(爸爸no.1)我老豆係口靚妹: 爸爸no.19

爸爸no.19

「呼~~~~呼~~~~」風聲
我依家身處大埔公園回歸塔旁,亨吓歌、吹吹風、欣賞吓四周風景,望吓周圍
嘅遊人,藍天白雲..............真係幾寫意,不過又有d悶,因為得番我一個!

唔好以為過咗好耐,同阿政分手只不過20min,係吖,由沙田踩到嚟大埔都係20min,
真係黃金寶都驚咗我,本來冇諗住踩咁快嘅,不過發生咗d事..............







「快d快d,我慢慢踩等你!」
「衰婆唔好咁串吓,比我追到你我一定揼你落城門河!」噹噹
「留返啖氣踩快d啦,得把聲!」

「咦!點解咁多人望住我嘅?」
「你睇吓你著d乜嚟踩單車啦!」噹噹
我咪著咗一條短裙囉!另加一條幾sexy嘅底底,諗住比阿昅吓............

「走光啦衰妹,邊有人着短裙踩單車架?全世界都知你著乜嘢under啦,下次




著返條褲啦!」噹噹
嗚~~~~~我本來諗住益阿政,點知益晒冚世界,阿政好似仲未昅過.............

「紅色的under是帶着神秘............」阿茵響度唱緊歌
以前係男人嗰陣,覺得d女比人望兩吓又唔會小忽肉,但係依家主角係我............

「吼!除咗阿政,所有人都唔準昅我條底!」
「喂喂!唔好踩咁快呀..............」聲音越來越細

就係咁,依家得返我一個人啦!係呢,佢哋踩到去邊呢?




「嘟嘟..........阿政,你哋踩到邊度?「阿嘉,我哋仲響城門河..........」
「城門河,河頭定河尾?」

「吓!中間啩?前面見到個畫舫............」
「阿政,你嗰架係咪三輪車嚟架?」火火地
「因為發生咗小小意外..............」
「嘟!」收線唔聽

我洗唔洗紥定個營等佢呢?
「噹噹!你哋踩到去邊呀?」
「我哋過咗科學園,10min到大埔,你呢?」

「大埔回歸塔瞓緊!」
「哇!你洗唔撚洗踩咁快呀?唔好走,我20min過嚟!」噹噹
「唔!」





好無聊,早知唔鬥快同阿政一齊踩啦,其實我係咪要改吓自己d性格呢?
吓吓都要第一,真係無敵好撚寂寞!
好想揾返阿政,好想見阿政.............做乜呀?做咗女人個幾月之嘛,好似變晒咁,
自己一個人就覺得好悶好悶,阿政唔響身邊個心就好唔舒服,究竟乜嘢事呀?

「好,去揾阿政!」
「喂!我哋嚟啦,嗄嗄!」
「哦!到嗱?你哋抖抖啦,我走啦!」

「吓!去邊呀?」噹噹
「揾阿政,拜拜!」
「咚!」
「哇!」





「死嘢!踩到我哋死死吓,依家話走就走!」
「關你叉雞事!」真係走

「阿茵,同我捉住佢!」
「收到!」

哇!嗰兩隻死嘢聯手拑鳩我,我..........一時大意,竟然比佢哋鎖咗我落欄杆,係用單車鎖鎖住我條頸呀,我好似狗狗咁踎咗響欄杆..............

「喂!玩嘢呀?我報警架,放開我呀!」
「你部電話好似響我度!」噹噹
「咦!條單車鎖鎖匙呢?」茵

「吓!揾真d啦,死得人架!」我
「叮叮叮,哈哈哈!」阿茵響度叮緊鎖匙





嗚~~~~比人玩呀!如果我仲係184猛男,你哋埋到我身?但我依家只係一個柔弱
嘅女仔,連兩條靚妹都可以制服我,我蔣泳嘉天不怕地不怕,但係對住條TB妹就冇晒符...............死TB妹、死TB妹!

「放返我啦,唔走啦!」扮可憐
「好啦,放咗你,不過你聽住,如果你再走...........」
「我一定扔你落海,一定!」極強殺氣

「唔!」縮埋
竟然連我蔣泳嘉大小姐都有小小驚............

「發仔瘟還發仔瘟,都要顧吓我哋架,抖一陣我哋一齊去揾阿政啦!」噹噹
「哦!」聽教聽話

「呼~~~呼~~~~啲.........啲.........」唔知扔乜嘢
「喂!抖咗成半個鐘啦,走啦,唔!」




「你杯雪糕都未食晒!」

「勝利者雪糕最後一啖,唔!」
「串到佢個死樣!」噹噹,茵
「好,出發!」