
「喂！屌你！好撚悶喎，都無咩睇頭嘅？」一個又肥又醜的男人，含住一枝高級雪茄恕罵。
「依家只係啱啱開始姐，第二批已經入緊去啦，好快有嘢睇。」
「係至好呀，我比咗十～幾～億～入場咖。」一個濃妝婦人用高八度的語調說。
眾人繼續觀看大螢幕。
————————————————————————————————————————————————————————————
「喂喂！你地傾完未呀？方唔方便過一過嚟？」阿明叫道。
「哦，好呀！」我和沅婷不約而同回應，然後對望笑了一笑。
剎時，我感受到一股鋒利的寒意，是肥波。但他的眼神一剎就變回正常。
「肥波，你幫幫手出去打返開最出面個道門呀，順便睇吓有無喪屍係附近。」阿明說。
「吓，點解要打開最出面個道門呀？」我問。
「咁如果有人真係趕住搵個地方救命嘅，佢都入得嚟，而且依家哩個情況，多幾個同伴應該係好啲嘅。而且就算唔好彩出喪屍入咗嚟，我地都仲有第二道門頂住，爆咗入嚟又可以後門走，係咪先？」阿明說道。
這傢夥真的比我想像中還要冷靜，雖然這只是普通分析，但如果加上現時的這種突發事件，要做到這樣冷靜絕不容易。
「都係嘅。」我應道。
「咦！你兩個書包裝個啲係咪食物嚟呀。」阿明問。
「係呀！」沅婷馬上回答。
「咁我地依家都算係坐埋同一條船啦，咁啲食物係咪都應該share先？」阿明又接著說。
這一句語，好像在把我五花大綁再狂狂地強姦我一樣，根本不能反抗。其實我不是不想把食物分出來，只是主要是不想把食物分給肥波和高威，特別是肥波。
「ｅｒ…都啱嘅，但係本身我地嘅食物，就算二個人食都未必捱到五日，依家仲要分比五個人……」我回應。
「我都有諗過哩樣嘢，咁所以呢，我諗我地要搵人出去搵食物比我地。」阿明說。
「唔係掛，依家咁嘅情況，仲點搵食物呀，即係推人出去死咖姐。就算有，都一早比人拎哂啦。」我說。
「咁又未必，我諗過咖啦，我諗係hall啲房入面應該都會有啲食物，而且我覺得好多人都未必諗到，一開始啲人都係第一時間衝去啲餐廳搵嘢食嘅。」阿明說出他的想法。
「咁點入hall呀？同埋啲房都鎖咗啦？」我再問道。
「高威同肥波住hall6，用佢地張卡咪入到囉，同埋其實啲人住hall通常唔鎖自己道門方便自己出入咖。」
「我住hall3咖，我張卡入到hall3。」沅婷拎出她的科大學生證。
我望到她學生證上的學生相，和她真人差很遠，表情也影得很奇怪，我不禁掩咀偷笑。
「頂你，笑乜呀，我不嬲都係唔太識望鏡頭咖啦。」沅婷鼓起泡腮拍打我的手臂。
「好啦，咁依家即係我地可以入到hall3同hall6啦，好彩兩個hall都算近，而且附近有seafornt(餐廳)，仲可以順便睇吓仲有無食物淨。」阿明正經地說。
「咁點樣決定邊個去？我諗唔會有人會自願出去掛？」我問出一道最重要的問題。
「ｅｒ…不如咁啦，包剪揼，猜輸個兩個就去，另外三個人就留低係到。」阿明說。
有時候最簡單嘅方法是最有效的，我們都同意用這個辦法。
「１…2…3…」
結果是我和高威輸了，此時高威面上登時變得蒼白，對此結果顯得呆若木雞。
「我…我…唔想…死呀…」高威面如死灰。
此時，我同樣是接受不了這個結果，但我不是在想自己，而是沅婷。若果我都出去了，只剩下沅婷自己面對肥波，肥波這傢夥太危險，我在沅婷身邊時他仍敢肆無忌憚地視姦沅婷，仍我不在的話，肥波一定更加放肆。但是，我又不能說叫肥波或阿明代我出去，始終願賭服輸，那只好……
「沅婷，不如你代高威同我出去啦，你睇吓高威咁嘅樣，仲點搵到嘢食。」我說。
「吓？」沅婷呆一呆。
「我覺得你留係哩到仲危險，我想你留係我身邊。」我伸頭到沅婷耳邊細聲說。
「想我留係你身邊……」沅婷聲如細絲。
「吓？咩話？」我問。
「eｒ…無嘢啦。」沅婷面上一紅。
「咁好唔好呀？同我一齊出去。」
「好啦。」沅婷露齒一笑。
「吓？真咖？你真係代出去呀？」高威興奮的表現，旁人見到以為他中要六合彩頭獎。
「嗯。」明顯沅婷都不知道應該怎樣回應他。
「哈佬，又係我呀，大家應該都認得我把聲啦，哈哈，第二批已經入咗嚟啦，係哩到我又比個貼士大家啦，好好地留意吓啲嘢啦，佢地唔係咁簡單。係咁啦，大家玩我開心啲。」喇叭傳來廣播。
「好好留意吓？呀？我諗到啲嘢，啲喪屍一開始唔識行樓梯，但過咗無幾耐就識得行，唔知知道哩樣嘢有無用呢？」我靈機一觸。
「可能咁即係代表佢地嘅機能係會愈嚟愈好？就當住係咁先，所以你地愈早出去愈好，再遲啲喪屍會愈來愈多，加上仲可能會愈嚟愈勁，到時要走得甩就更難。」阿明說。
「但係我同沅婷啱啱都跑咗好耐吓，無好好休息過，比我地休息吓先再出去啦。」
「都好嘅，我鋪好啲嘢比你地係個面休息吓。」說完阿明拿了幾條大毛巾鋪在地上，讓我和沅婷躺著休息。