(爸爸no.1)我老豆係口靚妹: 爸爸no.30
爸爸no.30
「跟據5C班線人嚟料,miss 苟會響5分鐘內離開班房!」天文台長
「各位同學,自由活動時間結束,清場!」副班長
「魚蝦蟹、啤牌同我消失!」正班長
「你哋miss 返嚟,我哋都要走啦!」政
「好,今晚見!」我(細聲)
「拜拜!」
呼~~~pancake 危機總算結束,仲有一個鐘就放學........唔係,係放假呀!
24、25、26、27.............日日都可以同阿政去玩!
「yeah!」彈吓彈吓
「蔣泳嘉你彈夠未!」miss
「今日係聯歡會,彈吓都唔得?」我
「放學落嚟彈比我睇!」miss
「miss 我唔啱我唔啱!」死狗
**********************************************************************
3:50pm
「阿政!」我
「咦!噹噹呢?」政
「仲有8個pancake,噹噹要響miss面食晒先比走!」茵
「咁慘,我哋等唔等佢?」政
「仲等?快d離開依度先啦!」我
「有人爭d要響miss 苟面前彈1000吓先比放學!」茵
「變態女人!」我
「你哋miss 都幾惡嗰啵!」政
「吓!你連林重恩頭號惡人,外號九龍塘城管嘅miss苟你都唔識?」茵
「仲要連續兩年係我哋班主任,廿幾歲人成個老孤婆咁,唔知係咪停咗M呢?
D脾氣難頂到吖,死港女!」我
「連你個阿嘉都驚咗佢!」茵
「好男不與女鬥啫!」我
「係咩?我見到你同噹噹響miss 面前成隻貓仔咁!」詩
「又係貓...........」我
「我都想睇吓你個貓仔樣!」政
「係咩?我今晚成晚扮貓比你睇吓!喵.........」老虎
「抓抓抓..........咬咬咬.........」
「話佢哋唔係情侶都冇人信!」茵
「...................」詩
「阿詩走啦!」茵
「你哋去邊呀?」我
「阿詩嚟我屋企!」茵
「做乜嘢?」我
「秘密!」茵
「咁你哋今晚又去邊呀?」茵
「都係秘密!」我
「拜拜!」
「呼!走咗啦,阿政爭取時間休息,我今晚7:00嚟接你!」我
「哦!你都係呀,你都返去抖一抖啦!」
「咁我哋各自返屋企啦!」我
「啦~~啦~~啦~~」跳吓跳吓
唔錯唔錯,件晚裝加上我嘅身材氣質真係成個公主一樣,再加上阿政依個傻仔
王子,今晚百滔christmas ball 係我哋架啦!
吓!6點幾啦?我返到嚟抖都未抖過又要出動啦,真係有d捲,不過算啦,有阿政響我
身邊就冇問題啦!
「小姐,時間到啦!」司機
「唔!先去接張子政少爺!」我
*************************************************************************
「真係7點鐘就企響度,幾準時吓!」我
「點敢遲到呀!」政
「嗱!比你睇吓,就係依件啦,靚唔靚呀?」轉咗一圈
「靚........靚.......」
「傻仔,睇到眼定定!」扭吓擰吓
「喂!夠啦,d 人望住呀!」政
「慘得過我有本錢show 呀,你睇有兩個阿叔望住!」
「夠啦!比人睇蝕晒啦!」幫我摟返件披肩
「哦!原來怕我蝕底!」
「你宜家係女仔,唔好咁隨便,益晒d麻甩佬!」政
「得得,淨係益你、淨係比你睇!」
「我唔係咁嘅意思.........」政
「得啦!講笑咋,再企響度真係乜都比人睇晒啦,上車啦!」
「點呀!有d緊張呀?」我
「冇.............」
冇?睇你口震震都知你緊張啦,都有五六年未去過啦,以前都係一個細路仔跟住
我依個爸爸,但今日我哋身份有變,我依家係佢條女(假嘅),人生真係好奇妙!
「到啦!」我
「蔣小姐............」
「好多人呀,比以前我嚟過嘅場合仲要多人,而且好大!」政
「係呀!依10年百滔壯大咗好多,員工、生意上朋友都多好多,同你10歲嗰陣唔同
啦,加上依間別墅比九龍塘嗰間大兩倍!」
「咁大間別墅你哋都係愛嚟渡假?」政
「原本諗住取代九龍塘嗰間,不過我九龍塘返學,唔通吓吓西貢出嚟咩?所以我哋
仍然住響九龍塘,不過大老闆兩公婆好多時都會入西貢過二人世界!」
「所以你就咁自由!」政
「咁咪好囉,佢哋有佢哋二人世界,我哋有我哋二人世界!」我
「??」政
「又有人過嚟啦,集中精神!」我
「嘩啦..........嘩啦..........」
「好辛苦呀,打招呼都成幾十個!」政
「唔洗緊張喎,吹吓水啫,你都對答得幾好吖!」我
「係唔係全部員工都嚟?」政
「傻架?百滔香港都有千幾人,清潔保安都嚟咩?梗係有d職位先會過嚟啦!」
「唔怪得個個好似大人物咁啦,我好似好渺小...........」政
「有幾大呀?大得過我?我係未來老細呀,依家未來老細攬到你實一實,你知唔知
幾多人想嚟巴結你呀,你先係大人物呀!」
「所以你就響佢哋面前話我係你男朋友?」政
「唔通話我響條街拖你入嚟咩?你響我身邊我哋一定要有個關係架啦!」
「而且我已經唔係爸爸,所以我要以另一個身份照顧你,女朋友應該係最正
常嘅!」我
「但我好似靠女人咁!」政
「靠乜嘢女人呀,我係你老豆呀,爸爸照顧個仔天公地道,你咁諗就得架啦!」
「阿政!」
「忠哥!」政
「阿政竟然響度見到你!」忠
「蔣小姐!真係有眼不識泰山,原來上次響靈堂嘅小妹妹竟然係大小姐!」忠
「嗯!可能係緣份啦,嗰次意外之後我識咗阿政,依家我哋拍緊拖!」我攬實阿政
「嗯......算係啦!」掙扎
「有蔣小姐同蔣生照顧,阿政應該唔會有問題!」忠
「係呢,我爸爸呢?」我
「蔣生響入面!」忠
「我同阿政入去同爸爸打聲招呼,失陪!」
「蔣uncle 響入面?」有小小緊張
「點呀?去見最後boss 好緊張呀,level 直夠唔夠呀?」我
「唔好講到好似打機咁啦!」政
「我覺得你依家好似去打怪獸咁嘅樣,放鬆d啦,大老闆冇嘢架,佢同其他富豪唔同,佢完全冇架子,基本上係一個慈祥嘅老人家!」我
真架!由其係阿政,只要我同佢講阿政d嘢,佢都會笑得好開心,其實蔣震滔好鍾意小朋友,可惜蔣太個肚唔爭氣,雖然最後都生咗蔣泳嘉,但我覺得佢想追返個仔!
公司上上下下員工當然有好多小朋友,次次拜年聚會個個靚仔都唱歌跳舞,刷鞋刷到上心口,相反阿政就一碌木咁,我都試過叫佢擦吓大老闆鞋,不過佢d性格........
不過後來我先知道,大老闆反而鍾意阿政夠純真、夠乖喎!
咁又係,做得老細d靚當然要夠醒、轉數快啦!但如果幾歲嘅小朋友成個刷鞋仔咁樣又真係幾難頂嘅!
再話個秘密比你哋聽,大老闆問過我可唔可以收阿政做契仔,條撚樣真係狠仔狠到發燒!
「爸爸!」我
「蔣uncle!」政
「子政!六年冇見啦,真係大個仔,好似........你同你爸爸後生嗰陣真係一模一樣」蔣震滔
係咩?我記得我第一次見蔣震滔嗰時係20歲,響佢公司做freelance, 嗰時嘅百滔都
只係中型公司,大老闆嗰陣時都要落手落腳,佢真係當我徒弟或半邊仔咁教我,到我畢業加入百滔,我哋一齊搞起百滔...............
當年嘅中年阿叔已經變咗一個老人家,以前嘅靚仔依家變成靚妹,仲做埋佢個女!
人生----------------真係痴撚線!
「估唔到你哋童年嘅約定竟然成真!」
「阿政!你終於成為阿嘉嘅男朋友啦!」蔣震滔