心淚之戀─淚與笑交織的愛情: 《第一章》-無聊人生

作為一個毒L,我都算系毒L中既奇葩,點解咁講?

你見過有人會日日放學番屋企走去挽Facebook開心水族館未?

仲要系一個已經讀緊高中既人

你未見過既話我可以話比你聽,以前既我就系咁

但系其實有得簡,邊個想做毒L (人類內心分裂潛在最真實人格(下稱二五仔):hi你!鬼唔知你阿媽系女人咩)





我只系一直都揾唔到自己到底可以做咩,同埋想做咩

日日就番學等放學,放學捕漁樂(其實悶L到爆)

有時都會同班死黨出去挽下既,但系久而久之,邊個都會悶啦

唔系吃野就系打機,大不了有時去打下war Game

但系我地呢D貧苦學生點買得起裝備呢





一個月有得挽一次都已經叫做豪華

次次都要問我死黨既表哥借,仲要一借就系借晒我地五個人既裝備

一兩次就話冇咩所謂姐,次次都系咁你估人地做慈善咩,人地肯自己都唔好意思啦(二五仔:咩你會既咩?)

所以由於各種社會民生道德理由下我就只好做個毒仔(二五仔:你揾理由就揾理由啦扮條春咩)

話咁快就到左我高中生活既第一個11月,最得閒既一個月,





10月考完期中考冇幾耐,12月又放接近半個月既假期

11月11日,一個令我永生難忘既日子

呢日,我老死Billy仔就話約我出泥食野

咁講起Billy仔呢個人呢,又系一朵奇葩中既奇葩

同佢唔熟既人你可能會覺得佢系咪自閉仔有病嫁

但系你同佢熟絡左之後?佢根本系演講家,分分鐘你講一句佢講十句都有份

B:喂阿路出泥食野阿!

我:吓?兩條友食條鐡阿?





B:唔系阿,仲有其他人嫁,見你咁毒,介紹個女仔FD比你識啦

我:hi你啦,你就毒,我呢D叫做喜歡在家中沉思的人,你識條hihi咩
(把口講就叻,其實個陣我個心不知幾興奮,因為本毒當時既異性朋友系少到一隻手數得晒既個一種人

B:咁你泥定唔泥阿?

我:見你咁慘,本大人咪好心泥陪下你囉

B:收皮啦,嘴上說不要身體很誠實,筷子基總站等你阿

我:得啦,比十分鐘我即到!

就系咁,我開始了我的新人生





《曾經...............以為這會是一場........夢幻般的邂逅》