《只有一棵樹的森林》: 第九十章

早上起來後還是不太放心，決定親自送方晴去。
去到Kathy家門口後，剛巧是Kathy開門。
.
「呀晴你黎左喇！咦…呀駿你…你都黎左呀…」Kathy看到我的出現好像有點意外
「唔好誤會呀，我係唔放心佢一個人黎，所以先送埋佢黎，我走架喇！」我連忙解釋
「哦，果然係一百分男友呀！」Kathy說笑
「好喇，你地玩得開心啲，我地星期一見喇！」
「嗯，你自己都要小心呀，我會掛住你架」方晴說
「我都會架！」
「咳咳！兩位，可唔可以照顧下我的感受，我就黎盲喇！」Kathy無奈道




「我走喇！」
.
別了方晴後，我就準備回家去，想到這兩天只有自己的日子，也不禁歎一口氣…
.
確實，這兩天除了陪爸媽的時間，其餘時間都是留在家裹當宅男。
.
「今日又會咁乖主動黎陪我地兩個黎買餸既？」媽媽問
「唔好咩？做下孝順仔陪下你地麻」我說
「真係？？？」媽媽質疑
「老婆，你就咪踢爆佢喇，佢一個人已經好陰公豬，難得佢肯唔做宅男，出黎陪我地，咪由佢自我感覺良好一陣」爸爸補一刀




「都啱既」
「兩位…我仲係度架…」我無奈說
.
好不容易捱過週末，終於到上學的日子。
為了見方晴，我緊張得一早醒來。
即便特訓後，還只是六點，慢步行回學校，卻還是未等到學校開門，只好在校外等待。
.
進入學校後，空無一人，我只好在小食部對出坐著等方晴。
坐下坐下，我開始伏在桌上，慢慢，眼皮愈來愈重。
慢慢，我聽到四周開始熱鬧起來，我也醒過來，伸一伸懶腰，欲找方晴。




豈料，清醒後卻看見四周的人都在望我，嚇得我馬上衝進洗手間。
.
看到鏡子，我更感奇怪。
明明我臉上沒有特別，校服也很整齊，為何這麼多人盯著我？
.
我嘗試再一次走出洗手間，今次卻有更多人看著我，更奇怪的是，不斷有我不熟悉的同學跟我說加油，會支持我，叫我不要放棄，令我更為不解。
明明最近我沒有甚麼比賽，學業也一帆風順，那為何會有這樣的鼓勵說話對我說呢？
.
走到校門，卻見到方晴、杜杜和Kathy在向其他同學派單張，還見到以前的兄弟們也在幫忙。
.
我拾起一張單張看，看到內容後我差點哭出來…
.
「呀駿，對唔住呀…我唔係有心瞞你」方晴對我說
「咁你呢兩日去Kathy屋企就係為左呢件事？」我問
「係」




「星期五番學件緊要事都係呢樣？」
「係」
「點解？」我開始有點哽咽
「因為我唔想無左你，我更加唔想因為我的緣故，而令你被踢出校！」
「你真係好傻呀…」
「對你，我係」她看著我說
「好，咁我地一齊派！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈