[校園][應該純愛][友情]「我想要你,仲有你既世界。」: 惡魔
我心情好複雜,一邊我因為同Cherry出街好開心,但一邊又因為最後Cherry好
似流淚而感到困惑。
唔通我做錯左D乜?
我一邊諗自己做錯乜一邊行返屋企,不經不覺已經行到屋企門口。
拎緊鎖匙之際,我先發現有條女帶住兩個喼坐左係我屋企門口。
![](http://forum3.hkgolden.com/faces/donno.gif)
「喂,小姐你邊位」我保持警剔咁問。
「返黎啦?開門啦。」
痴撚線,點解要我開門比你呢個陌生人。
咪住先,呢把聲咁熟既!
![](http://forum3.hkgolden.com/faces/shocking.gif)
「你唔係美星啊化?
![](http://forum3.hkgolden.com/faces/oh.gif)
「仆街仔,叫番我家姐。肯開門未?
![](http://forum3.hkgolden.com/faces/angry.gif)
我嗱嗱聲開門,點知佢一見我開左門就推開我,一支箭飛入屋。
我唯有幫佢拎佢果兩個喼入屋,再關返度門。
「做乜無啦啦返黎呢度?」我斟杯水比我家姐。
「哦,最近要係呢邊返工咪搬返黎囉。
![](http://forum3.hkgolden.com/faces/biggrin.gif)
估唔到今朝我隨口up既野,竟然會變真。
![](http://forum3.hkgolden.com/faces/banghead.gif)
![](http://forum3.hkgolden.com/faces/banghead.gif)
我家姐叫美星,大我5年。早幾年話想學咖啡就自己走左去,數數下都有三年冇見過佢lu。
今次見到佢感覺佢變左好多,直情成個人唔同哂。佢竟然剪左個鮑伯頭短髪,明明以前佢最鐘意佢把長髮,份人仲串左好多。
唉,屋企多左個人,麻煩。
![](http://forum3.hkgolden.com/faces/fuck.gif)
「你間房冇郁過架,冇乜野我沖涼訓覺啦,聽日仲要返學。」 我一邊拎衫褲一邊講。
「聽日要返學咁你今日又出旺角?
![](http://forum3.hkgolden.com/faces/hehe.gif)
![](http://forum3.hkgolden.com/faces/hehe.gif)
我嚇到即刻望住佢,佢又知我今日係旺角既
![](http://forum3.hkgolden.com/faces/@.gif)
![](http://forum3.hkgolden.com/faces/@.gif)
「個女仔幾靚喎,有我七成。
![](http://forum3.hkgolden.com/faces/369.gif)
佢對住我奸笑。
呢個女人,完全係惡魔。