《只有一棵樹的森林》: 第八十八章

「呀駿，你宜家覺得點呀？」杜杜和Kathy問
「係個頭痛左啲啫，其他都無事」
「究竟點解會無端端被人打？」杜杜問
「係咪同何能夠有關？」朱sir問
「朱sir，點解你…」我望一望方晴
「唔好怪方晴，係我同校長逼佢講既，因為事態嚴重，所以佢無辦法唔講，校長亦已經聯絡左何文田警區去表示關住」朱老師說
「我明白」
「咁等陣會有警察同你落口供，我地都會係度陪你」
.
說時遲那時快，兩位警察已經來到了。




我把所知的都說出來，然後核對一下簽過名後，落口供就完成。
.
「不過想俾個心理準備你，我地之前都已經請過何能夠番去協助調查，不過佢好小心，有哂時間人物證明，睇黎做好準備，所以應該無乜機會可以入到佢罪」
「我明白，麻煩哂」
.
「搞錯呀，咁都入唔到條二世祖，宣家擺明就係佢做喇！」杜杜怒道
「算喇，佢準備好哂，邊有證據留低」我說
「但係…」
「唔好但係喇，最緊要呀晴無事」我說
「不過，呀駿你之後出入要小心啲呀」朱老師叮囑




「知道朱sir，不過我諗佢都唔敢太張揚喇！」
.
「呀駿，我都有樣野想同你講，俾定個心理準備你」朱老師有點隱晦
「係咩？」
「琴日校董會，何能夠爸爸入左黎，佢同校長開左個交易，佢話未來十年，何氐集團都會無上限資助學校，第一筆資金已經有十億」
「嘩」杜杜和Kathy聽到後都不禁嘩出來
.
「咁佢想要啲咩？」我問朱老師
「你，佢想要你，交易的條件就係一旦學校接受捐款，你就要被踢出校」
「下！有無搞錯！」方晴率先怒道




「係囉，咁仲有規矩既？更何況，呀駿點會無端端被踢出校」杜杜也不憤
「根據校長所講，何生會令到大家有辦法抽出呀駿犯的校規」朱老師補充
「咁咪即係莫須有？」Kathy也忍不住出聲
「咁校長點睇？」我淡淡的問
「校長當然即刻拒絕，但係始終唔係淨係佢去決定，所以都要等下星期校董會開會投票」朱老師說
「哈哈，哈哈哈哈」我突然地在大笑
「呀駿，你傻左呀？係咁係度笑」杜杜問
「去到宜家，何能夠仲係覺得用錢可以搶到方晴，你地唔覺得好笑咩？」我笑說
.
「朱sir，咁你覺得校董會通過的機會有幾大？」方晴擔心的問
「唔，呢樣野我都唔太清楚，但始終咁大筆錢，我諗校董會一定會有心動」
「咁點算？唔通呀駿真係要俾人踢出校？」Kathy問
「無可能！我地一定唔可以俾呢件事發生！」杜杜說
「其實宜家都係初步建議，仲未投票決定」朱老師說
「朱sir，我想問咁幾時投票決定？」方晴問




「應該係下星期三」
.
「好喇，見到你醒番就安心喇，我都要番去備課，你休息多啲呀，今個星期無教太多，你實追到既！」朱老師對我說，看來他也知道我心中所憂。
「知道朱sir，好快我就會番黎」
「咁兄弟休息下喇，我地都走先喇」杜杜接著說
「快啲走喇，去拍拖，唔好係度放閃」
「杜杜，Kathy，我有啲野想同你地講，不如我地去食啲野邊食邊傾？」方晴問
「哦，好呀」Kathy答
「呀駿，咁我地落去食啲野先」方晴對我說
「快啲去喇，食多啲食飽啲喎」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈