[校園][應該純愛][友情]「我想要你,仲有你既世界。」: 為甚麼
「你分享下點解突然間成績好左咁多同你將來有乜目標,鼓勵下其他同學就得喇。」
個miss咁同我講。
鼓勵人呢d野,唔係我專長,雖然我好正能量。
成績點解會好左咁多啊..因為有佢係我身邊掛..
將來有乜目標?無啊..想繼續咁同佢落去囉..有佢就乜都夠..
講黎講去,其實我而家幾乎所有野都係因為佢。
你話無左佢既話,我會變成點?
打回原形?定係會保持現狀?
我都唔知道答案,未來既野點會有人知道。
啊,咁不如趁今次呢個機會多謝下佢都好。
反正我都好似無好好多謝過佢,為而家既一切多謝佢。
就當係一份禮物咁送比佢啦。
我開始落筆寫份講稿,但愈寫愈嬲。
![](http://forum10.hkgolden.com/faces/fuck.gif)
屌,得獎感受而家梗係由心而發架啦,寫講稿有乜意思?
寫講稿其實本來都唔係乜野問題,問題係學校一定會審查份稿架嘛!
你又要我講,又唔俾我講某d野,咁你即係玩我啫。
所以呢,我決定左啦,我唔寫份稿。
![](http://forum10.hkgolden.com/faces/ass.gif)
取而代之既係,我搵Cherry幫我寫。
![](http://forum10.hkgolden.com/faces/sosad.gif)
佢知我要演講,開心到暈,仲係咁問洗唔洗佢代筆。
岩哂,正合我意。
佢用左十分鐘就起左份稿,我第日就交左俾個miss,佢好似好滿意,叫我背熟份稿。
Bull Shit,邊個會同你背,我甚至唔會用呢份稿添啊。
![](http://forum10.hkgolden.com/faces/bye.gif)
我突然覺得呢次將會變成一個好大既驚喜,送俾Cherry既驚喜。
後果會點?唔理啦,學師父話齋,讀乜都係死路一條,何必下下循規蹈矩?
開心最重要,佢開心更重要。
That’s right mother
![](http://forum10.hkgolden.com/faces/fuck.gif)
時間又過去左幾日,今日就係結業禮。
睇住Cherry佢呢幾日好期待個樣,令我更加期待。今朝起身又有Cherry既早餐食。
我今朝明明已經好早起身,但佢居然可以仲早過我。
我係度諗:其實佢有無訓?
應該唔會吖,佢個樣咁精神,似訓左餐飽。
Cherry:「慢慢食啦,今日大把時間。」
我:「你又會咁好心情咁早起身煮早餐既。」
Cherry:「咁今日你要拎獎嘛,我咪想你食飽野精精神神上台囉。」
我:「我一定會記得多謝你既。」
仆街口快快添!
Cherry:「你話咩話?」
我:「無!我話d炒蛋好食啫,多謝你份早餐。」
Cherry:「岩食就好啦,係呢,你背好份稿未?」
稿?傻啦我唔會用架,雖然咁做好似浪費左佢一番心機。
不過佢聽完應該會開心既,應該唔會嬲我。
Cherry:「喂~你套校服放左係邊呀?」
咦,把聲咁遠既。
我抬頭望下,佢唔見左人!
我又望下我間房,見到佢係我房打開左個衣櫃。
雖然佢唔係用我電腦,但我都係即刻跑入房。
大佬真係會驚架。
我:「你搵我套校服做乜?」
Cherry:「幫你熨下佢囉,整齊d好睇d嘛。」
哇,呢個女仔真係細心,值得表掦。
我無拒絕佢既好意,拎左套校服比佢由佢熨。
我好耐無著一套咁整齊唔皺既校服,搞到我行步路都就住就住。
返到學校俾師父佢見到我套校服都問我發生乜事。
睇黎我平時形象都係好hea唔整齊,有必要檢討下。
嘛,結業禮都差唔多要開始喇,我同晨哥佢地都俾人叫上禮堂。
結業禮,唔經唔覺已經係第五個結業禮。
往年我都係同師父佢地坐係離場無雷公咁遠既位置睇人拎獎,估唔到我今次居然有份拎。
啊,咁又一年,出年就DSE,呢五年我究竟做過D乜,因乜解究D時間好似過得咁快。
不過呢一年係充實既,做左好多未做過既野,仲拍左人生第一次拖。
以前覺得一年時間好長,但偏偏今年覺得過得好快。
唔知之後五年我會覺得過得快定慢呢..
「請各位起立,唱校歌。」
「校董致辭」
「程序四,頒獎。」
啊,來了。
學科獎由Form1頒起,我都叫有排等。
以前我就只可以拍手恭喜人,今次唔知有無人會拍手恭喜我呢。
啊,仲有個演講,係時候組織下要講下乜好。
Cherry,Cherry,Cherry。
我而家滿腦子都係Cherry,真係真係好想一陣大叫佢個名。
「喂,到我地啦,行啦。」
吓,乜咁快呀?我未ready好喎!
屌,諗得太入神,唔記得而家只係學科獎添。
我跟住晨哥佢去排隊,但個腦仲係諗緊演講d野。
「以下將頒發中五級中文科學科獎,5c班藍洛晨。」
一聽到晨哥個名全場就已經響起掌聲,嚇到我以為發生乜事。
「藍同學同時獲得英文科,數學科,通識科,物理科以及生物科學科獎。」
掌聲變得更響,仲有人大叫「男神」之類既野。
但晨哥不為所動,poker face咁拎左六個獎,笑都無笑。
哇之後就到我啦。
「歷史科學科獎,5c班魯路修。」
掌聲明顯無咁響,嗯我都明既我又唔係佢。
「魯路修!!
![](http://forum10.hkgolden.com/faces/agree.gif)
![](http://forum10.hkgolden.com/faces/agree.gif)
呢把聲?係師父?
![](http://forum10.hkgolden.com/faces/oh.gif)
我一路行上台一邊望下台下,見到師父佢地幾個企左起身拍手,好多人望住。
嗯,多謝哂各位兄弟。
![](http://forum10.hkgolden.com/faces/hoho.gif)
我對住佢地拍左自己心口兩拳以表謝意。
無錯,唔止係Cherry架,兄弟朋友們都係值得多謝,佢地陪我行左五年。
我諗好一陣要點講了。
我接過兩份獎狀,返到台下。
晨哥:「影相個下好靚仔喎。」
我:「又笑我,你先係最靚仔。
![](http://forum10.hkgolden.com/faces/fuck.gif)
之後果兩個獎,我都係咁拎,師父佢地照樣企左起身拍手。
「以下將會頒發最後一個獎項,有請校長頒發傑出學生。」
「本年度傑出學生,5C班魯路修!」
我徐徐行上台,突然受到掌聲既瘋狂轟炸,同頭先既完全唔同。
![](http://forum10.hkgolden.com/faces/@.gif)
我下意識第一時間搵Cherry,發現佢拍得最肉緊。
![](http://forum10.hkgolden.com/faces/kill2.gif)
嘻,傻婆。
![](http://forum10.hkgolden.com/faces/biggrin.gif)
我係校長手上接過獎狀,影左張相之後就行左去演講台。
呼,要黎啦,有d緊張添。