【為左老友，我將佢女神變成我女友】: 【第十一回：迎接聖誕】

※※※※※※※※※※※※※※※※※※※※※※※※※※※※※※※※※
【第十一回：迎接聖誕】

聖誕的臨近標誌着三件事。第一件事是耶穌的誕生臨近了，第二件事是考公開試的日子臨近了，是時候加緊溫書節奏。而第三件事亦是最麻煩的事，跟小玲在平安夜慶祝聖誕來臨的日子臨近了。

作為一個在五月出生的十八歲毒男，已有十七個聖誕是一個人過的。到底多一個人陪自己會有多麼快樂，我也很想知道。但是今年和「如花」一起慶祝聖誕，是喜是憂，我不敢有太多想像。

然而，作為一個男性，在此等聖誕良辰少不免要為對方鋪張一番。

十二月一日，是一個很重要的日子。





「肥龍、阿澤、阿耀，今舖你地話點算好喇？平安夜喎，平安夜喎！我都係人生第一次同女仔過㗎喳。」我，陳英傑，一個真真正正的毒男，為自己的脱毒之旅擔憂起來。

一向迷戀動漫的阿澤一破其內斂的性格，率先發言：「傑哥，你係咪囇命呀？你明知我A0都叫我黎，分眀就係玩野啦！我呢啲人不嬲冇女，又點識溝女呀？」

平日自稱「文武雙全」的阿耀也加入戰團，説：「小宅澤，你有所不知喇。傑哥嗰位『如花』分明就係男人啦！咁又點算得上溝女呢？」

「你兩個把口都一樣咁臭，不如考慮下對方啦？我叫你兩個出黎係幫我度橋，唔係片我兩片！」話雖如此，但我心中也對他倆的言論暗暗點頭。

「我地就真係無橋喇，或者睇下肥龍有咩諗法先啦？」阿澤和阿耀異口同聲地答道。





「嗯。」肥龍這樣的反應，看來應該是在思考吧！

我感覺到我聖誕的快樂，全掌握在肥龍身上。

「肥龍，你係咪有橋？」我緊張地問肥龍。

「係囉，有橋就快啲講。一陣我仲要番去煲動漫，佢四點半就更新喇！」阿澤指着他的膠錶，一臉焦急。

「快啦，肥龍，我一陣仲要去練波呀！」阿耀顯得一臉不耐煩，好像急欲離開。





肥龍忽然會心微笑，一副胸有成竹的樣子。

「哈哈，我諗到喇！你只需要……咁樣……」肥龍興奮地向我吿知他的大計，快樂得好像是他自己要和小玲慶祝一樣。

其實那個於平安夜陪伴小玲的男生本來就應該是肥龍，而不是我。我，只不過是一件不幸被看上的代替品。

深深吸了一口氣，我準備迎接自己的命運。