[新手][校園] 當你中六果年先遇到教畜，最好嘅解決辦法就係‧‧‧‧‧‧: 15. 雙線出擊

好在阿毛成功勸服到小夫參加個OSC慈善足球賽，我哋成班10個男仔終於可以齊齊整整咁去踢最後一年嘅聖誕慈善賽(當然大口仔唔計在內喇)。不過，依上年嘅經驗睇嚟，要secure到我哋有得參加，就要將個自己個籌款額有幾高推幾高。所以，基本上我哋任何一個老師同學校工親戚都唔會放過。最終，十條友total籌咗成2千幾蚊，冇得佢唔比我哋踢。
 
Secure咗個參賽名額之後，當然就要備戰喇。不過，由於我哋係中六學生，冇可能全情投入咁去踢波，點都要溫書。所以，我哋就定咗個plan，一放學就去溫書，溫到八點零就去踢波。喱個時間表可以話拍得住啲業餘甲組腳。
 
不過，溫溫下我哋發覺唔多對路。
 
阿風︰「屌！好撚攰呀，都完全唔想溫書。」
威廉︰「你有邊刻係想溫書呀，你每一刻都掛住你個映莤。」
阿風︰「食屎喇你！」
比利︰「不如去搵人幫下手，I mean 補習。攞下tips又可以溫下書。不過問題係補咩科補邊個。」




我︰「我相信主科大家都要。」 比利︰「咁補邊個？」
威廉︰「英文實係185cm BU 1st hon functional gramma喇。」
我︰「高登仔，英文梗係傻的嗎Kris神喇！中文我見遵理有個新人，試唔試吓，還掂舊果批都冇個掂。」
比利︰「你係咪話同我有啲似樣果個？我啲friend補過Okay架。仲有兩科。」
我︰「我唔記得佢咩樣，淨係巴士屎忽度見過一次。通識Costa喇。數學我都唔知。」
力仔︰「通識遵理有個Keith Leung喎，全部係晒佢度補咪方便囉。」
比利︰「數學去銅記啲細補習社補喇，仲幫到手。」
我︰「中英數我都agger，但係個Keith Leung我見到佢都唔多開胃。」
 
決定咗之後，我哋就去咗個銅鑼灣補習社一夜遊，基本上走勻晒所有補習社。一晚過後，銀包大喇喇成二千蚊冇咗。真心，如果呢一年洗成萬蚊補習，都考唔到成績返嚟，就真係對唔住老豆老母。所以我發誓，OSC要踢好，DSE要考得超級好。