《只有一棵樹的森林》: 第七十三章

比賽後，方晴幾乎是每天都在黐著我，她說之前自己自顧練球，忽略了我，辛苦了我。
所以，從比賽後直至聖誕假前，她都會把她的時間盡可能給我。
因此，身邊的人，都快要被我們閃盲。
無論早上，小息，午飯，上堂，放學，除了上廁所，有我的地方就會有方晴，看到她就會知道我在哪裏。
.
我們的癡纏當然引起一陣熱話，畢竟平時我倆都是十分低調，現在竟然如此公然談情。
我們的行為當然也被一眾老師察覺，但全級頭兩名的學生拍拖，其中一個還要由拍拖前的榜尾，搭火箭般升到全級第二，一眾老師又怎會有意見。
.
以前上學就等放學，放學就等放假，總是看著月曆期盼著長假期的來臨。
但現在，到了星期五的放學，送完方晴回家後就會期待星期一快點來臨。




去到長假期，總會覺得時間過得特別慢，今次也一樣…
.
很快就來到十二月，十二月最出名的，當然是聖誕節。
但對我來說，聖誕節除了要面對分離，還是個閉關修煉的時候，因為每年聖誕過後，考試就要來。
.
今年的聖誕聯歡比去年來得早，幸好還只是兩個星期的假期，「小別勝新婚」，希望假期後，我和方晴會愛得更癡綿。
.
聖誕聯歡當日，回校時竟然看到有餐車來到學校，我們學校會有人叫這種高級到會？？？
.
「早晨呀晴」




「早晨呀」
「係喎，你知唔知邊班咁有錢，餐車連廚師咁請黎？」
「Er…」
「咪係我囉！」他媽的！早就應該想到除了他還有誰！
.
「哦，窮人係要咁樣先顯得自己窮！」我說
「你！算，今日我心情好，唔同你計，方同學，等陣記得食多啲，尤其係羊架，係我特別為你而設」
「關方晴咩事？佢又唔係你嗰班！」
「哈，乜你仲未知咩？你地主席答應左我的要求，呢啲食物等陣都會送去你嗰班！」
對啊，難怪最近也沒有投票選哪間外賣…




.
剛好，Kathy和杜杜一起回來了。
「Kathy，你係咪應承左何能夠嗰要求？」我問她
「係！」
「下？Kathy bb你應承左個二世祖啲咩？點解我咩都唔知？」杜杜驚訝地問
「無呀，有一日佢黎搵我，話聖誕聯歡會佢會請酒店廚師到會，咁我問左朱sir同呀晴意見後，先決定接受架」
「下！方晴都知！」我驚訝
「呀駿，對唔住呀！我怕你亂唸所以先無同你講！」
.
「有無搞錯呀！」說出此話的卻是杜杜
「杜杜豬，做咩咁嬲呀？」
「宜家條二世祖擺明係獻殷勤，我地仲要接受，咁仲話同呀駿係兄弟！！」
「算喇杜杜，Kathy都係為大家好，始終佢係主席，宜家唔使錢就有一餐好食，幫大家慳番啲錢」我勸他
「係呀，仲有，我地應該食多啲，食窮佢！」Kathy說
「食食食！你食埋我嗰份喇，我唔食呀！」杜杜氣沖沖地離去




「杜杜…」
「俾佢冷靜下喇，你地上去先喇，我去搵佢」我說
「嗯，咁你自己小心啲呀！」方晴說
「知喇，等陣見！」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈