(爸爸no.1)我老豆係口靚妹: 爸爸no.10

爸爸no.10
 
「呀!頭暈!」
瞓咗一晚,完全冇好過,肚仲痛,腰又痛,又頭暈又手軟腳軟,感冒啦!男人嗰時一年都病唔到一兩次,
做咗女仔一個月之嘛,就病到死死吓,女人真係痲撚煩.
 
1:10pm  平時只有早到冇遲到嘅我,都遲咗10分鐘,真係不在狀態.....
「你冇事嘛?你面色真係好差!」
「冇事呀!小小感冒之嘛,去買嘢啦!快!」精神
 




「點解要買咁多整蛋糕嘅食才同用具嘅?」
「因為有3個女仔想表演自己嘅廚藝,不過佢哋只係識整甜品,所以我要買定 D
嘢囉!」
「整蛋糕?」
 
「係大食會. 不過嗰3隻嘢淨係識整蛋糕,其他嘅就交比我啦!」
「邊度搞呀?」
「當然係我哋屋企啦!開心呢,除咗我仲有女仔會上你屋企,哈.....呀!」
 
「你點呀?得返半條人命咁!」




「冇事冇事,開心得滯,遲D佢哋話去踩單車,燒嘢食,不過全部都係D口靚仔嘢!」
 
「如果我唔係得15歲,我會叫大老闆借架遊艇比我,到時我哋就可以遊水,潛水啦,哇!」
「我都唔識游水!」
「乜你仲未學識咩!算啦,依家係冬天,夏天學識咪得囉,我哋先去踩單車!」
 
「我都唔識踩單車!」
「................」
「篤波,轆令,踩冰識啦啩?」
「...............」擰頭




 
「燒嘢食識唔識呀你老味?」
「未燒過!」
「阿政到底你有乜嘢係識嫁?」大大聲
 
「你都冇教過我.........」
「依D嘢要老豆教咩?同D friend出去玩玩吓就識啦!」
「我都冇朋友!」
「買嘢!」
 
 以前為咗搵錢,完全冇理到個仔,不過唔係咁柒吓,真係一個朋友都冇,睇嚟都要操一操佢!
 呀!係咪太激動,我全身發冷嘅,而且好似有D濕濕地!
 
「你點呀?哇,你下面!」
「下面點呀?呀........血!」




 
 我個心真係寒咗一寒,好人好者下面點會流血嫁,唔係cancer 都係大鑊嘢啦!不過我依家係女仔...........
「M到呀你!」阿政已經講咗出嚟
「你唔知自己M到咩?」
 
「男人老狗我點知咁多啫?..........嗚!」
「你點呀?係經痛呀,所以你先周身唔舒服,快D返屋企啦!」
「未.......未買嘢呀!」
「仲買?走啦!」
 
「但點都要清理咗先啦,已經流到落下面啦!」
好彩我哋響商場,我哋快快手手入咗殘厠.
 
「點.......點解要我入埋嚟?」
「要你幫呀,政!」




「喂!幫乜嘢手呀?我怕血嫁!」
 
「諗咗去邊呀?幫我買嘢,買M巾!」
「吓!我買?我男人老狗,我又未買過!」
「我都未買過囉,我依家都出唔到去啦,得你幫到我咋,同埋男仔買M巾好似唔係犯法嘅可?」
 
「咁好啦,邊隻牌子呀?」
「我識條春咩!最貴嗰隻啦,另外同我買條under!」
「吓!女人底褲,唔買呀唔買呀,死都唔買呀!」係咁擰頭
 
「男裝under啦柒頭!都話under,男女都冇人睇到啦!去啦!仲有一包濕紙巾呀!」
「啊!啊!」急急腳
點解我張俊雄咁醒,會生咗個柒轆出嚟?個衰仔唔會買成個鐘先返嚟呀?
好彩我個仔都唔係低能,15min就返嚟啦.
 




「比包紙巾我吖.......喂!你做乜擰轉面呀?幫幫手啦!」
「你......你連條裙同底褲都除咗,我點望過嚟呀?」
「我條under都係血,唔除晒佢點清潔呀?喂!仲企響度,合埋眼過嚟啦,快!」
 
「哦!」
「呀!撞鳩死我啦衰仔!」
「我撞到你邊度........」
 
「新底底!」
「嗱!」
「M巾!」
「嗱!」
 
「搞掂!喂,M巾咁樣帶啱唔啱呀?比D意見吖!」
「得啦,邊度會有女仔比人睇自己條Ｍ巾啫,冇漏就得啦!」




「冇義氣,哼!」着返條裙
 
「點解你行到成隻蟹咁嘅?」
「條M巾頂到上肚臍呀,你叫我點行喎!」
「你話要最貴嗰隻,我好似買咗46cm定52cm.........」
 
「下次我自己買!」嬲
「你唔係諗住以後都叫我買吓?同埋你條M巾可能帶錯咗........」
「所以我咪叫你睇吓囉,望都唔望,你唔啱!」
「又係我唔啱........」
 
***********************************************************
 
 
呼!我依家響自己間房,總算返到嚟!阿嘉?佢沖緊涼..........都沖咗
20min,冇嘢呀?
 
「阿嘉!你點呀?」
「阿政,我冇攞底褲,去媽媽度攞幾條比我揀!..........呀,冇M巾呀,
 同我攞幾條M巾吖!仲有借你條短褲同長衫比我吖!」
 
「咁你即係乜都冇帶入去啦,喂!個頭唔好伸咁出呀,乜都睇晒啦!」
「色狼!砰!」
 
今日咁女仔嘅?
不過今日佢都好倦啦,唔!我要做返D嘢!