(爸爸no.1)我老豆係口靚妹: 爸爸no.37

爸爸no.37

4:20pm

陽光燦爛嘅下午,吹住微寒嘅海風,溫暖得嚟又頭腦清醒!
冇錯!之前嗰場世紀大戰已經結束,要抽離要好好享受依三日嘅假期!

我宜家就坐響三輪車度,阿政做車伕,我哋決定踩單車遊覽梅窩!
好寧靜!靜靜哋坐響車度望住四周風景,留意身邊每個人嘅表情,真係好舒服、
好寫意、好和平!





和平?又未必!因為前面嗰個係出晒名嘅自動炒車王!
「咦?你做乜揸到條欄杆實一實?」阿政擰返轉頭望我
「阿政望前面、集中精神!」緊張

「唔洗驚!我依家踩單車已經好純..............」
「有隻牛呀!唔好撞埋去!」慘叫
「唔!」牛牛好驚

「點解會有隻牛架?」政




「你唔係咁大隻牛都見唔到吓?」我
「嗰度仲有兩隻!」詩

「好可愛,咔咔!」阿茵係咁影相
「好舒服呀!上年聖誕節響條街迫到死,但今年竟然有個咁寧靜嘅聖誕!」噹噹
「不過4點幾啦,踩多陣就天黑!」詩
「如果早d嚟咪好囉!」茵

「做乜個個望住我?係你哋唔肯放低d牌先咁遲嚟咋!」我
「我哋又冇講嘢,唔好再嘈啦,享受吓陽光與海啦!」噹噹




「個衰婆真係好鍾意海啵!」我

「你唔同佢哋一齊吹吹海風,仲坐響架車度?」政
「衰仔,依家雖然係冬天,但4點幾嘅太陽仲係好猛,紫外線仲係好犀利架!」
「洗唔洗咁驚呀?」

「你係男仔梗係唔驚啦,但我宜家係女仔,你知唔知女人老得快過男人架?依家
當然青春無敵啦,但廿年後大家三十幾,到時我可能老過你!」
「所以你最近勆日用d咩美白護膚品?」政

「陽光係女人嘅天敵,要青春常注就要響依一刻開始做,只要小心保養,到我
三十歲都仲似廿幾歲咁,Yeah!」叉起兩隻手指
「果然人生經驗豐富係唔同d吓!」政

「好似嗰好妁幾條死靚妹,以為青春無敵,如果日日係咁曬,幾年後個個都變晒




濱妹印庸!」
「邊個係濱妹?」噹噹
「我哋好似印庸咩?」英、詩

「阿政你會保護我個可?」
「拉佢出嚟,曬到佢變南亞裔!」
「哇~~~耶穌話聖誕節唔打得架嫁!」我

「兩個鐘前先打到天崩地裂,依家同我講耶穌?」三個
「打救你!」
「政仔,原來坐響架單車度睇住人打架係咁寫意喎!」噹噹

「少有喎,竟然唔打埋一份!」政
「阿嘉講得啱,女仔始終白d好,我以後都要曬小d太陽!」噹噹
「噹噹竟然自己走上去,我哋又要避太陽!」茵、詩





「喂!架車散啦!」
女人!~只要有大個帶頭做一樣嘢,其他師奶都會不問價死跟!
上fb打卡又係,睇乜撚嘢星星又係,做乜撚嘢都一堆人,其實佢哋知唔知自己做緊乜嘢啫?
可唔可以比返架單車我?

「5點啦!好快就天黑,想行多陣都唔得!」噹噹
「都兜咗個圈啦,其實梅窩都冇乜嘢行,一個鐘乜都夠啦!」我
「咁又帶我哋嚟?」噹噹

「始終都係大嶼山一個景點,而且依度係sell寧靜,好多人都特登入嚟放鬆吓!」我
「又幾舒服嘅,不過依度有乜出名架?」噹噹

「行山囉!阿汁有時都會過嚟行山,不過依家太晏啦!」政
「仲有依個沙灘,雖然落唔到水,不過好多人都行沙灘,有幾個仲赤住腳步」我指住




「我都想跑吓沙灘!」條衰女已經除咗隻鞋

「我仲有嘢比你哋玩!登櫈!」
「紙鳶?」
「頭先買架,放咗響單車度都冇人見到!」我

「玩唔玩呀?」
「玩!」噹噹
「喂!我起唔到機呀,幫幫我吖!」噹噹
得鋪牛力,又要我出手!

「嘩~~~嘩~~~」
「升得好高啦,噹噹玩得好開心!」政
「我覺得我哋好似帶咗個女嚟咁!」





「有幾可會放紙鳶呀?我都好耐未玩過!」政
「未玩過就未玩過啦扮晒嘢,過去同佢哋一齊玩啦!」

睇住幾隻嘢玩到wewe嘩嘩,連我自己心情都放鬆起嚟,阿政講得啱,只要有一大
班朋友,就算只係一隻紙鳶、一個沙灘都可以玩足成日,宜家嘅我已經係一個15歲嘅女仔
,同佢哋一樣過住無憂無慮嘅生活,反而乜嘢百滔主席、ceo越嚟越冇興趣,或者我已經變成咗一個真真正正嘅細路女!

希望以後都可以過依種簡單嘅生活,同佢哋一直成為朋友!

「好啦!天黑啦,交車食飯!」





*************************************************************************



「你哋想食d咩嘢呀?」我
「我宜家都唔餓!」詩
「6點幾啫,不如一路揾嘢食,一路四圍行吓囉!」噹噹

就係依句說話,幾條傻仔傻女就響梅窩市中心遊咗個鐘!
其實梅窩真係冇嘢好行,比著我以前我啋你都有味,真係一條友去bar飲嘢冇咁嬲!

但依家我哋行吓海塝,行吓已經關咗鋪嘅街道,靜得嚟又幾熱鬧,真係好鍾意依種感覺!
同啱傾嘅朋友一齊,無論去邊都開心,到最後我哋冇去酒店食buffet,冇食意大利嘢,只係去咗
一間好普通嘅餐廳,嗰餐跟本唔算得上聖誕大餐,不過望向寂靜嘅窗外,真係有種響小鎮過聖誕嘅感覺!

「阿嘉望乜嘢呀?仲唔食?」噹噹
「阿嘉我食唔晒比d你吖!」茵
「我都飽飽哋比一半你吖!」詩
「唔爭在我,比舊魚你!」噹噹

「你哋究竟當我係乜嘢?」
「食啦食啦聖誕大餐吖嘛!」三條八婆

「覺唔覺得出面好靜!」我
「唔!依條街好似特別靜咁!」茵
「好似去到一個小鎮過聖誕咁!」我

「琴晚我哋響尖沙咀多人到爆,又要同人逼,又要同人爭厠所,估唔到今日可以響咁寧靜嘅環境過聖誕!」我
「如果落埋雪就perfect啦!」

「世界未日!」噹噹
「比小小感性好唔好依位小姐?」我
「如果有咁嘅一日,我哋反而要理性面對,大家努力生存落去!」噹噹
「對牛彈琴!」

唔撚理佢!一邊食住豬扒飯(都唔知係咪豬扒飯,又有牛又有雞又有魚),一邊欣賞窗外風景,真係好浪漫、
好溫暖、好有安全感,就連響我心入面嘅不安感都消失埋!

唔知點解我內心嘅不安感、恐懼感越嚟越強烈,我真係有種預感,終有一日我會離開佢哋、甚至會死!

應該只係我仲未習慣蔣泳嘉身體嘅關係咋?我張俊雄咁硬淨邊會有事吖!
希望下年嘅聖誕、以後每一年嘅聖誕都係咁開心啦!