近排好多人失左蹤: 第四章 二一八五個零 1

王力馳等人轉眼間已到達另一個世界，對於適才發生的事全然不知。

「唔知....大門大依家點呢。」王力馳有點擔心大門大，不竟黑人女並非善男信女，大門大曾經捨她而去，這次歸順不知道她會怎樣對待他。

但一個他最不想聽到的消息卻傳來了，

「大門大死左。」那人並未停口，「我啱啱轉左台去個黑妹到，一拳，就咁一拳大門大就灰飛煙滅。」

王力馳心中一酸，他能想像到那個情景，畢竟他在一拳超人看到這情況很多次，但始料不及的是今次的拳下亡魂是個正義之士。





此刻的他悲憤交集，可是身旁的妙麗和野獸因毫不知情，並未沉溺在傷痛中，只顧四處張望這個初到的世界，這裏綠草如茵，幾所矮小的樓房聳立於此。

「你都係向前看啦，傷心都無用。」那個人說。

「我依家淨係想返屋企。」王力馳回答道，看來大門大的死對他的打擊甚大，或許他覺得自己有份害死他吧。

「你贏到咪有得走囉。」

「我一直唔明我係度玩緊咩，一個會死嘅遊戲?一啲遊戲說明都無點玩呀。」王力馳怒道。「仲有你究竟係咩人?我記得你講過話你係觀眾，可以轉台睇其他人，其實係咪就係捉我嚟依度?逼我玩一個我唔想玩嘅遊戲。」





「咳咳..」他清了清喉嚨，「好啦，講畀你聽啦，我講完你要玩得精采啲畀我睇呀。」

「我叫21800000，你係畀『偉大之母』捉嚟玩依個遊戲嘅，啊，與其叫做遊戲，我覺得叫做鬥獸場適合啲，你同其他地球人要係呢度鬥，鬥到最後，仲企係度嗰個就係嬴家。而呢個鬥獸場嘅目的，就係娛樂我地。只有最終勝利者先可以回家，你依家就係『偉大之母』嘅體內，你所見到嘅野係模擬出嚟，所以我覺得你根本唔應該為左個虛擬出嚟人物悲哀。」21800000解釋着。

「你叫21800000?你話『地球人』?你嘅意思係21800000你係外星人，但係你又識講廣東話嘅。」王力馳不解追問。

「我諗你所講嘅『廣東話』應該係你講緊嘅語言?你同我所講嘅野都會經『偉大之母』自動翻譯，所以我地聽得明大家講咩。」

「唔怪得個黑妹識講廣東話啦。照21800000你咁講，所有野嘅罪魁禍首都係『偉大之母』做喎，我要發悔氣就搵佢咁話咯?」





21800000語氣忽然轉變，
「我希望你嚴正你嘅用詞，罪魁禍首唔係一個適當嘅字眼去形容我地嘅『偉大之母』，對『偉大之母』不敬，係死罪嚟，『偉大之母』會親自執刑。」

王力馳聽到死刑二字，嚇得立即道歉。

「你放心，不知者不罪，『偉大之母』係呢個世界入面最慈悲，最富饒恕之心，我相信『偉大之母』唔會怪你。」21800000言語流露出敬言，「偉大之母」在他心中應該有着很高的地位。

王力馳心想:「又慈悲，又最富饒恕之心，但會將侮辱佢嘅人處以死刑，呢個『偉大之母』真係....」。

「喂我聽到你講咩架!」