(爸爸no.1)我老豆係口靚妹: 爸爸no.22

爸爸no.22

9:10pm.        屋企附近

「...................」
「做乜一路都唔出聲?」政
「比人打呀!」

「你講食飯嗰陣?」
「咚!」




「哇!做乜打我?」

「你見到我比打都唔幫拖?」
「我以為你哋玩吓咋!」
「比人爆樽呀玩,我依家就同你玩,咚咚咚!」狂嘔

「喂!痛架.............」
「係囉!我咁柔軟嘅玉手你都話痛,咁我呢?掛住溝女唔理老豆!」
「邊度溝女呀?朋友咋,邊度痛呀?睇吓啦!」





「依度依度!」指住
「真係腫咗小小!」篤篤
「痛痛!」撒嬌

「好d未呀?」捽吓捽吓
「舒服舒服!」
「...................」捽捽捽捽

「喂!覺唔覺得我哋企響條街捽頭好似怪怪哋!」政
「咁........嗰度啦!」指住公園





「呀........好舒服呀!好似做緊指壓咁.......」
「我覺得你好似隻貓,享受比人摸頭咁!」

「唔好開口埋口都係嗰d衰貓好唔好,我又唔係嗰個貓狂,喂!鍊吓個
膊頭吖唔該!」
「哇........好.....軟........好舒服.........唔......呀.....」


「喂!細聲d啦,好似做緊d乜嘢咁!」兩頭望
「喂,阿政!」
「吓!你做乜放對腳上嚟呀?」
我對腳擺咗響阿政大脾度!

「幫我鍊鍊佢吖,我隻腳好倦好疼唷!」




「其實你係咪全身肌肉酸疼呀!」鍊緊
「嗯!」點頭

「都叫你唔好駁晒命咁踩囉!」
「初頭冇嘢架,踩完先全身骨痛...........」
「你估你仲係以前咩?你依家係個女仔啦,記住小心身體呀!」

「哦........呀....依.......嗄..........」佢鍊緊我大脾
「嗚~~~好軟~~~好麻~~~好激.........喂,鍊上d,鍊上d..........嚘.........」
「.....................」

「可唔可以唔好叫春咁聲呀?」
「阿政你手勢好嘛,真係拍得住d骨妹,嚟!再上d..........」
「冇得再上啦!」鬆手
「.....................」





「噗!」成個人伏咗落阿政大脾度
「喂!你做乜呀?你個姿勢會比人誤會架!」
「背脊,唔該!」原全冇理

「...............怕咗你!」
「呀~~~唔~~~唷~~~吖吖~~~」
「好d未呀?」

「好舒服呀!阿政,以後不如每個禮拜都嚟兩三次囉!」
「揾骨妹啦!」
「咕............」

「喂!今日你好似同阿詩熟咗好多喎!」
「算係啦,叫做有d話題啦,其實阿詩份人都幾易相處..........」




「咁即係對人有意思啦,我幫你追佢返嚟!」

「哇!你唔好亂嚟呀,我哋冇嘢架!」
「呀~~~呀~~~~」大力金剛指
「冷靜、阿政.........冷靜.........」

「我哋只係朋友咋,我只你當佢朋友咋!」
「唔好講埋d客套說話啦,有邊隻貓唔食魚,有邊個男人唔食鮑魚...........」
「...................」鄙視目光

「唔好扮正經啦,我覺得阿詩對你有好感喎!好如果佢say yes,你去唔去馬?」
「唔去!」決斷
「你唔係咁毒嘛?有女仔送上門都唔要!」

「一句講晒,阿詩--------你鍾意定唔鍾意!」




「...........依一刻----------唔鍾意!」
「吓!唔係嘛?阿詩響依間學校算係勁索囉啵,你.........唔你gay架嘛?」我成個彈起身

「噗!」佢襟返我落去
「緊係唔係,不過.........我其實有自己鍾意嘅人!」
「吓!你拍緊拖?」我又彈起
「噗!」佢又襟返我落去啦

「唔係呀!只係鍾意咋,乜都冇做,乜嘢都冇.........」大力金剛指十成功力
「嗚.......呀........冷靜........停手呀!」
我終於明白乜嘢叫肉在砧板上..............

嗚........嗄.........終於停咗啦,不過又幾激,仲激過玩冰火.........喂喂!冰乜嘢火呀?
入返正題先!
「你唔係玩單戀、暗戀嘛?」

「.................」面都紅晒
「邊個嚟架?」
「.................」死都唔講
「我哋學校?」

「...................」唔敢望我,即係啦
「你唔講都冇所謂,我會摷佢出嚟!」
「哇!你唔好呀,已經過咗去啦,完結咗架啦,唔會......唔會再有可能架啦!」大力金剛
指1.8倍力量

「嘩~~~~停~~停手呀~~嗚~~~唔~~唔摷啦,唔摷啦~~嗚~~~放開我..........」
「真係唔摷?」
「嗄......嗄......係呀!不過.......條女拍咗拖?」

「...............」又唔望我
「放唔低,所以唔想識第二個?」
「...............」死都唔擰返過嚟

「依個世界大把女啦,冇咗咪追過第二個囉..........」
「咦?」佢拉起我自己走咗去
「阿政!」唔啋我

做乜呀?粒聲都唔出,嗰個乜嘢女仔嚟架?搞到阿政down晒,話時話連阿詩都比唔
上佢,嗰個女仔............
阿政你唔係鍾意d重口味嘢嘛?你唔好話比我聽你鍾意咗6A班其中一隻怪獸呀!

「.........................」
唔知點解成個人鬆晒,原來阿政對阿詩冇feel,至於另一隻怪獸,應該係阿政一時
鬼掩眼啫,過一排應該都唔記得佢啦!

其實阿政仲細,拍拖嘅嘢遲多幾年先啦,而且仲有四個月就要考DSE,學業為重........
「......................」

望住個衰仔,真係大過仔啦!雖然總有一日會離開我,結婚生仔,不過依家仍然響我
身邊,仍然係我嘅阿政!
「嘻!」
「你笑乜嘢?」政

「吓!我有笑咩?冇呀,好啦,到門口啦,拜拜!」
好啦!總算了咗件心事,不過最大嘅問題反而係阿詩,我嘅女性直覺話比我聽,阿詩
真係對阿政有d嘢,如果有一日阿詩叫我幫手追阿政,咁我應該點...........