《只有一棵樹的森林》: 第九十九章
去到天台後，空無一人，確實是個說密話的好地方。
「做咩呀晴，要咁神秘既？」
「我有樣野想同你講」
「好呀」
「我暑假會去英國」
「好呀，去旅行好呀！」
「我下年會去英國留學」
我靜了下來
.
「點解？」
「對唔住呀…」
「點解呀？」
「對唔住呀…」
「我唔想聽對唔住呀！我想知點解呀！點解呀？唔通之前所講的都係假話？」
「唔係呀，我真係真係好愛你！」
「咁點解你要走？」
「我唔想再有任何傷害，媽媽走左，爸爸坐監，俾何家糾纏」
「咁我呢？」
「我就係唔想你受到傷害，我唔想再見到你為左我入醫院」
「點解你一直都唔相信我可以保護你呢？」
「唔係呀，我信！我只係唔想你再為我去受傷害！」
.
靜了一會，我忍不住再問
「究竟係幾時決定？」
「係Daddy被問話的時候」
「你真係捨得我？」
「唔捨得」
「咁點解你唔留低？我會努力架，我真係可以俾到你想要的生活你！」
「呀駿…你知我唔係注重呢啲架」
「可唔可以為左我，留低？」
「呀駿…我真係好難先決定到」
「真係無得轉彎？」
她靜下來，大家也靜下來
.
「咁你幾時走？」
「月尾我就要走喇」
「即係仲有兩星期」
「係呀」
「咁呢兩個星期，你可唔可以陪我留最後的回憶？」
「真係好咩？」
「就當送俾我最後的禮物」
.
突然跟我說考第一，卻又突然說最重要的人要離去，我除了呆掉當場，我真的想不到其他事情。
.
兩個星期，不長也不短。
曾經，我有想過逐漸遠離她，慢慢適應沒有方晴的生活。
可是，我做不到…
無論如何，她總會在我的心裏留有一個位置。
.
既然不能把她留下，那麼也不能因此而留下遺憾，一定要在她離開前，好好的留下最深刻的回憶，然後把它牢牢的收進心底。
.
兩個星期，我們每一分每一秒都在一起，像連體嬰。
我們去了兩個主題樂園，去了南生圍看日落，去了山頂看夜景等等。
我們一起做了很多事，完成了自己很多的目標。
而在最後一晚，爸媽很識趣的把家讓給我倆獨處，讓我們最後一次一起。
.
本來大家一直都不去提不去想這件事，只開心地一起去玩。
但是，來到最後一晚，在只有兩個人的氛圍下，大家也不得不面對這個事實。
.
雖然如此，我們還是一起完成了晚餐，她最後一次煲蘑菇粟米湯給我喝。
當喝完最後一口時，我發現碗中卻還有水，而且一滴…兩滴…三滴…
.
「呀駿…」
「我無事」我對她笑了一笑
.
「聽日…我就唔送你喇」佢聽到後呆了一呆
「對唔住呀」
「唔關你事呀，係我怕我會忍唔住咋」
「對唔住呀，我太自私喇」她…也終於忍不住…
.
「算喇，都已成定局，至少，你改變左我，為我的生命添加了好多好多的幸福和歡樂」我說
「好多謝你一直陪係我身邊，一直去支持我，鼓勵我，保護我」她說
「我可唔可以…」我問
「唔好等我，係我走左之後，忘記我喇」
「點解？」
「你值得一個比我更好的人去照顧你，係我走左之後，唔好再沉醉過去，呢樣野係我最唔想見到的」
「我唔確定，係呢個世界，仲會唔會有一個比你更好的人；但我可以肯定的是，你，方晴，永遠都會係我心中佔有一個位置，無論之後有幾多人出入，你永遠都會係我心入面」
「你都會，係我心目中，無論過左幾耐，司徒駿呢個名，呢個人都會留在我記憶中，永遠唔會忘記」
.
最後一夜，大家都不想這麼早睡，兩個人相擁在一起，一起回味當初的時光。
「其實點解你會鍾意我既？」方晴問
「唔知呢，感覺，氣質」
「因為我個樣咋掛」
「唔係只係因為你靚，但當然係其中一個原因」
「你覺得，我地將來會點？」
「唔知呢，我一直唸的將來，都有你的存在，突然間話俾我聽，我的未來無你，其實我都唔知點反應」
「其實我都係，突然身邊無左你去保護我，前面的路我都唔知點去行」
「好多謝你，曾經陪我走過呢條路」我由衷地說
「我都係，好慶幸，呢條路上，曾經有你的出現」
.
最後一夜，最後一次的相擁而睡。
.
當醒過來後，我發覺這一切真的要完結了。
在她走之前，我覺得有一件事一定要再一次去為她做。
於是，我匆忙落街，再一次四處找尋。
.
回家後，看到爸媽焦急的樣子，卻又不見方晴，我緊張起來。
「媽，呀晴呢？」
「你去左邊呀！我地係度搵你呀！」
「呀晴呢？」
「佢等唔到…」
「走左喇？」
「係呀，走左落街去搵你呢個衰人！」一把女聲從身後傳出
.
「司徒駿，我以為你真係狠心到再見想唔同我講！」
「唔係呀，我點會呢！」
「咁你去左邊呀？！！」
「我想你係走之前，最後一次回味呢個味道，然後深深記係心中」
.
我把我們的「信物」拿出來，她已經忍不住…
.
「仲係最初的味道，一啲都無變」她哽咽說
「你要好好記住呢個味道，以後都唔會再有人整俾你食」
「我唸，我以後都唔會再食腸粉喇，因為世界上，再唔會有腸粉比呢個好食，多謝你」
「仲有最後一舊，你食埋佢呀」
「你食喇」
「咁不如…我地一齊食？」
.
最後的一舊腸粉，最後的一次吻
「司徒駿，忘記我吧」
「方晴，你永遠都會係我心中」
.
完