《只有一棵樹的森林》: 第四十三章

「等我黎幫你！」杜杜上前一手拿起我的試卷
「嘩，你！」杜杜驚叫
「做咩呀？」我心驚膽跳地問
「咩呀咩呀，等我睇下… 嘩，你！！」Kathy也加入
「究竟點啫？？你兩公婆可唔可以唔好係咁嚇我？！！」
「嗱，你自己睇喇！」
我拿回試卷，反轉一看。
.
九十分！是九十分！一年的努力真的沒有白費！
「呀晴，我得左喇！我真係得左喇！」




「嗯，你努力左咁耐終於有回報喇！」
「全靠你一直不斷鼓勵我！多謝你！」
我興奮的把她一抱入懷，抱了十秒後才發現…
.
「Wohoo!!!」全班由一片寧靜變成興奮不已
「咳咳！我知有啲同學好興奮，不過麻煩都冷靜一陣，聽我講埋家長日的事」朱老師望一望我
.
「今次家長日同上次一樣，大家如果有特別的時間要求，聽日番黎同我講！」
.
和上次一樣，我和方晴都要求在最前的位置，結果又是方晴第一，我第二。




.
這次的家長日，雖然我全知道下學期的分數，但全年總平均分仍然是未知之數，所以我還是坐立不安。
爸爸和媽媽今次坐在我兩旁，不斷給予我信心，希望我能平靜下來。
等了數分鐘，只見方晴爸爸十分滿意的走出來，相必方晴也再次成功考到第一吧！幸好她能保持著，否則我就會成為千古罪人，被說是連累她考不到第一的罪人。
.
「司徒同學，請入黎！」
.
「司徒生司徒太，你地好」
「朱sir你好」
「咁我唔講太多野喇，直接啲，呢份就係司徒同學下學期既成績表，大概可以概括為神奇，頂級，超卓，我已經好耐無見過一個學生，可以係短短一個學期，由接近包尾升到全級頭四十」




「咁都係全靠老師你既用心教導！」
「司徒太，我只係盡我既本分。相反，司徒同學付出既努力，係完全不能夠想象，呢個成績佢係應得既」
「朱sir…」
「好喇，呢份係你全年既成績表，恭喜你，平均分合格，可以順利升班！」
「Yes!!!」我興奮的大叫了一下
.
「不過呢，等陣司徒同學仍然要去禮堂見訓導老師」
「下？唔係合格咩？點解仲要見？」爸爸緊張的問
「司徒生，放心，只係我同司徒同學有啲私事要搵訓導老師」
「下？！！」這次輪到我不解
.
跟著朱老師走到禮堂，走向老姑婆
「朱老師，唔知有咩事呢？」老姑婆問
「呀駿，攞你份成績表俾曾老師睇」朱老師跟我說
「下，哦」我跟著做，只見老姑婆看過我的成績表後，一面驚訝，難以置信的樣子。




.
「曾老師，你以前斷定我既學生成績無可能進步，宜家佢用行動證明俾你睇！」
「你！」老姑婆一面氣憤
「希望你下次口出狂言前，先唸清楚！身為老師既，教唔好學生都有責任！」
.
嘩，真的很爽！朱老師噴得老姑婆一面灰！
「多謝你呀朱sir！」
「下年我唔係你班主任，你都要繼續努力！」
「一定會！」
「第時有咩問題，就搵下呀sir食飯喇！」
「我會架！」
「好喇，我都要上番去喇」
「朱sir!」
「唔？」
.




我九十度向他鞠躬，希望最後一次好好感謝他的用心教導。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈