【為左老友，我將佢女神變成我女友】: 【第二回：兩年前】

※※※※※※※※※※※※※※※※※※※※※※※※※※※※※※※※※
【第二回：兩年前】

兩年前，我還只是一個準備考入大學的中六生。正所謂初生之犢不畏虎，不同於那些經歷過會考洗禮的高考生，面對這個影響一生的考試，實在沒有太多感覺。ＤＳＥ文憑試，都只不過是人生其中一場試驗。

可是，並不是那麼多人也能豁達面對ＤＳＥ。

「喂，英傑，仲有半年左右就考喇喎，你準備成點先？」

「呃…」





其實我的確冇乜準備，不過坦白向佢講都沒有可能令佢信服，一個不留神，更加會被冠上「寸嘴」、「扮勁」、「懶巴閉」之名。總而言之，有些真話是永遠不能宣之於口。但係，唔通我真係要講大話？難道說謊就等同解決問題麼？我相信，世界唔係單單只有黑同白。

「唉講我做乜喎？反而你呢排好勤力喎肥龍，食錯藥呀你？」好彩近月多加留意時事，學識政府招「四兩撥千斤」，兩膊一斜，左缷膊，右缷膊，所有難題都變成冇問題。

「哇！全級第五使唔使向我呢個全班包尾嘅套料呀！」

「咩套料啫，關心下你嗎。」

「關心定八卦你自己心照啦，巴打。」





「兩成關心都有既，嘻嘻。快啲講做咩先。係咪搏表現畀女神睇呀？」

「搏表現就梗係啦，唔通學你咁想入Medic做痴線佬呀？」

「你話咩痴線佬話？」

「M-A-D-I-C，Madic呀！你話無啦啦走去毒下毒下咁讀多六年書把鬼咩？囡囡？毒到Grad先再算啦你。」

「得喇得喇，知道肥龍哥你係情場老手，A380啦。敢問一句你同淇淇姐發展成點呢？」





「冇發展過，亦唔諗住發展。」

「咪玩啦，啱啱先話要搏表現。」

「係就係搏表現，不過唔係搏表現畀淇淇睇。」

鳴呀，好亂呀！想不到一向頭腦簡單，四肢發達嘅肥龍，內心竟然像是一個少女一般，説話呑呑吐吐。

「咁即係點呀大情聖？」

「既係呢，此女神不同彼女神囉。」

「大佬呀，你叫Adrian，唔係Mondrian，唔使咁抽象嫁。」





「得得得，即係我有新對象囉。」

「邊個女仔咁不幸先？嗱，我係話咁不幸咁遲先畀你睇中呀。」

「哼，算你識講野。佢咪係……」