架向星空之橋: 序

大家好,我叫星野一馬,因為細佬身體唔係幾好,所以決定搬去一個鄉下小鎮度住,,但係估唔到,我會係呢度遇到我生命入面最重要嘅人......

開學前幾日－
我帶住細佬－星野步開始由城市搭車去一個小鎮－山比古。
我一路聽住歌,一路望住車外一片片綿延不斷嘅田地同綠油油嘅山丘,感覺好吸引,呢啲風景係城市見唔到嘅。
我多望左陣風景,話咁快就到左目的地喇。
 
一落車,就呼吸到係城市吸唔到嘅新鮮空氣,一陣陣花香吹埋黎,希望細佬可以係呢個咁正嘅環境下好好休養啦!
我同細佬等左陣,就見到旅館嘅人黎接我地喇。過左十幾分鐘嘅車程之後,就到左我第日住嘅地方－萬代旅館喇。
 




一去到旅館,就見到老闆娘,因為我細個果陣同老豆黎玩過兩日,而且我老豆又幫過佢,所以我地係老豆老母搬黎之前會係呢度住。
呀,講起之前黎過又諗起啲野......記唔返添......算啦唔諗喇......跟住老闆娘就帶我地返房,仲話當自己屋企一樣就得喇......
哇屌,既然佢咁講,緊係一時間去浸返個靚溫泉先啦。浸見溫泉,就到食晚餐嘅時候喇,都係一般嘅日本科理,冇咩特別......
今日搭左咁耐車好累,所以我同細佬食飽就訓喇,一日咁就過左喇.......