(爸爸no.1)我老豆係口靚妹: 阿政no.15

阿政no.15               最佳情侶(1)


「嘩啦..........嘩啦.........」
「............................」
「喂!好多人望住我哋呀!」細細聲

「唔洗理人,放鬆d啦,行到成個機械人咁!」嘉
「你攬到我實一實,好似玩緊一人三足咁,我點自然呀!」





「你識乜嘢吖,依d叫親密、叫sweet,你d青頭仔乜都唔識,嗱!陣間我做乜你
跟住我做就得架啦!」
唉..........我哋今日正式以情侶模式出場,現正步入學校大門,于不過我有種
感覺,好似步入刑場斬頭咁!

「喂!佢哋d目光好恐怖,好似想殺人咁,我會唔會比人打架?」細細聲
「邊個打你你同我講,我同你報仇,依家同我集中精神,交戲、交戲呀!」都係細細聲

「好啦到啦,我返班房先,陣間我嚟班房接你吖!」笑得好甜
「咯.....咯......咯.....」骨頭聲





「喲!你頭髮有d亂,我同你整整佢吓!」溫柔體貼
「嘭......嘭.....嘭.......」有人破壞公物

「好啦bye bye!」活潑可愛
「......................................」

都係走為上着!







************************************************************************



班房!唔知點解,死亡嘅氣息一直都冇消失,我依家好似身在伊拉克戰場,身體一刻
都唔能夠放鬆............

「喂!」
「哇!」嚇到我吖
「唔洗咁緊張,我哋呀!」澤

「你哋呀!」佢哋四個
「恭喜你拍拖喎!不過我驚你有女都冇命享啫!」澤
「乜嘢料呀?過d嚟聽吓!」我





「你已經榮登我哋林重恩中學嘅頭號追殺目標!」汁
「吹.......吹水咋吓!」

「以防萬一,不如買份保險啦,我舅父做保險嘅,諗諗佢!」阿澤真係隊張form嚟
「比你!」阿原

「乜嚟.......器官捐贈卡?」
玩嘢呀?最多咪比人打一身,不過全校上上下下有幾百人,一人一拳都..........
「.................」打晒冷震

「唔洗咁驚,講吓笑啫!」澤
「不過你依一個月都盡量唔好一個人去厠所,冇乜嘢事都唔好行出去走廊!」澤
「d樓梯口,欄杆都唔好行咁近,小心比人掟咗落街!」汁





「操場都唔好行出去呀,高空擲物!」傑仔
「祝你好運!」原

唔!真係幾恐怖,不過佢哋都係一啖氣嘅啫,過一排就冇事架啦,只要依十日八日
小心一d..............
不過真正嘅敵人係------------盧碩俊!