(爸爸no.1)我老豆係口靚妹: 爸爸no.32
爸爸no.32
男仔頭嘅佢著起晚裝竟然成個唔同晒,好fresh、好活潑、好有活力,嗰種獨特
嘅氣質比阿詩更加搶眼(同我當然冇得比啦,我索佢咁多),估唔到條TB妹扮起
女仔嚟會咁掂喎!你睇阿政望到佢實一實,仲要面紅,衰仔衰仔衰仔!
「做乜啤住我呀,好怪咩?」噹噹
「唔係呀,好好睇呀,第一次見你著裙!」政
「傻咗呀?日日返學都著裙架啦!」
「細聲d啦,成個街市婆咁!」茵
「嘩嘩...............哈哈」一班人
「我食d嘢先等埋我,政仔陣間教我跳舞.........習習......」噹噹
「你慢慢食啦,我哋等埋你!」政
「唔好用手拿呀噹噹!」詩
唉!走咗隻噹噹入嚟成個ball 氣氛都比佢搞亂晒,真係唔好話比人聽佢係我同學!
不過睇佢哋嘻嘻哈哈,跳舞跳到一仆一碌,反而吸引到其他人嘅目光,始終都係公
司party,有大老闆在場所有人都唔會玩得太癲,加上大部份都係成年人,幾個中學
生響度跳吓跳吓又幾吸引嘅,連我依個主角都比佢哋搶晒風頭................
「蔣小姐,賞唔賞面跳...........」
「冇----心----情!」
真係冇心情,依家我一個人企響花園度望住個黑媽媽嘅海,好寂寞!
又話有乜嘢事都會響我身邊,又話乜又話七,一有幾個女仔過嚟咪跟咗人走,望都唔望吓我!
男人全部都冇本心,男人全部都係衰人!
「哥哥係唔係咁跳?」詩
張子政!我教你d 嘢你全部教比阿詩?睇阿詩對眼,我完全feel到佢對阿政有嘢!
好後悔!我真係好後悔介紹阿詩比阿政識,如果佢哋從來冇見面,從來冇認識,如果世上從
來冇單詩詠依個人...............
「阿嘉...........」政
「.................」擰轉面
望咩望!跳你嘅舞啦柒頭!
不過..............佢會唔會睇到我喊?
得返我一個都唔好玩嘅!好想走,但揼低阿政又唔係咁好,反上房休息但上面冇人
我又驚!
「喀~~喀~~喀~~」打冷震
好凍,我好似企咗好而耐,都係返上去坐吓!
「阿嘉!」政
「過嚟做乜嘢?」
「你冇嘢嘛?」政
「有冇嘢都唔關你事,過返去同佢哋玩啦!」
「你打晒冷震呀,你隻手好凍!」政
「都話冇嘢囉,鬆手啦!」
「你唔開心?係咪我做錯咗d咩?」
「原本依個ball我好比心機去搞,我希望我哋能夠成為今日嘅主角..........」越講越
細聲
「阿政!雖然我哋係假情侶,但響在場所有人眼中你係我男朋友,宜家有幾個女仔出
現你就揼低自己女朋友,你話人哋會點睇?」
「要細心d 啦!第日你拍拖如果對其他女仔仲好過自己女朋友,條女一定吃醋,
因為全世界女人都係好小氣!」
「我.......知啦!」政
「宜家我哋做一個練習,你激嬲咗我依個女朋友,揼返我吖!」
「吓?我......對唔住!」政
「咁咋?一句對唔住就冇事?你哋就開開心心跳舞,我就食足半個鐘頭西北風,乜嘢
照顧我,乜嘢乜嘢第一時間過嚟睇我,全部都係吹水!」我
「唔係呀!真架.........」政
「假架假架!淨係佢哋三個過嚟你都唔理我,如果將來你有鍾意嘅女仔,你一定會
揼低我唔理我!」
「唔會、一定唔會!」政
「你會,你一定會,我只係你爸爸,將來你遇到人生中最重要嘅女人,你一
定會離開我..........嗚!」
唔知點解依一刻我會完全失控,將心入面嘅說話一次過爆晒出嚟!
「噗!」阿政攬實我,攬得好實
「唔會!唔會有人重要得過你,一定唔會!」政
「阿政.........你做乜嘢呀?練習、練習咋!」
「放手啦,你攬得我好緊呀,好多人望住啦,佢哋以為我哋鬧架...........噹噹
望過嚟啦,放手放手!」我
「呀!」政
「你哋做乜嘢,響度大吵大鬧?」噹噹
「嗯!阿嘉你做乜打晒冷震?」噹噹
「你隻手好凍呀,但額頭出晒汗!」詩
「九成冷親啦,佢企咗響花園成半粒鐘啦!」茵
「有小小唔舒服,我想返屋企!」我
「吓!依度咪係你屋企囉!」茵
「我返九龍塘,你哋玩多陣啦,阿政你陪一陪佢哋.........」
「我同你一齊走!」政
「吓!連政政都走埋?」茵
「唔洗啦,我有司機,你哋玩多陣啦!」我
「政仔,你同阿嘉一齊走啦,我哋自己可以架啦!」噹噹
「唔,咁聽日見啦!」政
「睇住佢呀!」噹噹
想一個人靜一靜你先叫阿政陪我,但我依家連望阿政一眼都唔敢,全身震晒,
好亂好亂好亂..................
「你冇事吖嘛?」政
「.....................」擰頭
回程途中,我哋響架車度一粒聲都冇出,我就連望佢一眼都唔敢,可能阿政
都feel到,佢都冇同我講嘢,氣氛好怪...............
「好啦夜啦,返上去早d瞓啦!」我
「你都係呀,你面色唔係咁好!」政
「冇嘢,今晚唔洗打電話比我啦,我想早d瞓!」我
「拜拜!」
「噗!」
好倦!今日真係好倦,由其係頭先,全身發滾之後全身無力,依種感覺...........
浪漫d講叫做戀愛,直接d講叫發姣!
我好似.............鍾意咗個衰仔!
我屌你老母!鍾乜撚嘢意呀冚家鏟,仔嚟架!
老豆鍾意個仔,唔好話講出去,諗吓都覺得變鳩態!
絕對唔可以比人知,家醜不出外傳、高度機密、X檔案.............
絕對唔可以比阿政知,唔可以唔可以唔可以.................