又高又肥

Hello,我係蕭梓風。識我嘅都叫我阿風，同我friend d就叫我蕭公子。本人係個普通人，冇女，冇病，冇野叻。宅男一個。初中生一個。以前係小學又高又瘦，所以有個「女友」（個friend 話呢d叫噯味）。但係轉左學校就冇聯絡，講到呢到唱左句passenger 嘅let her go 嘅其中一句'only know you love her and you let her go'但係我係小學都識左一班豬朋狗友，算係比我一個安慰。入左另一間中學之後，我開始變得愈來越肥，可能無左愛情嘅魔力（更正：小學嘅時候，我每日都會踏單車載我個「女友」）。但係我係比小學嘅時候識多左好多朋友，至於點解我覺得因為大家講嘅話題多左，有時我地會問人著咩底底。比着以前我一定會講：「好核突呀你！」等等嘅小學雞對話。不過話時話我真係覺得上數學堂真係好辛苦。所以我通常都係數學堂發白日夢，回想下小學嘅生活。但係每次當我發呆嘅時候，都係有啲低能仔扮傻仔吸引人地叫醒左。但今日個個都好專心。突然，有隻手拍落後腦度。「拍！」坐我隔離嘅兵長笑我係度發呆。邊個係兵長？兵長原名叫Alan，平時最鐘意當我地c班眾港女嘅兵，但因為佢份人好鐘意刷老師鞋，所以冇咩朋友。三分鐘之後，全班最鐘意聽到嘅鐘聲響左,收工！