(爸爸no.1)我老豆係口靚妹: 阿政no.4

阿政no.4:           阿嘉的了朋友(1)


星期六下午一點,平時嘅我都會補完習返屋企.但今日係我張子政人生第一次唱K.
唔好笑,真係第一次咋!

講返正題,除咗我,今日唱K嘅全部都係女仔.會唔會好怪?我未唱過K,我把聲係點呢?點樣揀歌?
支咪點用?同佢哋講乜嘢好呢?飲可樂會唔會好細路.......不如唔好去囉!

正當我想射波之際,一把溫柔嘅聲音將呢個希望徹底粉碎!





"唷!阿政!"

阿嘉,原來佢一早已經企咗響補習社門口等我!今日嘅佢有d唔同,係完全唔同咗,低胸衫(睇到事業線)
,短裙(露出雪白嘅大腿),加上一件黑色嘅外套,真係性感得嚟又神祕,同之前相比真係成熟咗好多(佢都
40歲啦),我都唔敢直望佢.

不過佢雙手攞住杯珍珠奶茶,又cutie返好多.

"做乜兩頭望呀? 望住我啦!"




"吓!"
"你唔係搵路走,唔去唱K呀?習習!" 趙緊珍珠.

"梗係唔係啦......" 佢點會知.
"咁行啦,習習!"

補習社所有人嘅目光集中響我哋兩人度,當然啦,一個超級美少女響門口等男朋友,毒撚們點會唔發出
羡慕嘅目光,可惜現實只係老豆湊仔放學......

"你飲d吖!"




"我?"
"唔!我依家個肚飲唔晒呀!"

"但.....但係....."
"你唔係介意呀?你細細個都係一杯嘢兩份飲啦!" 嬲嬲.

當然唔係,不過咁就變成咗間接接吻,唔!杯嘢好似特別香甜咁!
"哇!我叫你飲d啫,你同我隊晒佢,俾返我,俾返我!"

成隻貓咁伸手過嚟搶,雖然衣着成熟咗,但行為就越嚟越細路.
喂,老豆,你覺唔覺得你越嚟越似一個口靚妹呀!

"阿政!依家d流行曲你係咪大部份都識?我溝女歌手喎!"
"雖然我未唱過K,不過d歌我大部分都聽過!"
"未唱過K?一次都未歌過?"





"唔!" 點頭.
"哇!邊度人呀你,K都未唱過,地鐵搭過未呀?哈哈!" 好大聲.
"喂!唔好咁大聲啦!d人望住啦!"

"好好!,唔笑,陣間俾返封利是你......哈!" 笑到合唔埋嘴.
"因間我哋兩個合唱啦!其實依家d口靚仔歌我都唔識,老餅歌
又唔啱我style,陣間磅住我."

"原來係咁,唔怪得死都要扯我嚟,原來搵我幫手!"
"咩......咩嘢呀!一次K都未唱過嘅柒頭,而家係我帶你去見吓世面,仲介紹埋女仔俾你識,多謝冇句,
喂!講聲多謝啦!多謝呀!講!"

"多謝!" 話我柒頭仲要我講多謝.
"嗯?但你平時都會去唱K,你d同事冇唱新歌咩?"





"唓!個個去到第一時間都係攬女,劈酒架啦!去得K壓唔通真係.....當我冇講過!"
聽到啦!又話自己幾顧家幾好男人,咪又係去走去滾,不過你而家已經係女仔,算啦!

"哎!條腰又疼,個肚有少少唔舒服!"
"你唔係諗住轉移視線嘛!"
"我洗?不過之前跳樓傷過嚟,會唔會係風濕呢可?同埋我琴晚食咗個西瓜!"

"一個?"
"咁大個之嘛!"
佢用雙手表達西瓜大細,根本就係一個大西瓜!

"疴死你呀!"
"熱氣吖嘛!"
幾十歲人都唔化嘅,又話目己個肚細咗,但係又成個西瓜塞落個肚,以後一定要好好睇住佢,





"好d未呀!"
"冇事啦!小事!"
"今晚唱完K直接返自己屋企,唔准過嚟!"
"吓?"

到咗K房,好緊張,因為我真係第一次嚟,第一次嚟唱K.冷靜冷靜,如果唔係會比人當傻仔架!"
房內有三個女仔,一個唱緊歌,兩個飲緊嘢,都向我哋望過嚟,緊張,好緊張.

"哇!我嚟啦,嗱,呢個係阿政,唱歌嗰個叫阿茵,呢個噹噹,仲有.....勁啦,我哋Top two單詩詠!"
"夠啦!唔好亂改外號!"

一個臉紅得好似蘋果嘅女仔,飛撲埋阿嘉身邊封住佢把口,應該係單詩詠.
雖然末見過佢,但佢大名一早知道,同阿嘉同一級數嘅女神.





我哋學校有個女神榜知道啦!而家仲出埋乜嘢女神戰鬥卡(響張相加level值俾d狗公用嚟對戰),
真係on鳩兼無聊,不過我都有買,只係阿嘉嗰套咋.

睇真d.....單詩穎原來咁口靚女.
"餵貓....."
"餵貓?" 我.

"做乜突然爆句咁嘅嘢出嚟?" 嘉.
"我.....我.....,.唔係....嗚.....呀....." 縮埋一舊.

"哈哈哈,阿政冇呃你.阿詩一見到男仔就會痴咗線,你睇,佢縮咗埋牆角,嚟,走過去俾佢望多兩嘢,
嚇到佢喊出嚟啦,快!快!"
"喂!我又唔俾怪獸,唔好推啦,喂喂!"

又話乜嘢最好朋友,落井下石就最叻.陣間千其唔好講錯嘢,如果唔係就不堪切想.
不過阿詩又幾得意,有小小天然呆........

"哇!又嚟啦,又hand機啦!都話啦,佢一個鐘頭實有一次棟響度郁都唔郁,係咪好低能呢?"
"哈哈哈....."
三個女仔響度恥笑我哋,只有我同阿詩企響兩個角落,睇嚟講唔講嘢都係死架啦!

鬥獸場卡啦ok!----------正式開始!