牛肺

在一間人煙稠密的茶餐廳內，狗先生和羊先生坐在眼觀六路，耳聽八方的靠牆位，吃著常餐A，窺看著十點鐘方向的短裙女生。
狗先生：「哇哇哇⋯好正阿！個波大撚到！係咪好True阿？好pool好true阿！」
羊先生：「邊個阿？」
「白衫個個阿！」
「好似好正喎。」
「係咪好pool好true阿？個波大過佢個頭阿！」
貓先生走向一眾禽獸們，遠處聽見狗先生的吠聲，坐在狗先生和羊先生的對面，坐在馬先生旁。
貓先生：「咩好粗阿？」
狗先生：「好pool好true阿屌你！」
當狗先生和羊先生的視線仍鎖定著白衣女生時，貓先生拍一拍馬先生的肩膀，


「做乜咁灰阿？」
只見馬先生垂頭喪氣，像他錯手殺死人而苦惱應否自首般，但此事絕不會發生在馬先生這種現實主義的奴才身上。
「唔好提啦⋯」
「講啦，你琴晚同Apple點啫？」
此問竟令狗先生和羊先生解除鎖定，引起了他們更好奇的雅趣。
狗先生本能反應地問「Apple?邊個Apple阿？」
「早兩個月入佢公司做個個阿，個樣似未成年少女個個阿。」貓先生答道。
狗先生一臉認真起來「個個唔錯喎個個，我有Follow佢IG，一睇就知係外表斯文內裡呻吟個隻黎。」
羊先生又為刷存在感而吐出廢話「喂開佢IG睇睇，無圖點討論阿⋯」
沒有人理會，貓先生繼續引導馬先生說出實情「琴晚搞咩啫？又食白果？」


馬先生終於開口講出謎底「唔係食白果，係食左阿⋯」
三人同時詫異起來「食左都咁灰？」
狗先生：「拿依d情況呢，以我遊戲人間多年既經驗，一係佢早洩加J細，比條女唱通街;一係就條女有病，佢無帶套奶左野，拿係咪呢！叫左你架啦！做人既野，飯可以唔食，教可以唔訓，套不能不帶！」
狗先生是一隻三頭巨犬，有三個人格，工作時的他斯文赫赫，談吐有禮，把客戶討得滿心歡喜，平常的他如同禽獸，真我盡現，眼中只有胴體，此刻的他超脫塵世，八百真言出自他口中。
「你地唔明架啦⋯」負能量從馬先生身上飄渺，那比思念的痛更痛，所因何事。
 
一個嫵媚的晚上，馬先生駕車到異風情酒店，打算跟Apple共渡難忘的春宵。
馬先生去洗手間先洗個臉，教自己不要緊張，豈料馬先生一出來，Apple已脫掉衣服，用被遮掩著身體，露出一副含羞的笑容，馬先生再也控制不了，上前與Apple擁吻起來，並走進被窩中深入虎穴⋯
「你知唔知我見到咩阿⋯我見到兩粒發左酵既提子乾同一大塊牛肺阿！」馬先生淚盈滿面地訴出心裡話。
眾人雅雀無聲，唔懂得回應。


「喂大佬，個塊野真係等同武林高手練足一百年先有咁既功力阿，係經過一重重既歷練咁阿！我本身諗住佢好純情，好天真，聖潔既女神個隻咁架麻！同佢一齊我有返中學時代初戀個種感覺，我係本住一份赤子之心同佢上床，仲⋯仲期待緊佢係咪處⋯點估到⋯」馬先生已經飽受煎熬，哭成淚人兒。
狗先生本能地回應「唔好咁傷心啦，換個角度睇，牛肺咪代表佢經驗豐富，咪好屌囉。」
馬先生用哭腔調回應「人地本身諗住黎真架麻…佢人又靚，性格又好，平時怕怕醜醜咁，我仲諗緊長遠發展，點估到會⋯咁樣咪即係話比我聽，其實佢十四歲就破左處架啦，仲比無數mk仔屌過，玩殘玩厭再到我手，喂！你出街食野都唔會食人地食過碗麵啦，更何況諗住食住家菜！住家菜唔一定要好好味架！係食份感情架麻！而家咁既情況我平伏唔到⋯」
羊先生又說廢話「咁又唔好咁快下判斷，你又唔知⋯」
話未說完便被狗先生打斷「屌你啦！唔通天生架？牛肺阿！係反哂皮個隻既牛肺阿！」
貓先生理性地說「講咁多，咁你咪又係屌左。」
馬先生：「喂咁人地除哂衫赤條條，禮貌上都要打完場既，不過事後我一直耿耿於懷⋯」
「咁你同佢而家點阿？仲有無繼續？」
「一陣約左睇戲囉，佢乜都唔知架，你地都唔好爆響口阿，等我自己思考下先。」
一名外表清純，鄰家女孩造型的女生走進茶餐廳，向動物們示以微笑。
馬先生警戒起來「殊！行緊黎！」
Apple：「Hi！」
眾動物們「Hi！」
狗先生：「你好阿黑森林。」馬先生用力踩向狗先生的腳。
羊先生看著面前的牛肺麵，放下了雙筷。


Apple向馬先生說道「就黎開場啦，行未？」
「走先啦，Bye！」Apple同馬先生示意離開。
狗先生「唉，金玉其外，巨肺其中⋯」
 
貓先生和狗先生走在街上。
「換轉係我都唔知點搞，好大打擊下」
「痴孖筋！你估睇AV咩？依d都有得比你簡架？」
「喂說話唔係咁講阿，雖則都無諗住件貨係一手全新啫，但用到殘哂點要得落阿⋯」
「有得咁計架？痴線」
「咁換轉係你呢？」
「痴線，阿May無可能係。」
「你屌左呢咩？如果係呢？」
「無可能！我同佢中五就一齊，點會有可能啫？」
「如果係呢？」
「咩意思阿⋯」「如果啫」「唔會係」「如果呢？」「係咪仲要問阿⋯」「好，唔問」


 
在貓先生的家中，貓先生和阿May在兩人世界中擁吻，一邊纏綿一邊走向床上，兩人躲進被窩裏，在這最甜蜜的一刻⋯
「Oh Shit!!!!」
 
貓先生和狗先生走到垃圾桶旁抽煙，狗先生再提起剛才的話題。
「認真，如果係既，有無所謂先？」
「咁如果你真心鐘意佢既⋯係定唔係，有咩所謂啫。」