【為左老友，我將佢女神變成我女友】: 【第七回：癡情】

※※※※※※※※※※※※※※※※※※※※※※※※※※※※※※※※※
【第七回：癡情】

「哼！」

我張開雙眼，看着說出這話的肥龍。

原來，拳頭只是擊在我的耳旁。

「乜你以為我咩都唔知咩？我唔係憎你，而係憎我自己，討厭自己點解比唔上你。」肥龍那股殺氣，瞬間被他的眼淚掩抹。





他續説：「我個日去到醫院，當小玲知有人黎既時候係幾咁快樂。但當佢認清楚眼前既人係我而唔係你既時候，佢扁哂嘴，佢好失望。佢嗰個傷心失望既表情，我係呢一世都唔會忘記既。」

「肥龍，你……」我真的沒有想過，原來一個人可以愛另一個人那麼深。甚至可以細嚼對方每一個表情，每一個動作，並把這些記憶通通印在腦海裡。又或者，其實愛情最可貴的並非所一齊享用的極昂貴聖誕大餐，又或是男朋友所送的林寶堅尼；而是兩人在一起，在交往時的一言一語，一字一句，甚或是表情和動作，都充滿着愛意。

每分每秒也為對方著想，甚至因此忘卻自身傷痛，大概就是最偉大的愛情。

肥龍的説話並沒有被我打斷，反之，他説：「……所以，我冇當面講出件事既真相。你可以話我冇膽，可以話我冇用，連話畀一個人聽我鍾意佢勇氣都冇。但我真係好擔心佢，當佢知道愛佢嗰個其實係我而唔係你既時候，佢係會有幾咁傷心，幾咁難過。正所謂『深知身在情常在，悵望江頭江水聲』，相思之苦我又點會唔明白呢？」

「咁你自己呢？你一味去愛佢，關心佢，但又要收收埋埋唔畀佢知，唔通你又會幸福咩？點解你唔親手畀幸福佢。你相信我，當我同小玲解釋清楚之後，佢一定會明白佢最需要既人係你呀！」肥龍，你可否不要那麼偉大？





幸福，從來也應該要自己爭取。

肥龍伸手拍拍我的肩膊，回答道：「因為她愛的人叫陳英傑。」

他抬頭仰望，續道：「其實只要小玲佢覺得開心，我就開心㗎啦。」

天啊！到底蘇小玲灌了什麼迷湯給肥龍啊！

「你有冇諗清楚㗎，肥龍？」





肥龍沒有理會我的疑問，反説：「你係咪好想同我和好如初？」

「咁當然想啦！」呢一個一直埋藏在心底的答案，最終有如反射動作，不假思索，答案衝口而出。

「嗯。」

肥龍的回應，令我開始感到緊張。

「呃……」看來我也不知是好。

「我想你應承我一樣野，可以嗎？」

「無問題。」為左兄弟，小小犧牲又何妨呢？





肥龍清清嗓子，道：「我想你一生一世都咁愛蘇小玲，除非有一日佢唔再愛你。」