《只有一棵樹的森林》: 第二十七章

回到班房後，一踏入門口就引起一陣歡呼，
「Woo!!! 隊長！隊長！隊長！」
「司徒同學，你無事嗎？」
「無事呀朱sir，個嘴損左少少　」
「隊長好勁呀！臨尾仲引到錢通被人趕出場，勁爽！」Kathy興奮道
「好彩啫，你個杜杜都好勁呀，無佢我一早死左喇！」
「講呢啲！不過講真，你完全捉哂佢地既心理，戰術又部署得咁準！」
「都係嗰句，無大家既努力，我一個人係贏唔到既」
.
Clock Clock...




「你嚟做咩呀？！！」杜杜不善意地問
「唔好誤會，我係嚟恭喜你地」
「錢進你唔使假惺惺，有嘢就講！」我回道
「好，司徒駿，記得之前我地既deal架麻，皇者之戰等你！」
「點解你兩兄弟都係咁煩？！！」
「怕輸可以投降」
「星期五輸嗰個，一定係你！」方晴站起來說
「好，睇下點！係喎，方晴同學，你鍾意紅玫瑰定白玫瑰？等我準備定」
「我鍾意混醬腸粉！」
「下？」




「走喇！再唔走我出掃把架喇！」杜杜大聲地說
終於，把煩人都趕走了…
.
「呀駿，頭先佢話咩deal？」杜杜緊張地問
「唔知呀！」
「唔知？點會唔知！」
「男班長唔知，咁女班長一定知，方晴你講呀！」今次由Kathy追問
「Err…. 我都唔知喎！」
「你兩公婆可唔可以唔好咁八卦？？食嘢喇！」我終忍不住說
「噓，散場！」




.
雖說贏了班際，但前面還有一個更大的挑戰，還是不能鬆懈。
.
晚上，我去到籃球場，一個人漫無目的地在逛。
.
「駿仔」
「師傅」
「做咩好似有心事既？」
「我今日決賽贏左」
「咁咪好囉！贏左冠軍唔係應該開心既咩？做咩愁眉苦臉？」
「我後日要對錢進…」
「原來係咁… 但平時你對住勁敵，都唔會怕架」
「今次唔同呀…」
「有咩唔同？」
「今次，如果輸左，就真係輸哂！」




「下？你講嘢唔好咁玄好無？」
「錢進挑戰我，皇者戰鬥高分，輸左就唔可以再追我鍾意嗰個女仔」
「你應承左？」
「梗係無！」
「咁咪得囉」
「但我鍾意嗰個女仔代我應承左！」
「下！！！」
「所以咪煩囉…」
「所以你驚既，唔係輸俾錢進，而係無得再同個女仔一齊？」
「唔…」
「唉，其實邊有得驚，有啲嘢係整定既」
「下！師傅你講嘢都可唔可以唔好咁玄？」
「即係，個女仔係對你有信心先至應承」
「佢都係咁講呀」
「即係佢鍾意你囉！」




「但我之前想同佢表白，佢又借啲意走左去」
「咁奇怪？」
「係囉… 都唔知點好」
「可能，佢係想等你贏埋錢進，先正式接受你」
「又有可能喎，佢個人咁無安全感」
「唔好唸咁多喇，專心練波，打完場比賽再算」
.
翌日晚上，在家洗澡後，拿起電話，見到有一個Whatsapp
＂聽日，你一定要努力，我信你得架！＂
＂多謝你，為左你，我聽日一定搏老命！＂
＂唔准呀！＂
＂？？？＂
＂唔准受傷！＂
＂傻＂
＂早啲訓喇＂




＂你都係呀，聽日見！＂
.
緊張了一整晚，終於在臨天光前睡了一會…
「弊，咁晏既！大穫遲大到！」一起來就發現是十一點半…
「咦，呀仔，你醒喇？」
「媽咪你做咩唔叫我？」
「冷靜啲，我見你琴晚好夜訓，所以特登熄左你個鬧鐘，仲幫你請左半日假」
「下，咁都得？」
「你班主任仲叫你記得休息夠，食埋lunch先好番去」
「下！！！哦…」
「快啲去刷牙洗面，然後出黎食lunch！」
「知道」
.
在休息一會後，我就回校去。
當我回到班房時，大家都蜂擁而上，你一句我一句，




「隊長你無事嗎？」「你去左邊呀？」「我地好擔心你！」
.
我走過眾人去到方晴面前，只見她緊張不已。
「你無事嗎？朱sir淨係話你會係lunch後番」此時的她，已不顧一切，衝上來抱著我
「我無事」我先鬆開她，再說，
「我琴晚訓得唔好，媽咪怕我無精神，所以就幫我請半日假」
「就係咁？」
「就係咁咋」
「你嚇死我喇！」
「咁我宜家咪成個人企係度囉！」
「衰人！唔睬你喇！」
「好喇大家，快啲落去練波」
.
很快就去到放學時間，球場也很快擠滿觀眾，等待著看這場皇者之戰。
只見球場上竟然連紙牌也有，甚麼籃球王子… 果然是錢進。
.
「估唔到你真係夠膽應戰」
「當然」
「不過，垃圾始終係垃圾，我等陣一定會打殘你！」
「隨便你」
「隊長，佢咁講你都毫無反應既？」杜杜怒言
「如果咁樣講兩句就中招，你都好極有限」我輕鬆地回答
.
「雙方隊長」裁判叫了我們到中圈
「今日我希望會有一場公平的比賽，大家只係球技切磋，我絕不希望會有任何意外，明唔明白？」
「明白」「明白！」
.
我簡單交代一下戰術後，就準備出場了…
大戰果然是大戰，氣氛也特別緊張。
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈