(爸爸no.1)我老豆係口靚妹: 爸爸no.48

爸爸no.48

「哈哈~~~啦啦~~~」

我依家坐咗響花園嘅角落,唔知點解有種似曾相識嘅感覺,響宴會其間靜靜坐響角落望住其他人,自己就孤孤獨獨坐響度!

但我張俊雄係交際能手嚟架嘛,每逄有ball我都係通場飛真係痾尿都唔得閒呀,但依種孤獨感覺又好真實,真係發生過響我身上!
算啦!其實靜靜哋睇眾生相都妁好嘅!

「其實我都好鍾意影相更加鍾意比人影,我可唔可以跟埋你去呀?」澄澄




「你唔好咁厚面皮啦,人哋阿澤係去做嘢架!」班長姐姐
「其實考試關係我已經停晒大部分job啦,嚟緊依個只係幫朋友影相,你哋嚟幫手真係求之不得,到時我順便幫你哋影輯相吖!」澤

「咁.........我都過嚟幫手!」班長姐姐
「你又話返大陸嘅?」澄澄
「初四我都返咗嚟啦!」班長

「又話返成個禮拜!」
「關你叉事?」







睇見佢哋咁應該都得咗啦,袁澤守仲要同佢哋影相,不過佢哋影相就真係影相,從男女關係方面比較大毒撚比阿政仲要柒!
放心啦!就算響酒店度影私影都唔會有嘢發生,係完全冇嘢可以發生!(除非你兩個係二次元公仔啦)

都算完成咗一個任務,以後澄澄應該都唔會朳煩住我啦啩?不過點都估唔到會殺出班長依個程咬金!


「吓!你又鍾意XYZABC?」小柔
「係呀!咁WCESYTR%^&%&呢?」阿美




「梗係鍾意啦!」小柔
「LIPER&*&$@^$OIF」

雖然唔知佢哋講乜叉,不過佢哋又幾好傾咁啵,咁咪幾好識返d同年紀嘅小朋友味唔洗成日黐住阿政囉!

「阿美淨係同政政個妹玩都唔理我!」茵
「唔好咁啦茵姐姐,仲有我響度嘛!」麗麗
「都係麗麗你最好!」攬實

「茵姐姐我抖唔到氣............」
「阿茵阿麗你哋食d嘢先啦!」原


「個花園真係好大,有d景好似原始森林可以比我影場景!」汁
「乜嘢場景?」詩




「佢嗰d高達呀、坦克咁囉!」傑

「就係咁啦型唔型呀?」汁
「乜你哋d男仔鍾意影埋d咁嘅嘢.............」詩
「佢唔代表我,正常男仔應該唔玩依d嘢!」傑

「最唔正常嗰個響對面呀,成日帶埋d美少女figure 出街影相!」汁
「喂!唔好講...........」澤


「政仔你d朋友真係幾得人驚,初頭見到你覺得你怪怪地,原來你係五個中最正常嗰個.......習習!」噹噹
「哽死你呀食埋先講啦!」政
「話時話真係中西美食乜都有,反而生日會冇生日蛋糕嘅?」噹噹

「梗係有!依家就推出嚟比你睇!」我




「登櫈!你睇食死你呀!」
「唔係嘛你哋結婚咩?整個結婚蛋糕出嚟!」噹噹

「生日蛋糕嚟架,不過人多所以整夠三層啫!」我
「有幾多人呀?淨係舊蛋糕都食唔晒啦,仲有咁多點食呀你估我哋係你咩?真係食唔晒個喎!」噹噹好煩

「食唔晒咪食唔晒囉!」我
「咁剩低d嘢點呀?」噹噹
「扔撚晒佢囉!」我

「你知唔知好多非洲人冇得食架,因住收尾嗰兩年呀!」洗唔洗咁毒呀噹噹
「你知唔知非洲響邊呀乜撚嘢都話非洲,比非洲人聽到打鳩你兼話你歧視呀白痴妹!」我

「做乜屌鳩我呀有錢大晒呀?」噹噹
「你撩交嗌咋!成個生日會我一手包辦你一個仙都冇出仲響度單單打打?」




「&*(%&^$&^(*&((%&^(」

「兩位小姐小弟今日生日可否比個面唔好開拖?」政
「又冇話即場食晒佢,食唔晒可以攞走架嘛!」我
「真架?」噹噹

「又唔係酒店自助餐,我屋企你鍾意攞幾多咪攞幾多囉!」
「媽媽今晚返夜冇煮飯...........」真係走去攞膠袋
「師奶仔!」



「都食飽啦有冇遊戲玩呀?」小柔
「打機卡啦OK咁啦,你想玩乜吖?」我





「集體遊戲!」澄澄
「係喎!你話搞個舞會個可!」茵
「跳舞?」小柔、阿美

「你呀!阿嘉間房有好多晚裝,就算唔跳舞著嚟影相都好吖!」茵
「我又要、我又要!」成班
「我帶你哋上去啦,砰砰砰!」

聽講依間屋係我個可?點解問都唔問吓我就全部衝晒上我間房?




「原來阿嘉姐姐有咁多靚衫架?」小柔
「陳小柔你唔好揀咁大件啦,到時走光唔關我事吓,依度有d幾年前我10嘅衫應該啱你!」我
「我邊度似10歲呀?依件靚d!」小柔

「澄澄呢?又話要跳舞又唔見咗人!」我
「係囉!佢冇跟到上嚟嘅?」班長
「男仔唔洗揀呀?」詩

「我依度冇男仔衫啵,男仔著牛仔褲跳都得啦又唔係真係舞會,係女仔先咁姿整搞咁多嘢!」我
「又唔係嘅,男仔都要妝扮吓,你哋睇阿原件衫靚唔靚呀我揀架!」茵
「宜家剪短咗頭髮成個唔同晒,我都話依個髮型啱你架啦,幾靚仔啪啪!」

阿茵響度拍阿原塊面,阿原又企定定咁比佢搞,依個情景點解咁似曾相識響邊度見過咁?話時話阿茵同阿原唔
係真係有嘢嘛?

「阿原頭髮就短咗,反而噹噹頭髮越嚟越長!」茵
「我想留長佢吖嘛!」噹噹

「吓!你想扮女仔?」成班
「成班傻咗呀?我不嬲都係女仔洗乜扮呀?」噹噹

「佢終於都記得番自己係女仔啦!」班長
「所謂長髮為君留,佢唔係拍拖吓?」JJ
「我覺得佢係連頭髮都懶得剪!」茵

「講夠未呀你哋個個頭髮都長過我,留長小小好似得罪你哋咁?」噹噹
「其實你係咪屋企好唔掂先留過生意失敗look?」我
「講還講唔好攞屋企嚟講!」噹噹

「你老豆唔係玩女人比人呃晒d錢嘛?唔緊要我大把.........」
「蔣泳嘉你正衰人!砰!」我成個比噹噹推咗落地
「阿嘉!」大班人

「嗚.........跌死我!」我
「阿嘉你冇事吖嘛?噹噹佢衝咗出去!」詩

「乜嘢事呀?我講一句咋喎,你哋個個夠笑佢啦!」
「噹噹最憎人攞佢爸爸媽媽嚟講笑架唔記得咗嗱?」茵
「每個人都有死穴,以後講嘢要識得分輕重啦阿嘉!」班長

「知啦!阿政同我睇住噹噹吖!」我
「知啦!我去睇吓噹噹!」政

女人就係女人,無論外表幾男仔都係女人一個,都係情緒化生物,之前我仲以為佢d男仔頭性格好玩得,
睇嚟以後都要當返佢係女仔!

不過噹噹好似有d唔同咗,女仔咗?
又唔係吖?不過硬係覺得有種特別嘅感覺響佢身上散發出嚟!


「好啦男仔全部出去我哋換衫!」
「好靚呀同你影返張相先!」
「我又影...............」

「你哋換好晒衫啦?」澄澄
「去咗邊呀又話跳舞又唔見咗人!」我
「我自己帶咗衫嚟!」澄澄

「成件衫黑媽媽嘅?」我
「佢依件叫做歌德蘿莉服!」傑仔
「得哥乜嘢話?」我

「佢扮緊黑貓!」汁
「應該係cosplay黑貓?」原

冇錯!佢扮緊黑貓,對於有嚴重中二病加黑貓控嘅袁澤守好似有d反應!
我都講過啦,大毒撚對真人冇反應只係鍾意二之元人物,收料王澄澄又點會唔知吖,所以佢就扮成動漫人
物去勾引袁澤守!
大毒撚應該奶咗嘢架啦,依一仗澄澄完勝班長,女人其實真係幾得人驚!

女人係一種非常識得裝扮嘅生物,外表可以用衫褲鞋襪化妝品假眼假髮矽袋假處女膜去美化自己,影相可以用
角度光暗色差濾鏡apps去欺騙全人類!

但最恐怖係性格,初相識個個都小鳥依人可愛活潑美麗動人聽教聽話完美無暇!
結咗婚呢?根本就完全違反商品說明條例!

就咁睇眼前嘅澄澄係一個溫柔可愛美麗動人嘅少女,但又有邊一個估到(4A班全部都知)內裡根本係一隻野獸!
相反外表堅強硬朗嘅女仔內心可能好脆弱、好需要人關心,女人的確好難理解!

但最撚慘係我依家都變成咗女仔,我覺得自己同佢哋一樣好情緒化,一時可以好開心一時可以好down!
同噹噹炒完阿政又唔響身邊,一時間有種失落感..........

「你哋玩住先我有d倦想響間房抖吓!」
「你係咪食得飽得滯呀?咁我哋落去先!」茵

陽光由窗外照入房間,好溫暖好舒服好想瞓返陣.............



「哈哈~~~~」
「好耐冇見...........」
「......................」

「喂!做乜郁都唔郁坐響度呀!」哥哥
「全部都係大人都冇人同我玩!」我
「咁又係,佢哋個個都顧住傾公事同收料,我老豆宜家刷緊你爸爸鞋都唔得閒理我!」哥哥

「有幾個小朋友同d叔叔傾緊計,我哋行唔行過去?」我
「死都唔好過去,佢哋比人逗緊,又問你讀書讀成點呀今年學咗d乜呀煩到死!」哥哥

「咁我哋係咪一路坐響度呀?」我
「...................」
「跟我嚟!」

『度門點開架?』我
「吓?間屋你個喎襟個掣咪開到囉!」
「咔!」

「係喎!次次都係工人姐姐帶我出去!」我
「下次試吓自己開啦,喂有人呀快d走!」



公園

「你話好好玩嘅就係依度?」我
「又唔係好好玩嘅,不過點都好過響你屋企,嗰度多人到連抖啖氣都唔得!」
「咁又係!」我

「你睇吓,成個公園都係得我哋兩個,真係做乜都得!」四圍擒
「你成日都嚟架?」我
「嗯!不過係葵涌附近嘅公園,放學同d同學一齊去玩,響嗰度仲會識到其他學校嘅小朋友,當然亦都
會遇到敵人啦!」哥哥

「敵人?」驚
「有d大隻小小會蝦人架,不過我同d friend會圍嘔佢,你呢佢有冇遇過d惡人?」
「我都冇嚟過公園玩!」我
「一次都冇?」哥哥

「工人姐姐都冇帶我嚟!」
「又係嘅,你屋企咁大又有花園邊洗出嚟玩吖!」哥哥
「不過得我一個好悶!」
「係呀!公園最緊要多人一齊玩,爭吓搶吓打吓先最開心,下次我哋日頭出嚟公園會多人d架!」哥哥

「但會唔會有好惡嘅人出現架?」我
「有架!不過有我響度唔洗驚!」哥哥
「你都話要一大班人打一個,得你一個夠唔夠打架?」

「唔夠打咪打住先囉,你一個人走返屋企唔洗理我!」哥哥
「點得架我唔會扔低你.........」喊咗出嚟
「喂喂講笑咋,依d兒童公園一定有大人響度,如果真係打架d大人都會出聲啦!」哥哥

「真嘅?」我
「係呀唔好講啦,玩吓先啦!」哥哥
「哥哥你可唔可以日日嚟陪我玩呀?」

「咁又唔得,葵涌嚟依度好遠,平日放學都唔夠時間,而且日日嚟好貴我d零用錢........」
「...................」水汪汪
「嘩唔好喊!一至五唔得啫星期六日我過嚟陪你啦!」哥哥

「一定要嚟呀!」我
「嘟嘟!」電話
「爸爸?」

「衰仔走咗去邊呀?」爸爸
「公.......公園!」口震震
「有人睇到你帶咗太子女出去係唔係真架?」爸爸

「係.....係......」
「死仔!大小姐身嬌肉貴如果佢有乜嘢損傷比人綁架我同你死都唔得掂呀,仲唔死返嚟!」殺人
「...................」

「係唔係我所以你比人鬧呀?」
「邊關你事吖!佢日日唔鬧過我佢都瞓唔著架,不過真係要走啦!」哥哥
「哥哥其實你叫乜嘢名呀?」

「吓!識咗咁耐你都唔知我叫乜名?」哥哥
「你都冇講!」我
「唔怪得你成日都叫我做哥哥啦!」哥哥


「我叫張子政!」




「呀!」成個彈起
發夢!不過依個夢唔係屬於我而係屬於蔣泳嘉!
蔣泳嘉嘅記憶慢慢響我腦海出現(反而阿政就乜都唔記得),尤其係同阿政有關嘅記憶特別強烈,我終於明白點
解我對阿政有特別嘅感覺,因為依種感覺係嚟自蔣泳嘉!

我一直以為自己搶走蔣泳嘉嘅身體,完全控一切,但相對地蔣泳嘉身體亦慢慢改變咗我,甚至控制我嘅情感思想,
究竟係我控制蔣泳嘉定蔣泳嘉控制我?
究竟我宜家係張俊雄定蔣泳嘉?

如果可以再揀一次,我一定唔會話比阿政知我係爸爸,如果可以我會以一個普通女仔嘅身份響阿政身邊成為真正
嘅情侶,我想成為一個真正嘅少女!