《只有一棵樹的森林》: 第二十章

『不如我地去爬張保仔洞囉』杜杜建議
『好呀』『好喎』『去喇』大家都齊聲和議
『我...』
『我唔去喇』我搶過方晴，先把話說出
『Come on man! 你唔係怕呀麻？』
『怕你嗰頭，我係真係攰喇，想坐低抖下。仲有呀，你地個個都去哂玩，邊個留係度睇袋？！』
『司徒同學，咁就麻煩你喇，老師要跟住去睇住佢地』
『放心朱sir！』
.
當大家都去了探險時，就只剩下數位同學，包括著方晴。




『頭先，唔該你』
『下？咩事？我真係好攰架，想抖下』
『係咪玩嘢啊？！！我知你知既...』
『你怕黑？』
『少少...』
『其實你唔係怕黑，係怕無安全感啫』
『咁你呢？』
『我咩呀？？？』
『頭先...』她指著高地的瞭望台
『我睇到哂』




『Err....』
『每個人都有佢既弱點，不過估唔到我地既男班長...』
『咩喎』
.
突然間，
『嘩！』
一陣尖叫聲突然從高處傳出，嚇得我馬上跑上去
『咩事呀？』
『著...著火呀！』
『下！』




四處看看，原來只是燒烤叉上的綿花糖著火了...
.
『Carrie，係綿花糖著火啫』
『咁都係著火呀麻』
『係既，其實你唔使燒咁耐既...』
『咁人地唔識嘛...人地一心唸住燒俾你食架咋』
『多謝你...但我真係飽喇』
.
轉眼間，大家就回來了。
『男班長，頭先我聽到聲尖叫，無事嗎？』
『無事...燒焦嘢啫...』
『哦，無事就最好，大家都係時候收拾，準備走喇』
『知道！』
在大家同心協力下，很快就收拾完畢，並把火種撲滅。
.




『好，大家起行喇！』
『老師！』
『司徒同學有咩事？』
『女班長搭小艇會暈船，我想同佢行番去』
『Woo!!!』大家的反應...
『咁呀...』
『老師，我同主席都會睇住佢地架！』杜杜盡力游說
『咁好喇，你地要小心啲！』
『老師，我都想行番去！』
『Carrie，你！』
『吳同學，你又會暈船浪？』
『係呀，老師！』
『講大話！佢頭先搭船時不知幾精神！』Kathy忍不住插口
『老師，我地四個人互相照應就啱啱好，突然多左個女仔，我怕我地照顧唔到！』杜杜也插口
『我可以照顧自己！』




『既然佢咁堅持，就俾佢加入喇』
『呀駿呀！！！』
『得喇！』
『咁司徒同學，就交俾你喇』
.
看見Carrie向杜杜和Kathy做的鬼臉，真的有點不爽！
我知道兄弟特意為我安排另一次二人獨處，但我也知Carrie是不達目標不放棄，所以唯有快快解決...
.
沿途，杜杜和Kathy都盡量幫我把Carrie擋在後面，營造出我和方晴的獨處。
.
『其實你地真係唔使陪我架！』
『你以為佢兩個真係咁好？佢地想避開大家，兩個人拍拖咋』
『實係咁喇！！！』
『你兩公婆使唔使咁齊...』
『咁你呢？』方晴問




『我食飽想行下囉，哈哈』
.
『哎呀』Carrie突然叫了出來
『又點呀！』Kathy不悅道
『好攰呀！』
『咁你慢慢抖，我地行先』杜杜馬上反駁
『咁又唔好，朱sir叫左我地要睇住佢』
『方晴，佢...』
『呀駿，方晴，你地行先喇！我同Kathy留係度睇完佢就得』
『唔得！』
『又點呀...』
『我...我仲捱到！不過我要行最前！』
『唉，你鍾意喇』我不耐煩地回了她
.
『咁你地練波練成點？』方晴問




『有隊長，邊會有問題！』
『喂，唔好亂講嘢喇！』
『呀駿你咁叻，一個都夠打喇！』Carrie插口說
『Carrie，打籃球係團體運動，一個人係打唔到比賽架！更何況，我地都係勉強組軍，仲要再練下默契』
『加油呀駿！我信你得架！』方晴望著我說
『我會努力架！』
『杜杜豬豬，你一定要贏個金牌俾我！唔係我嬲你架！』
『知道Kathy BB！』
.
『大家睇，日落呀！』
『係喎，唔知點解，覺得長洲既日落特別靚』我輕輕說出
『可能係因為一望無際呢』方晴答
『車！海嚟架麻，梗係一望無際！』Carrie反駁
『咁又係喎，可能真係因為無任何高樓大廈，所以感覺特別靚』
我和方晴就好像完全無視Carrie的插嘴，一起欣賞夕陽的美好。
.
『好喇，係時候走喇』
『隊長，咁你好好照顧女班長喇』Kathy說
『咁你地？』方晴好奇地問
『我地book左渡假屋，難得放假，梗係要同Kathy BB好好享受！』
『你地？！！』我又問
『放心，我過左16喇』Kathy答
『唉，無眼睇... 記得帶隱形眼鏡呀！唔好玩得咁癲，星期一仲要練波！』
『點解要戴con？』方晴不解地問
『Err...自己領略下，好喇，我地要趕船喇！』
.
Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈