《只有一棵樹的森林》: 第七十五章

放學的時候，竟然看到二世祖就在門口等著。
正當我倆苦惱著該如何逃脫時…
.
「司徒駿，方晴，你兩個跟我落去教員室！」朱老師突然大聲喝令我們
「下，朱sir？」
「仲唔行，快啲喇！」
.
離開二世祖的視線後，朱老師突然回頭。
「襯佢唔發現，你兩個快啲走喇！」
「下？哦，朱sir你…」




「仲講，快啲行喇！」
「多謝朱sir！」
.
我倆急速逃離學校，多次回頭檢查，才敢鬆一口氣。
「呼，真係嚇一跳，估唔到朱sir竟然都有啲咁既鬼主意」我說
「係囉，頭先佢喝我地時，我真係唸緊我做錯啲咩」
「無論如何，我地宜家都安全喇」
「嗯！」
.
「係喎呀晴，我頭先同杜杜一齊食壽司卷，你會唔會介意呀？」




「下，唔會呀，點會呀？」
「咁始終係你特登整俾我食既…」
「咁你又唔係無食到，睇到你同杜杜一齊食得咁開心，我都開心」
「咦，點解你隻手咁凍既？」
「我都唔知呀」
「企係度等我一陣，好快番黎！」
「哦，好」
.
我馬上跑去便利店，然後趕快跑回來。
「黎，快啲攞對手出黎暖番」我拿出一支熱維他奶




「唔～好飲！咁你呢？」
「得架喇，你唔好凍親就得」
「傻瓜」
「有無好啲？」
「我個心好暖呀！」
「傻」
「你都飲呀！」
「哦，好」
「哦～你飲左我口水尾，今日要聽我話！」
「下！你…你好野」
「嘻嘻」
「咁方大小姐，你想我做啲咩？」
「唔～第我唸下先，送我番屋企先喇」
「喳！起駕！」
.




不知不覺，就到了方晴家樓下。
「呀駿」
「係」
「你可唔可以踎低啲企近啲？」
「下？哦，好呀」
.
Muah！
方晴哄前親吻了我。
.
「你？」
「我知道我聖誕可能無得出黎陪你，我知你要一個人過一定唔好受，所以…」
「咁個假期咁長，可唔可以…」
「你！」方晴慢慢閉上眼睛
.
我閉上眼哄前，好好感受兩片柔軟的嘴唇。




當我倆分開時，我的心跳快得不能自拔，想必她也是。
我倆互相看著對方，依依不捨。
.
「好喇，我要番上去喇」
「嗯，我會乖乖地等你架！」
.
就這樣，假期正式開始…
假期來了，其實也只是閉關正式開始。
.
有時候，媽媽看到我長期留在家中，也不禁問我為何不用外出拍拖，我每次聽到都不禁歎一口氣。
.
來到平安夜的晚上，我也作好心理準備要自己一人過，不過至少我還有媽媽。
今天晚上，媽媽先煮一頓豐富的平安大餐，不過卻是中式的，哈哈！
.
突然，食飯的時候，大門突然被拍響。




「呀駿！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈