《只有一棵樹的森林》: 第二十二章

回到家後，食過晚飯沖完涼後，我就躺在床上休息。
突然間，手機震了一震。看一看手機，
(方晴傳給你一則訊息)
方晴Whatsapp我？！！
.
「今日既事，真係好對唔住呀！>_< >_<」
「下？！！今日發生過咩事？！！」
然後，她又再寄出那個表情符號
「真係無事呀！唔好擔心咁多」
「嗯」




「你沖左涼未呀？」
「啱啱沖左，你呢？」
「番黎就沖左嚕，宜家攤左係張床度」
「咁懶架你！！！」
「半日啫，好攰呀嘛！」
.
就這樣，我們無無聊聊的Whatsapp了三小時，
「夜喇，我要訓喇，唔係又俾Daddy鬧」
「嗯，早啲訓喇！」
「星期一朝早小食部見！」




「好，不見不散！」
.
翌日，特訓完後跑回學校，入了大門後，竟然看見她在踱步，好像有心事般。
「早晨呀方晴，你企係度做咩呀？」
「早晨呀，你終於番黎喇！」
看見她見到我的樣子，由滿面煩惱到喜悅滿面，真奇怪。
「終於？你等左好耐？？」
「Err…唔係呀…一陣咋麻」
「點解你今日好似古古怪怪咁既？」
「有咩？無！無呀！你快啲去沖涼喇！」




.
沖洗後，看到她已坐在小食部等我，桌上還有一包腸粉。
「咦，包腸粉？」
「係呀，你快啲坐低試下，我親手撈架！」
「你撈既？唔，等我試下…」
.
「點呀？味道如何？」
「唔錯喎！第一次撈嚟講算唔錯架喇！」
「真係？你鍾意食就好喇！」
「叻喇！咁以後唔使我撈喇！」
「唔得呀！」
「點解？」
「因為我淨係鍾意食司徒混醬腸粉」
.
「你又話我想食既時候就會混俾我食，你呃我既！！！」




「唔係！點敢呃你呀！」
「唔係就得喇！嘻嘻！」
看見她為這麼少的事就能開心起來，連我也被她感染。
.
「各位同學，今次考試的初步成績表就已經出左，確實的成績表就會留番家長日派俾大家既家長」
「唉…嘩」
大家一陣騷動，看來都不太想家長日的來臨。
「聽到名既同學就出黎攞成績表，鍾世傑」
「係」
.
「吖，你今次溫左咁耐，你估你會進步幾多呀？」
「今次好多科都考得唔好，平均分有合格就已經要還神！」
.
看見大家看到成績後各有反應，杜杜則維持一貫水準，高不成低不就。
但是，為何沒我的份？




.
「今次考試我地前三名分別係：Kathy，Carrie同方晴，方同學更加連續兩次考獲第一，大家俾啲掌聲佢地！」
「啪啪啪！」
「最後，麻煩男班長落堂後到教員室搵我」
.
怎麼，又走了？難道又出了問題嗎？明明我已經很勤力…
.
去到教員室時，朱老師已在等待我，而且面有難色。
「朱sir，我今次成績係咪又好差？」
「司徒同學，呢份就係你既成績表」
我拿上手一看，怎麼跟上次差別不大？！！又是很多科不合格！
.
「司徒同學，我知你收到成績後一定會好失落，所以老師先想輔導一下你。其實老師同其他科老師都見到你的努力，今次的成績並不代表一切」
「老師..」
「係？」




「我會唔會再要留班？」
「司徒同學，點解你會咁唸？只要你下學期努力追番，排名一定可以上揚」
「對唔住呀朱sir…浪費你一片苦心…」
「司徒同學，唔好咁喇，老師見到你咁會心痛，老師睇到你的努力，只係因為緊張而發揮唔到」
「唔…」
「你番去休息下喇，唔好唸咁多」
「係…」
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈