《只有一棵樹的森林》: 第四十八章

來到第一天的正式上課日，又是新的開始。
依舊需要特訓，努力繼續鍛煉自己，準備未知的挑戰。
訓練過後，就要趕快跑回學校。
不知為何，今日特別心急，特別想快點跑回去。
.
結果，心愈急腳就愈快，結果跑得氣來氣喘，汗流得特別多。
「嘩，你今日做咩流左咁多汗既？」方晴見到我汗流滿面後問
「下…我…我掛住你麻…所以…所以咪跑快啲…」我氣喘地答
「傻瓜！快啲去沖涼！今日有豐富早餐食！」
「Yes Madam！」我扮像士兵般敬禮，逗得她很開心。




.
沖涼出來後，看見大門有一大堆人在圍觀，不知道發生了甚麼事。
好奇心驅使我走往人群，走近一看才發現門口有一部勞斯萊斯正準備駛離。
乘勞斯萊斯上學真的很奢華…
但不是，我們學校明明是平民學校，這麼多年我也未曾看過有這樣的情況！
.
「嘩，頭先嗰男仔真係好靚仔！」有一個師姐在說
「係呀，佢對眼好似放緊電咁」另一個師姐回應
「聽講佢係今年中四既插班生，屋企仲好有錢！！！」
「嘩，如果俾我識到佢，就發達喇！」




.
原來是插班生… 慢著！中四？！！不就是跟我同級！
上年來了個方晴，今年來了個男的…
.
當我欲走回方晴時，卻看見她對面正有一個男生，背對著我。
當我走過去的時候，卻聽到方晴說：
「點解你仲要黎煩住我？！！」
.
「呀晴你做咩呀？無事呀麻？！！」
「咁我遲啲再搵你」那個男生說




.
「呀晴，頭先個男仔邊個黎架？？」我問她
「佢好似係新黎既插班生，都係讀我地級」
「但點解佢好似識得你咁既？？」我追問
「Err…其實係咁既…我Daddy同佢Daddy有生意上既來往，所以見過幾面囉」
「哦，原來係咁…」
「我地無野架！」
「傻瓜，做咩咁大反應呀？都無人唔信你」
「哎呀，我地都係快啲食早餐喇！凍喇！」
「係既！嘩，火腿炒蛋，仲有腸仔同餐肉！」
「仲有通心粉架！」
「嘩，咁豐富既！家的感覺！」
.
不知道是不是自己的錯覺，總是覺得方晴有些事在暪我，不過，既然她要隱藏，就總有她的理由。
勉強逼迫她，也不一定是好事，就靜靜等待她，待她想開口時，才慢慢聽她說吧。




.
吃過早餐過後，就要準備早會了。
早會的時候，杜杜偷偷跟我聊天，
「呀駿，你知唔知E班黎左個插班生？」
「我知，坐勞斯萊斯架麻！」
「話說呢，原來佢係富二代！」
「睇得出呀！」
「又話說，佢係喺聖喇叭轉校過黎架囉」
「又係名校生？！！點解啲名校生咁鍾意黎平民學校呢？？」
「因為…」
「因為咩呀？」
「嗱，我聽番黎架咋」
「講喇！」
「因為…」
「因為咩呀？」




「嗱，我聽番黎架咋」
「講喇！」
「聽講佢好似係因為方晴先轉過黎…」
「下，追女仔追到轉校！」
「咁你點算？」
「咩點算？」
「你唔驚咩？」
「有咩可以驚？要驚既一早都要驚喇！」
.
其實，我內心害怕到不行…心怕方晴會被其他人搶走…
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈