[新手][校園] 當你中六果年先遇到教畜，最好嘅解決辦法就係‧‧‧‧‧‧: 25. 聖誕賤人報復大行動 (四)

菲gay cher見到連班女仔都出埋聲插佢哋，唯有死死氣捧番住個面具向著樓梯行過去，準備面具Catwalk show。
「大懲罰第二round，有請五位捧住個面具巡遊學校一周。」威廉用一個驚死全校聽唔到嘅聲音向所有人宣佈。
「WoW！」全校響起熱烈嘅歡呼聲。講真，經過喱個世界級殘酷大懲罰，我肯定全校今年淨底嘅時間都會認得佢哋。係佢哋巡遊嘅同時，我攞住部相機全程跟拍，務求可以捕捉到最美一剎，成個真人show攝影師咁。
 

「啪！」一返到課室，菲gay cher即刻一手擲咗個面具落地，嬲爆爆咁走去我哋面前。「屌你班仆街仔，你玩乜撚嘢呀，針9我呀？頭先果3round 全部都係啲簡單嘢，最後1 round就整單大嘅。」
「你冇撚病呀！話咗係抽嘅，卡又係你自己隻手攞，你依家賴邊個呀！」力仔對住喱班無情取鬧嘅八婆都忍唔住發火。一手將成疊卡反轉，撻係枱面。「嗱，你自己睇喇，有邊個係hea嘅，你自己時運高關人撚事。」
「正一仆街仔嚟！」若菲指住力仔嚟鬧！
「你指乜9呀死港女！」「收嗲喇，輸打贏要，頭先文仔唱校歌唔知邊個笑得最大聲呢吓？自己俾人笑就發火，公主病！」係力仔鬧緊嘅同時，班女仔都睇唔過眼加把咀屌佢哋三個。
「咁你又影相。」佢哋三個開始覺得理虧所以有啲開始亂鬧。




「Party唔影相，唔通上香呀？！」威廉半嘲諷咁應Cherry。
「哈哈哈……」全班無段段比威廉個回應吹漲咗。
 

結果菲gay cher死死氣咁行開，自己坐埋一角西面。而我哋成班人就圍埋一齊睇啱啱段片。
「嘩，喱吓真係笑死我，你點諗喱個動作出嚟。」睇到佢哋一路唱歌一路膠跳果度，大家都笑到碌地。
「喱段真係好抵死。」小夫嘅笑點比教低，同埋一笑就停唔到。
「喂，放上聯盟喇，威廉你惡搞吓放上去。」比行一路笑一路講，其實佢喱個idea真係幾狗。同一時候，菲gay cher佢哋睥到我哋實一實。
「喂喂喂，改喱個位。」「唔係，改喱度。」「你夠膽就放去公海。」我哋你一言我一語咁討論點惡搞。
「喂，唔係咁啦，尊重吓人，Del咗佢啦！」喱個時刻出嚟做和事佬嘅，相信係人都知邊個。當然就係大口仔啦，又係時候比佢扮有風度，扮正義使者。




「你都痴線！」威廉一副睬你都廢西事嘅樣應大口仔。