(爸爸no.1)我老豆係口靚妹: 阿政no.43

阿政no.43          傳說中的妹妹(2)


「阿政!」媽媽
「媽媽!」我
「Gi........」嘉

「柔柔!做乜同人鬧交呀?」媽媽
「媽咪!」小柔撲埋去攬住媽媽
「媽咪..........」晴天霹靂(嘉)





自己個老婆同第二個男人一齊,而嗰個男人嘅女仲要攬住叫媽咪,依個咁「幸福」嘅情景又真係..........
.我明嘅我明嘅,依家唯一要做嘅事就係將屋企所有嘅利器收埋,呀廚房度門未關.........我唔想死住!

「阿政..........」
阿嘉用好古怪嘅眼神望住我,佢想點?(驚驚)

「阿政BB!」飛撲埋嚟攬住我
「B.......B?」小柔聲都震埋
「BB咀啖先啦!」




「..................」全場人士(包括我)

我明嘅,輸人唔輸陣吖嘛,人哋兩母子咁溫馨我哋兩父子都唔可以太失禮嘅,不過前面嗰個係你老婆係
我阿媽,我哋依家攬到成舊嘢咁你覺唔覺得有d難頂!

「媽媽望住呀!」反抗
「你企邊面架?大敵當前我做乜你跟住做啦!」細聲
「放.....放開我哥哥!」小柔大叫

「乜嘢啫?我哋係情侶嚟架嘛,平日我哋都係咁架啦,睇唔慣咪出去行吓囉,完事我再叫你哋返入嚟,




呼~~~」佢係咁吹d氣入我隻耳仔
「喂好痺呀唔好再吹啦!」我

「咁咪好囉,我要有幾肉麻有幾肉麻、有幾骨痺有幾骨痺,嚟嚟呼~~~」救命呀放開我
「你放開我哥哥呀唔好再搞佢!」小柔嬲到喊咗出嚟


佢點會放開我吖,佢搞咁多嘢無非都係想激死你哋,佢見你哋咁好反應,佢直頭想剝咗我件衫添呀,
依d就係我老豆嘅性格啦,喂吹夠未?

「夠啦小妹妹,我唔理你哋乜嘢關係,但佢係我個仔依度係我屋企,你最好同我檢點d!」媽
「大家唔好嘈,阿嘉佢性格不嬲都係咁熱情,媽媽好耐冇見最近點呀坐低飲杯茶先啦!」極度劣等轉移視線

「喂,你唔好再亂嚟啦,你宜家只不過係一個未夠秤嘅學生,如果媽媽搞到上學校我哋都唔得掂,忍忍!」我細聲
「..................」忍得好辛苦





「阿政真係好耐冇見啦,之前留低你一個響屋企係媽媽唔啱,如果當時帶埋你走你就唔會識埋d壞學生!」
媽媽我已經襟得佢好辛苦啦你仲抽佢水
「喀、喀!」真係好辛苦

「其實阿政你想唔想同媽媽一齊住?」
「想創你個心呀!」終於忍唔住啦
「媽媽,依段日子我已經習慣一個人生活,而且依度係我屋企我想留返響依度!」我

「..............」媽媽
「我明嘅,我都係講吓啫,始終你同志聰都未見過面,其實我今日嚟最主要係帶一個新家人比你認識!」媽

「哥哥!」小柔
「依一個就係你妹妹!」媽





「假架,DNA完全出錯!」嘉
「雖然你兩個係冇血緣關係,但你哋兩個都係我嘅仔女,我好希望你同小柔能夠好好相處!」媽

「放心啦,我會照顧小柔架啦!」
「衰仔衰仔衰仔............」

「仲有!年初三至初五我同志聰有事要離開香港,而小柔爺爺嫲嫲又要返大陸,所以.........」媽媽
「所以就要阿政幫你睇女,真係無事不登三寶殿!」嘉
「唔好講到咁難聽啦!」我細聲

「衰仔,個衰婆走咗三個月見都冇見你一面,一返到嚟就要你幫佢睇人哋個女,佢根本就冇關心過你!」
其實媽媽同我一直都有電話聯絡,不過我唔敢同你講啫

「阿政,雖然你哋係第一次見面,但小柔的確係你妹妹,即使你對志聰冇任何感覺我都希望你能夠關心
小柔依個妹妹!」媽




「哥哥.........」小柔

「兩三日應該冇問題嘅...........嘩!」佢揾乜嘢頂我?
「死仔!係咪當我依個老豆死架?」嘉
「算啦!就算幾唔着都係佢哋兩個唔關小柔事架,你都唔想一個12、3歲女仔去保良局架!」保良局幾
時變咗兒童酒店

「....................」講數講數
「有結果啦!初三至初五我會照顧小柔!」我
「不過阿政唔識煮飯執屋,佢連自己都搞唔掂,所以嗰幾日煮飯家務就包響我身上!」嘉

「你?」小柔、媽媽
「冇錯!初三至初五我會上嚟照顧令郎!」嘉
「你上嚟過夜?」小柔
「係上嚟照顧你呀小妹妹!」嘉





其實洗乜咁大反應吖?聽日開始佢就會上嚟住,就算小柔嚟唔嚟依度都已經係佢地頭,不過都好,小柔上嚟
佢就扮睇住小柔咁就冇人知道我哋同居啦!(都話係爸爸返嚟住囉)

.
「呼~~~呼~~~」現場唔知點解有好大嘅殺氣
其實在場人士數埋都應該係一家人,但點解好似唔同嘅種族響度大屠殺咁嘅氣氛?
可能係我哋嘅角色都唔同咗!

媽媽依一刻已經變咗做-----------陳太!
響媽媽身邊嘅小柔基本上同我大纜斬扯唔埋,但依家佢變成我嘅------妹妹!
至於攬到我實一實嘅「女朋友」----------係我老豆!


如果有小朋友響依d咁嘅家庭長大一定有認知障礙,不過我頂得順頂得順!

「嘟!」
「喂志聰?漏咗份文件...............」
「阿政,媽媽有事要行開一吓!」媽

「上到嚟唔夠半個鐘就走,唔送啦走啦!」嘉
「...................」
「小柔!留響度陪哥哥!」
「知道!」小柔

就係咁媽媽又走咗啦,現場得返小柔、我同阿嘉,死亡嘅氣息又再出現,都係快d離開依間屋去揾阿詩!



「依度就係何文田村?」小柔
「你唔係未嚟過吓?」嘉
「點啫?依度係住宅區又冇商場,未嚟過好奇咩?」小柔
「大鄉里!」嘉
「大MK!」
「#^^&*^*%^$^&$&$$」

「夠啦!由屋企嘈到嚟依度,陣間上到阿詩屋企你哋唔好再嘈啦!」我
「得啦,我唔會再搞冧阿詩個生日會架啦!」嘉
「你之前搞過d咩嘢嚟?」小柔


「生日快樂!」三個
「你哋好!嗯.......依位係?」詩
「我係張子政哥哥個妹?」小柔

「你幾時有個妹架?」詩
「假架!」嘉
「即係咁.......咁咁.........」

「原來係咁,恭喜你多咗個妹喎,咁啱我又多咗個阿哥出嚟-----單文頒!」詩
「我不嬲都存在架!」頌

「唔好意思我哥哥面皮好厚,佢死都要跟住我哋........」詩
「唔好講到我好似冇街去嘅毒男咁,我都想同個妹興祝生日啫,啱唔啱呀阿政,同最好嘅朋友?」頌
「嗯.......嗯!」我、嘉

「阿詩姐姐我認得你,你係嗰日同哥哥一齊嗰幾個女仔,我有你幅相架!」小柔同阿詩響度睇相
「依個姐姐好靚呀邊個嚟架?」詩
「咪我同哥哥嘅媽媽囉!」小柔

「哥哥.........阿政媽媽?」好大聲
「阿政!依個真係你親生媽媽?」詩
「乜我好似執返嚟咩?」

「唔係呀!點睇你媽媽都係得廿幾歲,十歲點生得你出呀?」詩
「我媽媽識打扮啫,其實佢都36歲啦!」
「36?咁即係你媽媽18歲就生咗你出嚟?」詩

「係呀,我媽媽比較早婚(正確嚟講係比我老豆搞大咗個肚)!」
「真係點睇都唔似30歲!」頌
「不愧係空姐,我哋媽媽50歲成個人乾咁真係冇得比!」詩
「你試吓響阿媽面前講多次?」頌

「哈哈.............」
「咕...............」嘉
「喂!媽媽聲講完未呀?又話生日會有乜嘢玩呀?」嘉
「當然有!」頌


阿詩嘅生日會原本只得我哋三個,依家無啦啦變咗五個出嚟,不過都好,依一刻我哋阿詩屋企過生日,
飲飲食食玩吓遊戲時間過得特別快,(依一日快d過啦求吓你)
我宜家響阿詩間房,理論上(唔計我老豆)我應該係第一次入女仔間房!

「佢哋響出面打機冇問題吓?」我
「有阿頌響出面應該冇問題嘅,而且佢兩個淨係顧住打機!」詩
「佢哋似打架多過似打機,好重火藥味!」我
「佢哋真係乜都鬥一餐!」詩

「你哥哥又幾細心,竟然準備咗個大食會,反而我哋兩手空空咁上嚟!」
「佢又幾做得嘢嘅,不過冇嚟正經講嘢唔經大腦口花花,阿政陣間佢同你講d乜嘢你都當佢講笑得啦!」詩
「哦!咦.......嗰隻龜?」我

「噹噹?佢已經正式成為我哋屋企一分子啦!」詩
「你真係叫佢做噹噹?記住千祈唔可以比出面嗰個聽到,如果唔係一定成間學校都知道!」我
「依個係我哋兩個嘅秘密!」細聲

我覺得阿詩越嚟越古惑,係咪跟得阿嘉多呢?講開噹噹唔知佢依家點呢?
佢父母新年後就正式離婚,依段時間佢最需要人關心,但因為考試我個幾星期都冇見過佢(有傾電話),
唔知佢依家點呢?好似有小小掛住佢!

「哥哥!」詩
「係!」
「做乜定晒型呀?」詩
「冇我睇緊隻龜之嘛!」

「咔!」
「兩位,我訂咗三點嘅戲飛,兩點鐘出發!」頌
「睇戲?終於可以睇返琴日嗰齣戲啦!」詩

「對唔住,係怪獸恐怖片!」頌
「怪獸片...........」有冇問過我哋架
「係你帶嚟嗰兩位小姐揀架!」頌

「阿嘉會睇恐怖片?」我哋
「初頭佢都話唔睇架,不過當你個妹話好驚之後佢死都話要睇啦!」頒
「以本傷人!」我哋

「唔講啦,你哋玩多陣先我要出去睇住佢哋,都唔知打機定打架!」
「其實你個妹得罪咗佢d乜嘢?」詩
「....................」其實我都唔知



2:40pm

「其實你得唔得架學人睇恐怖片?」我
「有乜所謂?成間戲院都係人又唔係得我一個!」嘉
「今晚睇你瞓唔瞓得著!」

「唓!聽日我都返嚟住啦,真係驚最多咪双鋪!」嘉
「細聲D啦比佢哋聽到就唔得掂啦!」
「入場啦!」

「嗱!男女分開坐,你哋一邊我同阿政坐!」頌
又係嘅,如果我坐中間真係唔洗睇戲都似,不過佢哋坐埋一整真係冇事?

「..................」嘉、小柔
又真係冇問題喎,兩個眼定定對住個mon真係又要驚又要睇,連身邊嗰個係死對頭都唔記得咗!

「阿詩幫我買杯汽水!」頌
「咁煩架入嚟之前又唔買!」詩
「............」阿詩行咗出去

「阿政!」頌
「................」


「阿政你又出咗嚟?」詩
「阿頌話唔飲汽水啦,叫你自己飲咗佢!」我
「佢又玩乜呀?」詩
「佢應該係玩依d!」我將兩張戲飛比阿詩

「三點半隔離院戲飛?」
「係琴日我哋睇唔到嗰齣戲,原來你哥哥一早已經買咗!」我
「但係我哋走咗阿嘉佢哋點呀?」詩

「阿頌話會睇住佢哋,我出嚟之前見到佢哋睇到入晒神,仲攬住一齊睇!」
「嗰個阿頌專係做埋d無聊嘢!」詩
「唔係呀我覺得佢幾細心呀,夠鐘啦!」我

雖然阿詩開口埋口都話佢阿哥點樣點樣,不過從佢眼神我睇到佢係好信任佢哥哥!
至於我從今日起亦成為人哋嘅哥哥,響小柔眼中我算唔算係一個好哥哥呢?不過目前最重要係
令到佢哋兩個和平共處!
和睦共處?耶穌都搞佢哋唔掂呀,算啦!睇埋齣戲先再諗!




9:00pm

「嘩返到嚟啦,由朝玩到晚仲慘過返學!」嘉
「應該係由朝打到晚,倦就早d返屋企啦!」
「唔返啦響度瞓!」嘉
「...................」

「乜嘢啫聽晚都過嚟啦早一晚有咩所謂,而且睇完恐怖片我死都唔返去架!」嘉
「其實你係咪一開始就諗住響度瞓?」
「聰明!沖涼先!」

「沙....沙......啦.....啦.....」心情愉快
「咁我同你執一執間房先啦!」我
「喂唔洗!今晚我哋双鋪!」嘉

「喂!著返件衫先行出嚟啦,入去入去!」
「唓!依度得我同你有乜所謂啫,一家人嘛砰!」入返去
「沙.......沙.......」

雖然係兩父子,不過依種生活方式真係好有問題,如果蔣uncle知道我哋嘅生活咁無拘無束,仲要夜晚攬住一齊瞓,
我諗佢真係會後悔比阿嘉過嚟住,不過點都好,依個秘密絕對唔可以比其他人知道,如果唔係真係死都唔掂!