[校園][應該純愛][友情]「我想要你，仲有你既世界。」: 真巧合

去OP？OK喎！反正之前都應承左佢會同佢去。 

我望一望Cherry，佢好似無乜反應咁。 

唔，肯定係扮緊無興趣，肯定係，我知道架。 

我：「幾時先？」 

師父：「偽毒同死MK先會去OP。 」 



晨哥：「又唔好咁講，我睇下先，幾時啊…幾時呀話阿欣？ 」 

阿欣：「班籃之後果日呀白癡仔，教師發展日我地放假。」 

我記得果日係星期五，咁玩盡少少都無所謂啦，反正之後兩日放假。 

我細細聲咁問Cherry，但佢好似太投入係食薯條中，對於我既問題，佢只係俾左呢個反應我。 

「嗯？你講咩話？ 」 



唉，算啦都係唔好阻佢食野，我決定啦。 

我：「預我去啦，兩個人。」 

Jason：「兩個人？你家姐都去咩？ 」 

仆街仔，整個trap俾我踩。 

不過我係唔會咁易認輸既。 



我：「可能架，你黎咪知囉。 」 


師父：「死MK。」 

得仔：「lulu家姐？正唔正架？」 

晨哥：「正過哂全校D女添呀傻鳩。 」 

阿欣：「你講多次？ 」 

阿欣開始捉住晨哥右手手掌。 

晨哥：「唔好唔好！我錯！你先係最正得未？我仲想打波！」 



唉，自討苦吃。 

之後又有幾個傻鳩話想去，睇死都係衝住美星而黎。 

點解佢地睇唔到美星既真面目，睇到我肯定佢地唔會再有任何幻想。 

散band返屋企之前，我特登再同Cherry講一次。 

我：「下星期五我地同晨哥佢地去OP啦。」 

Cherry：「嗯，我知道啦，家姐都會去？」 

吓，我估唔到佢會當真，真係傻得可愛。 

返到屋企，美星已經係度，呢條友最近好似無番工，成日好早就係屋企。 



我：「喂，我下星期五同朋友去海洋公園喎。」 

美星：「哦，咁又點？你想請埋我去？」 

我：「講起就好笑，我話預我兩個人，佢地即刻以為你會去，個個仆住話去。」 

美星：「哈哈，成班傻仔真可愛。」 

我：「你就開心啦收哂我D friend做兵。」 

美星：「等陣先lulu，下星期五係幾多號？」 

我：「13/5囉。」 



美星：「咁岩既我果日約左中同去OP喎哈哈。 」 

有無咁岩呀八婆。