(爸爸no.1)我老豆係口靚妹: 詩0.1

餵貓哥哥

我係單詩詠,一個普通嘅女仔,家境普通,學業普通,樣貌......中上啦!係一個邊度都可以搵到嘅女仔.

性格內向,怕事,基本上都冇同男仔講過嘢!喜歡漫畫,小說,愛幻想,發白日夢,其他女仔同一大班男仔
說說笑笑嘅時候,我就沉醉響自己嘅世界.

理論上,我應該係一個唔起眼嘅女仔,應該冇人會留意我,加上我係一個貓控,鍾意貓多過鍾意人,所以
朋友唔多,最好嘅朋友就係阿嘉,因為阿嘉,我嘅生活有好大嘅改變,因為佢上年成為咗全校嘅no.1女神,
而我哋又成日出雙入對,就好似女主角身邊嘅妹仔,我都受到佢哋嘅留意,最後.....我俾佢哋封咗做no.2




女神!
哇!究竟邊個整個女神榜出嚟,真係罪大惡極.

依家我日日受到眾人注視,更有男仔向我表白,真係嚇到我掉頭走呀,唉!

平靜嘅學生生活好似離我越來越遠,就連我班friend都攞我嚟玩,尤其係噹噹!

雖然我見男仔會走人,但係我都係一個正常嘅女仔,都有鍾意嘅男仔,不過唔係呢間學校,係響我屋企附近
嘅公園,其實我唔識佢架,不過呢大半年佢都響度餵貓,冇錯,我叫佢做餵貓哥哥.





餵貓哥哥,十七八歲度啦,幾靚仔架,而人又溫柔,好似漫畫嘅男主角一樣,真可愛過一隻貓,你哋可能話
我都唔識佢,點知佢性格喎?直覺,直覺,我相信我嘅直覺,而且鍾意貓嘅一定會唔係壞人.

不過依兩三個星期都冇再見到佢,發生乜嘢事呢?唔會有意外啩......

如果可以再見到佢,我一定會上前同佢說話,希望可以....做朋友!

唔知仲有冇機會呢?