(爸爸no.1)我老豆係口靚妹: 阿政no.45
阿政no.45 二人的年宵花市(1)
9:20pm 銅鑼灣
「好多人呀!」小柔
「係呀!人多好易走失架捉實我隻手呀!」
食完團年飯,媽媽同陳uncle二人世界,而我同小柔就過嚟維園同佢哋會合,不過成班人都未到,搞手阿汁
就9點未夠就企咗響度,會唔會悶死佢?
至於小柔就真係聽話啦,捉到我隻手實一實,話時話佢好似由地鐵開始就攬實我到依度,其實又唔洗咁驚嘅!
「原來維園真係咁多人,真係第一次見!」小柔
「原來你未嚟過架?」
「係呀!我哋住東涌嚟依度太遠,爺爺嫲嫲又年紀大,多數都係行荃灣咋!」小柔
「就算行荃灣爺爺都未排到入去就話頭暈,多數都係同嫲嫲一齊行咋,哥哥你呢?」小柔
「我都幾年未嚟過啦,我而家d朋友全部都係獨居長者,都冇人陪我嚟維園!」我
「唔洗擔心仲有我依個妹妹嘛,就算你d朋友死晒都仲有我,以後每年我哋兩兄妹都一齊嚟維園囉!」小柔
「你死我都未死呀,啪啪!」
「哇!」兩兄妹
「阿嘉!」我
「你響邊度走出嚟架?」小柔
「話比你聽,有我依個正印女朋友響度我會年年同阿政嚟維園,唔洗你依個A貨妹妹操心!」嘉
「MK........」小柔
「年初一!」嘉
「阿嘉姐姐咁啱呀!」親切
「頭先響地鐵見到你哋啦,兩個攬到實一實唔知仲以為你哋拍緊拖添呀!」嘉
「係咩?咁我哋登唔登對呀?」攬實d
「......................」嘉
「條街嚟架仲大大聲話係兄妹似乜嘢樣?分開分開!」拆散
「嗚......陣間失散咗我會比壞人捉咗去!」扮細路
「咁我拖住你啦!」嘉
「喀喀.....喀.....哇!」斷手
「喂!依度呀!」汁
「得你一個咋?」嘉
「嚟緊架啦,阿原佢哋響對面!」汁
「小柔!」美
「阿嘉政政你哋都到咗嗱?」茵
「係呀,噹噹佢哋呢?」嘉
「噹噹去接阿詩同DaDa,好似仲響尖沙咀!」茵
「DaDa?」
「咪生日會同澄澄一齊嗰個囉,其實佢同噹噹由細玩到大,F.1、2兩個糖黐豆咁,F.2跟咗澄澄阿茵先有位入咋!」嘉
「講到我好似第三者!」茵
「咁澄澄佢唔嚟呀?」嘉
「澄澄同你嗰個班長跟咗阿澤去維園開檔,陣間我哋會見到佢哋架啦!」傑
「嘩!你幾時彈出嚟架?」嘉
「好耐啦,點解冇人留意我嘅?」傑
「阿茵、小柔既然未齊人不如我哋去對面商場睇衫囉!」美
「阿嘉阿原政政去唔去呀?」茵
「唔去啦你哋去啦!」嘉
「我想同阿汁傾吓計!」原
「咁算啦,傑傑有d女仔衫應該幾啱你一齊去囉!」茵
「我都話我唔係女仔!」扯咗去
「阿政我有小小餓陪我去eleven 食d嘢!」嘉
「唔係啱啱食完飯咩?」
「頭先諗緊d嘢冇胃口,嚟啦陪我飲d嘢都好啦!」嘉
「你哋去啦我哋響度吹水!」原、汁
「雪~~雪~~~」
「好似真係好肚餓咁啵!」
「嗰d政治飯個個都響度吹水都唔係食嘢嘅,加上又諗起d嘢咪冇食到嘢囉!」嘉
「諗起d乜嘢?」
「我發覺我真係好多記憶都冇咗,蔣泳嘉唔好講,連大老闆講張俊雄嘅事我都一無所知!」嘉
「算啦你宜家都已經係蔣泳嘉啦,以前嘅事唔好再諗啦!」我
「咁又係唔諗啦,你就好啦一家人開開心心食飯!」嘉
「我都冇乜點食呀,始終太拘謹!」我
「係呀..........」望住碗麵
「好!依碗麵就係我哋今晚嘅團年飯,嚟啦我餵你!」隊支叉埋嚟
「我自己食得啦好多人望住,頭先你又同小柔講唔好響條街太親密........」
「點同呢?佢係你個妹我而家身份係你條女,唔洗驚擘大口!」嘉
「唔!」
「飲啖奶奶!」
一啖公仔麵一啖維他奶,響年三十晚超多人嘅7仔我哋響度放閃,身邊充滿羨慕加仇視嘅目光,不過好溫暖,
比起之前嗰餐依餐先至係真正嘅團年飯!
************************************************************************
「人齊啦出發!」汁
「好似去咗旅行團咁!」詩
「乜團都好啦,大家聽住陣間行完花市落旺角唱K,我包場!」豪氣
「阿嘉,行完花市再唱K咪好夜?」詩
「通頂架啦,新年傳統要守夜架嘛!」嘉
「守夜去大酒店啦!」噹噹
「係咪句句都頂住晒呀?今晚邊個唔想返屋企嘅舉手!」嘉
「我!」全部
「連麗麗都唔返屋企得唔得架?」我
「阿茵同我媽媽講會照顧阿麗,打個電話應該冇問題!」美
「見埋家長.........」
「但係我要返屋企!」小柔
「咁冇辦法啦拜拜!」嘉
「我要去.........」小柔
「唔得呀應承咗媽媽12:30要交人架,而且玩到天光你聽日都冇精神過嚟啦!」我
「唱K唱天光!」嘉
「食埋puffet!」茵
「直落飲早茶+行大運!」噹噹
「我第一次玩通宵咋!」詩
「嗚..............」
「你哋可唔可以出小句聲呀?」我
「通頂、通頂、通頂!」成班人
「行咗兩個字都未入到去!」噹噹
「年年都係咁啦,入到去仲多人呀想買嘢都買唔到!」嘉
「真係咁難買架?」噹噹
「你想買乜嘢呀?」嘉
「冇...........」噹噹
「好耐都冇同過噹噹行街啦以後多d出嚟吖!」DaDa
「我都想不過你個friend我就唔想見到啦!」噹噹
「點解你哋好似仇人咁架?」DaDa
「打足四年仲問點解?」嘉
「點解佢哋會成為仇人嘅?」我
「一個公主病一個狂燥症,一個成日蝦蝦霸霸一個又懶正義幫人出頭,咁咪日打夜打囉!」嘉
「講夠未呀入到去啦!」噹噹
「陣間你都有可能見到佢!」茵
「佢哋好似響D區呀!」DaDa
「唔好講咁多啦,依度好多人跟住大隊啦!」詩
「喂!行依度先啦小柔有公仔..........」美
「等埋我!」小柔
「...................」嘉
「阿政陪我睇小小嘢!」嘉
「佢哋入咗去啦!」我
「呀!太多人啦番唔到轉頭,陣間再揾佢哋啦,我哋直行!」嘉
「真係好多人小心唔好走散呀!」我
「阿政攬實我!」嘉
「好似唔係咁好!」
「依度人太多啦,我一個女仔一定比人抽水,你睇吓個個男仔都係咁攬實條女架啦,嚟啦!」嘉
又真係個個都係咁樣啵,不過人哋真係拍拖,我哋就唔知係乜?
不過依一刻真係有小小拍拖嘅感覺,如果年年都係咁你話幾好,我話行年宵咋!
「行過去我要買支冰糖葫蘆,一路行一路食先至係真正嘅行年宵!」嘉
「真係難以想像你會冇胃口食飯!」
「擘大口啦仲講!」嘉
「唔!」
「其實我都好細食啫,有一半都係你食嘅!」嘉
「你竟然話自己細食.........」
「喂!有好多吹氣武器幫我買返碌棍,我要打你個妹!」嘉
「你咁講我點買比你呀?」
就咁樣我哋行到邊買到邊,佢真係乜都買一餐(有錢都唔洗咁吓?)
我就做咗佢個書童,佢就成個女王出巡,把口唔係食嘢就係講嘢,一路吱吱喳喳冇停過,雖然好辛苦又好溫暖!(因為攬住佢?)
原本一大班人熱熱鬧鬧行年宵,依家得返我哋兩個人但又一d都唔寂寞,反而有大種莫名其妙嘅滿足感,究竟係乜嘢感覺?
「喂!阿嘉阿政依邊呀!」