《只有一棵樹的森林》: 第九十二章

朱老師敲一敲門
「入黎！」
「校長！」
「黎左喇，過黎坐呀，朱sir麻煩你喇，可以出番去先」
「係既校長」
「朱sir…」
我用眼神向朱老師求救，他卻用眼神表示他也無能為力…
.
「唔使咁驚喎，校長叫你地黎唔係要罰你地」
「下？！！」




「我之所以叫朱sir同你地講，就係想你地有所行動，校董會唔止我一個人，即使我反對，想唔會夠票」
「校長你的意思即係？」我問
「利用你地的力量，聲音，再加上傳媒的能力，去令一班校董感受到壓力，從而作出正確的選擇」
「咁校長你想我地想做？」方晴問
「繼續你地宜家做的事，盡量影響更多同學，然後集合一班同學係星期三校董會前，向校董表達群眾意見，另外，我亦都聯絡左幾間傳媒，希望趕在聽日出版，令更多市民知道呢件事，引起大眾關注」
.
就這樣，我們的行動不單不用被終止，還能更加光明正大。
有幾次看到老姑婆走過的時候，我們還特意叫得更大聲，令到她更加生氣。
.
中午的時候，數間傳媒也來到學校，校長也邀請我們到校長室一併接受訪問。




.
「校長，唔知你對呢件事有咩意見呢？」其中一位記者問
「我當然反對，雖然我好感謝何先生對學校的支持，但要犧牲一位優良的學生去換取營運資金，我寧願放棄，對我而言，每一位學生都好重要，一個都不能少，更何況學校現時資金仍足夠」
「咁校長，我又想問你認為其他校董的意見係點？」
「我唔能夠代表其他校董去發表意見，但我希望佢地可以尊重校內同學的意見，作出對學校對學生最好的決定」
.
「咁司徒同學，唔知你又點睇呢件事呢？」
「身為學生，無論係咩原因，都唔會想被踢出校，而且，我相信學校並唔會容許呢件事發生」
「咁你有咩應對方案？」
「其實我只係希望透過派單張，去令到每一位同學知道究竟發生咩事，至於結果係點，我只能夠靜靜等待」




.
完成了訪問後，我和方晴也走回班房準備上課。
「呀駿，其實你驚唔驚？」
「話唔驚就一定係呃你，不過我信校長，佢一定會阻止呢件事發生」
「嗯」
「咁你呢？」
「其實…我真係真係好驚，我好驚會失去你，我好驚有一日，我番到學坐係我身邊的，唔再係你…」
「傻瓜，無論發生咩事，都無人無事可以改變，你係我女朋友呢個事實！就算見唔到，都係陪緊」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈