尋回: 神奇藥丸 – 1

HI! 我叫MACY, 80年出世, 眨眼間年輕已經不是屬於我的, 一個三字頭未結婚的女人, 工作, 金錢成為了精神上最大的寄託, 當然, 我仍然等待著那位出現.
 
愛情路上經歷過幾次失敗, 仍然記得某位人兄十年前講過一句說話:「工作, 努力就有回報, 但愛情是不能控制的, 幾努力都好, 走的終須走, 所以我將愛情這回事放到很低的位置.」說這話的人, 是很久以前一位MANAGER.
 
人經歷過多少得失才能真正放得開, 成熟, 只是因為失去太多而不再強求, 是代價來的.
 
我很久沒對人說起我的往事了, 我是中大BIO-CHEM出身的, 2003年畢業. 那年, 你知咩事啦, 我搵左成四個月都搵唔到工呀陰公! 雖然我讀理科, 但我不知幾想做廣告, 一鼓作氣SEND哂CV俾4As company, 以為點都有機會IN呱, 我中大喎! 仲要FIRST HON畢業喎! 點知, 天意弄人, 有些機會注定不屬於我的, 陰差陽錯, 我入了另一間公司, 一段盪氣迴腸, 磨練壯志的故事就開始了……
 
咪住! 我只是依稀記得自己第一份工唔係人做 (好似係), 但內容情節, 我居然忘記得一乾二淨! 因為這九年, 我不斷催眠自己, 因為我太想埋藏這段不堪回首的往事, 導致到我而家想講, 又突然講不出聲, 這件事的始末應該從何說起? 有沒有人可以幫到我?
 




我發狂的不停想, 我的頭很痛, 痛得像有兩塊大鐵磚在腦袋兩旁, 機械式地壓下去. 救命呀, 我不想了!
 
「MACY, 深圳醫療展又來了, 靠你喇, 我要上廣州.」
他是陳浩南, 是我的直屬上司. 他的名字真的叫陳浩南我沒騙你. 雖然他有古惑仔的名字, 但他又無肌肉, 又有個豬腩, 戴住副粗框眼鏡在地鐵車廂玩CANDY CRUSH的樣子, 簡直有幾分像柯南, 而他為人又好鬼縮骨, 成日自己不想理的事就推給我, 對, 就是那類番工睇漫畫, 有咩事就打來「MACY, 你搞掂佢啦!」那類每個辦公室總有一個的臀部怪獸.
 
深圳醫療展, 我又來了.
 
這簡稱CMEF的醫療展, 每年都搞兩獲, 次次都大大獲咁, 你唔信可以專趁那段時間去深圳搭地鐵看看, 我包保你以為邊度國家炸到黎.
 
就係咁, 迫來迫去終於入到展會. 其實這類展會一般來說都是大路野多, 又或者只有MARKETING的作用, 和DISTRIBUTOR聯誼下捽下數, 又或者搵下有無新DISTRIBUTOR咁, DISPLAY出來的PRODUCT, 咪又係個D, 真係悶死人! 所以陳浩南不去叫我去.




 
行下行下行到韓國展區, 咦, 今次好像有些新技術. 我走到一個BOOTH, 最主要被那些不知是美容還是醫療的儀器吸引住. 這家公司, 真的沒有印象, 以前好像不曾見過.
 
那位西裝骨骨的OPPA居然用韓語和我打招呼, 雖然, 我真的有幾分似宋慧喬, 但橫睇掂睇, 我個樣都係100%天然無添加下話? 又怎會像韓國人呢?
 
「NICE TO MEET YOU.」
 
他立即有點慌張, 終於知道認錯我.
 
對著韓國人, 我當然將英語放慢講.「What are you selling? I haven’t seen your company before.」他也風度翩翩的介紹:「I am selling a kind of drug.」然後, 他從背後的大紙箱取了一排藥丸給我. 那些藥丸的大小和樣子, 和我們平時吃開的靈芝孢子丸很相似.




 
「What’s that?」
「It’s a very special drug, it carries a……very magical effect. Would you like a try?」
「What? um……no, not now…thanks. But can I take the catalog and have your name card?」
「Sure, please also take this with you. I’m sure you will come back to me.」
OPPA自信地微笑著. 我拿著他的CATALOG和卡片, 還有他給我帶走的那排藥丸SAMPLE, 離開了他的BOOTH.
 
痴線! 居然叫我即場試藥, 傻了嗎? 我的確被那位親切的OPPA嚇親, 雖然他看上去很老實, 絕對不像那些不實商人, 但叫我即場試藥那一下, 真的很奇怪. 本想和他多談一會, 現在被他嚇走了, 唯有回到香港才硏究他那神奇的藥.