《BurgerKing與綿綿冰》: 無恥不等於無敵
問了醫院的護士,他們說我父母已經付了醫療費,而且明天就可以出院。
總算她有點良知。
我撐著拐杖，一拐一拐地和樂宜走回家。
接下來最迫切要處理的應該就是幾天後聯歡會的表演了。
雖然行動有點不便，但表演應該沒什麼大問題。
「唉......斷左隻腳真係好麻煩。」我嘆氣。
「都係麻煩幾個月姐，幾個月之後又行得走得跳得。」她拍拍我的頭。
「但係有啲野幾個月都唔做得。」
她愣了愣，隨即臉紅耳赤：「死鹹濕佬！」
換我呆了一會，嘲笑道：「白痴，我係話唔可以搣你塊面炸，心邪。」
她的臉變得更紅，正要開口反擊，一把男聲從後吸引了我們的注意力。
「喂！咁啱嘅？」
扭頭一看，一個與我們年紀相約的男生正向我們打招呼。
他媽的，又是你。
「阿俊......?」樂宜說。
原來這混蛋叫阿俊。
邊撚度俊呀?
「hi~咁啱嘅。」他說：「哇！你塊面咁紅嘅，係咪發燒呀？」
說完他伸手想摸樂宜的額頭。
不是吧......這麼娼狂？
樂宜馬上一縮，他繼續伸手。
他媽的，人無恥真是無敵的。
「樂宜，你又話趕住開鋪嘅？走囉。」我說，並稍稍用身體擋住他。
「開鋪？」她愣了愣：「哦！係呀係呀，行啦！」
其實現在才四點，本來是想回家二人世界一會才到鋪頭的，趕著開鋪只是丟掉他的借口。
「啱曬，我想試你啲手勢好耐。」他還不肯放棄。
「唔好喇。」樂宜說完就急急拉著我走了。
「哇......點解會有啲咁嘅人。」我心有餘悸地說。
「我都唔知......佢一開始都唔係咁。」
「一早講咗佢唔係好人黎嫁啦。」
「係喇係喇,以後聽曬你話。」
在家休息了幾小時後,我們就到店裡了。
見店裡難得有點清閒,我問了個一直想問的問題。
「其實呢......樂宜啲甜品真係好食到要你地日日黎食咩?」
雖說的確很好吃,但每天吃也總會厭的吧?
大叔們停下了手頭的動作。
「我地係咪好似普通大叔？」大叔A說。
「點止大叔，直頭係麻甩佬啦。」既然他這樣問，我也不客氣了。
「呵，又真係幾得喎阿黃。」他轉頭，向另一個大叔說。
我不解，等他們為我解釋。
「一早話得嫁啦，你又唔信。」阿黃不屑地說。
「等等等......可唔可以解釋下呢？」我說。
「咁你都聽唔明？阿輝又話你天才黎嘅？原來都係咁蠢。」大叔B說。
阿輝是誰啊......
「大佬你地咁樣講，愛因斯坦都唔明啦！」另一桌的一個大嬸看不過眼：「同埋人地天才都唔係喱方面。」
「屌，成班都無腦嘅。」大叔B沒好氣，繼續吃甜品。
「咁姐係要我講啦？」阿黃說。
我轉為看著他。
「其實呢，點講呢？好似點講都唔係咁好喎......」
「屌！」眾人紛紛白了他一眼。
「姐係咁。」最後還是大叔B講：「樂宜老豆係一個世界級嘅鋼琴家。」
我等他繼續說。
「講完。」
「屌！」眾人再說。
「屌咩啫，咁都唔明？我講到好白嫁喇喎。」
「唉都係我講啦。」大叔A嘆了口氣。
「其實在座咁多位都唔係普通師奶或者麻甩佬。」他說，手指向阿黃：「喱位係時裝設計師，知唔知邊間Armani?入面嘅衫有一半都係佢設計。」
我當然不知道Armani是什麼鬼，不過聽名字就知道很利害了。
他接著指向剛那大嬸：「喱位係教唱歌嘅，知唔知邊個麥當娜？」
你不是想說是她教出來吧......
「麥當娜係佢同學，聽講佢地成日爭第一。」
還好沒那麼誇張。
他指向大叔B：「喱條友係科學家，IQ好似高過愛迪生，拎左洛貝爾獎，不過你都唔留意喱啲嫁啦，唔識佢都正常。其實都係巴士阿叔一個。」
「你老母就係巴士阿叔！低智慧生物。」大叔B反駁。
「其實仲有好多，不過今日無黎。」
的確，今天來的人比平常少，否則我也不能這麼閒坐著聊天了。
「咁你又係咩職業呢？」我問。
「我只係一個廚師姐。」他說。
我知道他只是謙虛，其他人都這麼有來頭，他的地位應該也不小。
「屌，講咁耐都未講重點，成班猩猩。」科學家大叔說。
「係喇依家講。」廚師大叔回應。
「如果要好簡單咁講，阿輝係我地好窮，或者Hea緊嘅時候出現，將我地介紹比佢啲朋友，提拔我地，如果唔係有阿輝，我地都唔知係邊。」
「等等等......邊個阿輝啊。」雖說我大概明白這阿輝是他們恩人，但我完全聽不懂這阿輝跟他們來這裡吃甜品有什麼關係。
「阿輝咪樂宜老豆，姐係開喱間鋪條友囉。」
「吓？」
太混亂了。
首先樂宜爸是個頂尖鋼琴家，認識很多有名氣的人，再認識了這群有才能卻沒錢的人，將他們互相介紹，最後開了這家店。
但他們還是沒答我問題。
「咁你地做咩要成日黎食啫。」
一?間大家又靜下來了，看來終於說到重點了。
「十年前，阿輝發現一個朋友個仔係音樂天才。」廚師大叔看著我：「你應該仲記得？」
我點頭。
「當時佢已經幫咗好多人，事業亦相當有成就，開咗間甜品鋪，正打算好好同老婆同個女嘆埋下半世，咁啱又遇到你喱個奇怪細路。」
「佢原本都打算當睇唔到算嫁喇，但見你阿爸阿媽又完全察覺唔到，咪提下佢地，提完之後又發現你阿爸阿媽無錢，唔好話比你學，連琴都買唔起，咁又送咗部琴比你。就咁樣一步一步愈做愈多，本身應該放係樂宜身上嘅時間同精神大部分都去咗你度。」
「點知再過多一排，佢就有Cancer。」他低下頭：「真係好突然。」
我想到了嘉欣。
「佢到死前一日，都無好好同個女相處過。」大嬸說。
「佢最後一句同我地講嘅嘢，就係話如果佢真係死咗，就代佢照顧樂宜。」
「開頭我地都唔知可以點照顧，供書教學喱啲嘢佢阿媽都會做。過咗一排先發現樂宜想盡辦法都要開番喱間鋪，咁咪幫佢開囉。初頭啲嘢都真係幾難食，每日嘅客十隻手指數得曬。」
「其實依家都好難食......」廚師大叔說。
「你嗰條死人脷乜都話難食嫁啦。」科學家大叔說。
大嬸繼續說：「咁我地咪搵埋自己啲學生，員工等等一齊幫襯，食食下就上咗癮。」
「我無......」廚師大叔又說。
「唔怪得你次次都唔食嘢啦。」我笑了。
「不過呢......」他說：「醉翁之意呢，就不在酒。」
「大家都係想阿輝安樂啲姐。」
「不過就算我地點抽時間，每日最多都係陪到佢幾個鍾，其他時間我諗佢都應該幾悶。」大嬸說。
「依家幾好啦，內向成咁都比你溝到。好好珍惜呀知嘛？」科學家大叔說。
「叮---」門口的鈴噹響了。
「歡迎光.....臨。」
我感覺到自己的目光變得相當不友善，也怪不了我，因為進來的人是那個阿俊。
「點樣呀又......」我自言自語。
我沒迎上去招呼他，他也沒想理我的意思，直接走向廚房。
「喂！」我說：「廚房重地，閒人免進。」
他瞄了我一眼，找了個位子坐下。
「寫嘢啦，唔洗做？」他打了個響指：「啊對唔住，唔記得你跛咗添，我自己黎得喇。」
原來他對著樂宜已經相當收斂了。
「小本經營，我諗我有權唔做你生意，走啦。」
他怔了怔，接著從口袋裡拿出一張一千元紙鈔。
「唔好阻住我，喱一千就係你嘅貼士。」
我呆了幾秒，接而打從心底發出嘲笑。
「白痴仔，走啦。」
他的臉一紅一綠的，再拿出一千元。
「依家啲下等人真係貪心。」
我沒理他，他又拿出一張。
到底他在什麼價位才會停，如果價錢合理，我也不介意讓這白痴送我錢。
他拿出第六張。
「你最好咪得罪我，知唔知我老豆係邊個。」
「小朋友。」廚師大叔說：「請問令尊係邊位呢？」
「我老豆成日上電視，不過你地喱啲下等人唔識都好正常。」他神氣地說，就像有名的是他不是他父親一樣。
如果他老爸是個正常人，自到他這樣的行為應該會被活活氣死吧。
「我老豆就係王晶！」
......
全場靜了幾秒，他的臭臉變得更神氣。
「哈哈哈哈哈哈哈哈哈！」大叔大嬸爆笑。
雖然我不知發生什麼事，不過還是等他們解決吧。
「原來係嗰條戇鳩仔！」
「哎呀，好可愛呀！」
「哈哈哈哈哈哈哈哈哈......」
除了阿俊外，我也相當費解。
「哈哈哈......你真係傻得好可愛，原來你同你老豆一樣都係戇鳩嫁。」
「你知唔知你老豆要拍戲都要問過我呀？」
「早排套咩賭城風雲，啲人一見到個導演係佢就唔想拍啦，係佢跪曬地咁求我，我先叫啲朋友幫下手炸。傻仔。」
啊......發哥劉華都是他朋友?
如果是真的,我想我這生也找不到他們地位的上限。
他笑了：「你以為我會信？」
大叔也笑了：「唔信？你問下你老豆識唔識一個叫Sam Leung嘅人囉。」
他從背包中取出一疊紙幣，隨手撤向阿俊。
「走啦傻仔。」
阿俊雙眼滿佈血絲，全身有止不住的抖震，幾分鐘前的神色自若變得蕩然無存。
「唔夠呀？唉，貪心。」他又再撒了一把錢。
「啊！！！！」阿俊大叫一聲就跑走了。
我想他一生也沒被人這樣侮辱過。
一直在廚房忙的樂宜也被此巨響嚇得探出頭來，不過她看不到阿俊，以為是我們大叫，所以又回去忙了。
廚師大叔急忙撿回地上的鈔票，留有餘畏地說：「好彩佢無執......掉咗出去之後我都有啲後悔。」
「喱啲傻仔，柒一次就唔敢再煩你嫁喇，就算真係敢，就等佢柒多次。」科學家大叔說。
「我都唔知可唔可以令佢柒多次。」我苦笑，因為我錢真的不夠他多，萬一他又用錢威脅我，我也只能乖乖聽話。
如果他給錢樂宜，樂宜會跟他走嗎？
不，肯定不會。
那如果他用錢收買學校的教師，讓他們處處針對我倆，我又能怎辦？
也許要保護樂宜，真的不能躲在這家小店。
也許當運動員真是我的出路？
但到時又要和樂宜分開，長時間忙碌生活，還要兼顧有時差的異地戀，我實在沒信心。
算了，到時再算吧。
「係喎，你話王晶拍戲要問過你，緊定流嫁？」
「緊係真啦！阿叔唔講大話嘅。」
「都唔知係唔係......」