【好想同你講下野】一隻厹的日記: 2

我一直住係一個好細嘅屋企，每日都準時有野食黎，不過因為我嘅鄰居好多，永遠都要爭住食，而我永遠都係搶輸嗰個，所以一直都養唔大。 


唔知點解，我地屋企設計得好差，係唔夠錢定咩，我地屋企有一半係透明比哂人睇，好多人都會經過，望哂我地日常生活、衣食住行，一啲私穩都無，仲要每日，都好多人黎參觀我地屋企，非禮我地，我曾經向房東熱烈抗議，不過佢無理，其他狗都照常生活，好似覺得無乜野咁，已經見怪不怪。 


喂，人就可以隨意非禮狗架咩？狗權何在？ 


嗰時，我岩岩出世無耐，初生之犬，仲未留意到，原來人同狗，有住一條不可距越嘅鴻溝，呢條鴻溝，叫做物種。 






我唔太明白，點解造我地嗰個，要分唔同物種嘅出現，點解會有高低差劣之分，點解人類就係高級啲？我地狗就低等啲？ 


而無幾耐，仲比我發現到，原來以前人係會食狗，好恐怖！ 


每日嘅生活，每日嘅非禮，都係度消磨緊我地意志，將我地種族嘅「狗生意義」就係成為哄取人類快樂歡心嘅工具，我地變咗作一種商品，我從心裡發出對人類嘅怨恨。 






我唔要咁樣！我要自由！我要自由！ 


我恨一切嘅人類！ 



直到阿澄嘅出現，佢同其他人類好唔同。 



























「咁點解人而家唔食狗嘅？」 


「呃......」