(爸爸no.1)我老豆係口靚妹: 阿政no.35

阿政no.35              第一夜(1)


「好啦!10點幾啦,我要去溫一溫書,你哋慢慢玩啦!」
「咪住!話明係卒業旅行當然要有一個難忘嘅晚上啦,咁早走去瞓?」嘉
「我係去溫書呀!」
「no way!」4個

之前講過嘅說話收番一半,雖然佢哋真係對我好好,但大前題係我要滿足佢哋要求,聽聽話話咁啦!
睇嚟今晚都冇乜可能溫到書架啦,我有個預感,我今晚會比鬼搞!





「好!大家夾手夾腳將4張床疊埋一齊,棉被放響床嘅周圍!」嘉
「做乜好似整咗個擂台出嚟?」茵
「冇錯!依個係擂台,今晚嘅壓軸遊戲係------------枕頭大戰!」嘉

「呵呵!有意思!」噹噹終於有機會報仇啦
「規則係咁,最後企響擂台嘅就係勝利者,邊個最快嬴到三局嘅可以得到豐富獎品!」嘉

「阿政你企埋一邊睇住我哋打得啦!」嘉
「政政唔玩得?」茵




「???」三個

又係嘅!始終我都係男仔,同佢哋有太多身體接觸都唔係咁好嘅!
「既然係咁,不如我上去抖一抖............」
「唔得!獎品唔可以離開依間房!」嘉
獎品..................

「你又搞乜嘢?」噹噹
「勝利者可以響一分鐘內任意玩弄獎品!」嘉
「唉.............」三個擰晒頭




佢個腦係咪淨係識得諗依d嘢?

「噹噹!有挑戰性嘅遊戲先有玩嘅價值,夠唔夠膽再鬥一場呀?」嘉
「怕你呀?政仔唔洗驚,今次我一定嬴!」噹噹

噹噹又上當啦!我覺得全部人都比佢拉住走,果然係老奸巨滑!
不過最慘係我,比佢哋當玩具獎品咁玩,真係唔好比人知道,真係依世都抬唔起頭做人!

「Round 1!」
「嘩~~嘩~~哇~~」

大戰開始!隨住枕頭跌晒落地,(幾秒鐘時間)佢哋已經洗出拳腳功夫,乜嘢扔枕頭吖,跟本就係摔角大賽!

「呀~~~」阿詩第一個跌出擂台
「哇~~嗚~~~咬~~~」兩大強者攬埋一舊




「猛虎射球!」阿茵一腳踢咗佢哋落地,真係蚌鶴相爭

「第一局我嬴咗!嘩~~~」茵
「竟然敢偷襲我哋,真係好大嘅膽!」噹噹
「放心!佢一定會死響擂台上面!」嘉
「喂!你哋........唔好行埋嚟!」茵

「Round 2!」
「呀~~~呀~~~~唔玩~~投降~~~~」

經過一番折磨後,阿茵被踢落床,至於阿詩亦驚到跳咗出擂台,冇錯,依場戰鬥跟本就係佢哋玩晒!

「到最後都係我同你!」嘉
「我要報返今日一戰之仇!」噹噹
「報仇?連自己乜嘢處境都唔知嘅蠢材同我講報仇?」嘉




「嘿?」

「如果講打架我或者唔夠你嚟,但依家講緊企響擂台上面呀!」嘉
「我唔洗打嬴你,我只要扔你落床就OK!你認為識得自衛術同柔道嘅我會輸比你?」嘉

「睇吓點?」衝過嚟
「蠻牛一隻!」嘉
「砰!」噹噹跌咗落地
「再嚟一次!」噹噹
「呀!」又跌出嚟

冇錯!跟本就係蠻牛對鬥牛勇士嘅比賽,無論隻牛幾大力都好,都嬴唔到鬥牛勇士,依場比賽跟本就係為阿嘉度身定造!
所有人都中晒佢嘅圈套!
「哈哈...........連嬴兩鋪!再嬴多場獎品就係我架啦,已經冇人可以阻止我...........哈哈!」大魔王





「唔可以再比佢為所欲為!」詩
「為正義而戰!」噹噹
「預埋我!」茵

「喂!人多蝦人小,卑鄙!」嘉
「卑鄙得過你?郁佢!」噹噹
「呀......呀!」
「砰!」邪惡嘅人終於都得到教訓啦

「正義必勝!」三個
「胡~~~你哋!」
「夠薑上嚟再打過吖!」三個

「怕你有牙?」
「哇~~~呀~~~」佢哋三個直頭抱起阿嘉扔落床




「比賽結束,噹噹連勝三場!」

無論阿嘉幾狼死、幾兇狠都雙拳難敵六手六腳,佢最後亦只可以跪響地下!

「政仔!」噹噹
「喂.........」
「放心!我對你冇興趣,不過你今日搞我d頭髮.............」

「嘩!政政變咗海膽!」茵
「同我影相放上FB留為紀念!」
我依家先知原來噹噹最憎人搞佢個頭!

「淨係噹噹玩晒,我哋好似做咗手下!」詩
「哦!乜原來阿詩對政仔都有興趣架?」噹噹
「喂.........我唔係依個意思!」

「得啦!公平起見我哋每人一次啦,陣間我放水.........」分豬肉
「唔公平!黑箱作業、小圈子、官商勾結、親疏有別、政治打壓.........嗚!」嬲到喊
「你都知乜嘢叫做公平嘅咩?」噹噹
「嗚..............」

「做乜嘢都諗埋d奸計、旁門左道,依次就比個教訓你!」噹噹
「咕.............」有d唔順氣
「咁啦,比1分鐘時間你啦!」噹噹