《只有一棵樹的森林》: 第四十六章

九月一日，終於要來了！新一年，新的司徒駿！
.
「嗱駿仔，新學期媽媽俾封大利是你，希望你順順利利！」
「多謝媽咪！」
「俾啲心機！」
「係既！我番學喇！」
.
今天我沒有去特訓，因為希望早點回校等方晴，以前每次也是她等我，新一年的第一天也該有點轉變。
.
早早回到學校，果然還是空無一人，可以坐下來慢慢等待方晴。




過了一會兒，怎麼還未見方晴？
看一看手錶，原來只是過了五分鐘……
天啊，五分鐘已經好久，那麼平時方晴在等我不就……
.
等了一會兒，終於等到她回來了！
「咦，呀駿你咁早既？」
「係呀，要番黎等你麻！」
「傻瓜！」
「我宜家先知道你以前等我有幾苦...」
「又唔係呀，我覺得ok喎，等自己鍾意既人，係件幾幸福既事」




「辛苦你！」
「我整左早餐呀，快啲過黎食喇！」
「方晴愛心早餐，好耐無食喇！」
「咁快啲食喇！」
「芝腿治呀！仲暖架！」
.
簡單一件芝腿治，融化的芝士加上暖暖的火腿，三文治還有烘底，
其實，只要是方晴整的，都好食，我都愛吃。
.
吃過早餐後，我們就前往禮堂準備開學禮。




開學禮可以隨意坐，只要是跟班坐就可以，所以我和杜杜就夾著方晴和Kathy坐。
.
「唔知今年邊個老師做我地班主任呢？」Kathy好奇地問
「總之唔係老姑婆就得！」我說
杜杜感同身受，並說：
「不過聽講，上年朱sir臨尾家長日當面噴到老姑婆一面灰後，校長召左老姑婆入去，然後聽講今年佢咩科都無得教，淨係做行政野」
「嘩，咁咪即係燉冬菇！」Kathy笑道
「係呀！」
「呀駿你就勁喇，可以令到朱sir出聲，威喇！」Kathy對我說
「Err…哈哈」我都不知該如何反應
.
「跟住就到中四級班主任宣佈，中四A班班主任為….」
一年一度的釣烏龜大會，終於去到高潮，大家都醒過來，準備接受生死的宣判。
.
「跟住就到中四C班，呢位班主任十分特別，佢已經好多年無擔任高年級的班主任，今年佢主動要求擔任C班的班主任，C班既同學，你地有福喇，本年度中四C班的班主任…就係朱志宏老師！」




.
正當一眾C班的同學歡天喜地的在慶祝，我卻呆若木雞，只是一直望著台上的朱老師，完全不敢相信。
.
「呀駿，呀駿，你無事呀嗎？」
「呀晴，你試下搣下我！」
「下！！」
「等我黎喇！」杜杜上前用力搣了我臉頰一下
「痛！痛痛痛！」
「係真架兄弟！你無發夢！」杜杜對我說
.
這個時候的我，感覺到有水在眼眶打轉，除了感動，真的不知該如何說。
.
未來三年，我不用怕了！
是時候好好報答他的恩情！不要讓他有半絲失望！
.




Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈