[校園][應該純愛][友情]「我想要你，仲有你既世界。」: 最後的謊言

返香港之後，佢好忙，好多事要處理。

佢成日都要同屋企人出去，可以話係無時間理我。

見到佢咁忙，我都好唔忍心，我有叫過佢不如搬返去住，唔洗兩邊走。

但佢話唔洗，而家咁就好，佢handle到。

佢又真係handle到，每日都可以返黎同我仲有美星一齊食飯，一齊睇劇。

咁亦令我無話可說，只好睇住佢每日咁忙呢樣忙果樣。

日子慢慢咁過去，七日，六日，五日..咁倒數，佢亦開始收拾行裝，將佢係我屋企既野封箱。

我咩都無講，只係一直係默默咁睇住佢pack野。

我有諗過幫手，但美星叫我唔好，話由得佢。

睇住佢執野，照道理我應該會唔開心，但我居然無呢種感覺。

我反而有種開心滿足既感覺，好似覺得應做既野都已經做哂，無遺憾咁。

呢種感覺..係真心定係虛假，我自己都分唔到。

去到最後兩日，佢間房已經棟左一個又一個大紙箱。

Cherry：「呼，終於執好哂，原來我帶左咁多野過黎。」

我：「你去日本都買唔少喇。

」

Cherry：「又係你話靚我先買既，係你唔好。

」

我：「怪我囉？

我話我靚仔你又會唔會買我？

」

Cherry：「駛乜買，你原本已經係我既，自己既野仲駛乜買。

」

「我想要你，仲有你既世界。」

呢句野又再次係我個腦度repeat。

我從來無忘記個呢句野，佢講既聲缐，當時既環境我仍記得好清楚。

每一次，有咩重大事件我都會諗起呢句野。

但今次諗起呢句野係因為D乜？只係因為佢咁岩提起？

「lulu?」

佢叫我個名，將我拉回現實。

我：「係！有咩事？

」

Cherry：「你係咪有咩事..？

」

我：「無吖，只係一時發呆啫，咦你又話執好野既，隻小埋毛公仔仲係度既？

」

我急急轉移話題，唔想佢發現。

Cherry：「哦，佢地就聽晚先執啦，反正我帶埋去。」

我：「你傻架帶埋去，俾人笑吖你。

」

Cherry：「邊個敢笑Umaru！

你送既我緊係要帶係身邊啦。

」

屌，講呢D。

我：「好好好，你鐘意啦，你又話約左Uncle Auntie搬野既？幾點？」

Cherry：「頭先佢地打過比我，話就到架啦。」

我：「要唔要我幫手搬？」

Cherry：「唔洗啦，都係三四個箱啫，我Daaddy同呀哥可以搞得掂。」

Dennis會黎？嘖，唔想見到佢。

我：「咁不如我同美星去拎位等你食飯？想食咩？」

「韓國野！

」

唉我都估到，算喇就下佢啦。

我：「行喇美星，去攞位先。」

美星：「吓出去食？我仲諗住沖咖啡添，算，行喇。」

我：「咁一陣你記得鎖門喇，電聯喇我地。」

Cherry：「嗯，一陣見喇。」

就係咁，我留低左佢，同美星去搵附近既韓國野。

一落到樓，就見到Ada，今個暑假第一次見到同學。

我出於禮貌，向佢揮手，佢亦向我點頭示意，不過大家都無再進一步交談。

唉，都係行快兩步先，費事撞到Dennis搞到心情唔好。

搵左間韓國野坐低無耐，Cherry就打電話黎，再過左無耐就到埋，開始大吃大喝。

睇住佢食野個樣，真係好開心，仲開心過自己食。

如是者，又過一日，聽日就最後一日。

最後一日有乜做？睇親電視劇d男主角都會帶女主角周圍去，但我又唔想喎。

我直頭係邊度都唔想去，只想留係屋企。

不過若然佢有地方想去，我都好樂意陪佢去既~

所以我好早就起左身，諗住隨時候命。

但又唔夠佢早，一出到廳已經聽到佢係廚房煮緊野。

「咦？起左身嗱，好快有得食架啦。」

佢用把聽落好溫柔既聲講呢句，搞到我個心酸左一下。

可惡，想喊。

唔可以喊！Be a man呀魯路修！

而且呢件唔係一件值得喊既事！女朋友煮早餐係比自己食係一件開心事！唔應該喊！

我懷住一個幾複雜既心情去食呢份早餐，既開心但又心痛。

明明應該係我為佢做野令佢開心，居然變成係佢為我煮早餐。

我真係好無用，點解我好似咩都做唔到，無辦法為佢做任何野咁？

即使我係度埋怨自己既無用，我仍然保持笑容咁好好享用呢份早餐。

人地咁早起身煮呢份早餐比我，我又點可以愁眉苦臉咁去食？咁太失禮啦。

食完之後，我地兩個就坐左係梳化睇電視，大家咩都無講，好安靜咁睇blu-ray。

呢個情境，好似似曾相識。

我忍唔住沉默同好奇心，開左口。

我：「你有無邊度想去？」

Cherry：「無吖。

」

我：「唔想去睇戲？」

Cherry：「唔啦呢排都無戲好睇。

」

我：「你有無約世伯伯母？話哂今日係..」

Cherry：「Stop，夠喇，魯路修，唔好再講啦。」

佢用一個比較嚴厲既語氣喝停我，嚇左我一跳。

「做乜你今日好似咁想我出去？你唔想見到我？」

我：「緊係唔係！

」

我不自覺咁大聲左。

Cherry：「咁做乜係咁叫我出去？

」

佢用個審犯既語氣問我。

唔知點解我又乖乖咁認低威喎，我用個好慚愧既語氣答佢。

我：「因為今日係你係香港既最後一日嘛..你應該會有好多野想做先係..唔應該只係留係屋企。」

我甚至唔敢直視佢，dup低左頭望住地板。

點知佢伸手摸我塊臉，仲叫我個名。

「魯路修，望住我。」

「Yes, Your Majersity…」

我第一次咁細聲講呢句野，細聲到我覺得只有自己先聽到。

呢個野既作用好似係一個Boost咁俾自己勇氣去望住佢。

一抬起頭，發現佢塊臉同我距離好近，我甚至feel到佢既呼吸聲。

Cherry：「係我眼入面，見唔見到你自己？」

緊係見到啦，距離咁近。

我：「見到..」

「夾死你！夾死你！夾死你！