《只有一棵樹的森林》: 第十二章

擔心不已的我，只好走到班房外等待她，一路遠距離看著女廁的門口，期盼著不要有甚麼事發生。
等待了一會，終於見到她慢慢行出來，我馬上跑過去。
.
『做咩呀你？』
『你無事呀嗎？』
『無乜事呀，天氣凍呀，快啲番入去喇』
『真係無事？』只見她面色不太對，不是真的嬲了我吧？
『喂，你地企係門口做咩呀？快啲入嚟抽獎喇！』Kathy叫道。
.
接下來，又繼續抽獎，吃好西和玩遊戲（還是被人玩？）。




一路下來，看她的表情又好像沒大問題，很享受這個派對。
.
『係呢...頭先呢...我...』
『你想講咩呀？唔使窒窒窒喎』
『我想講...』我吸一大口氣，然後飛快地講出。
『我想講其實真係好對唔住，頭先件事我真係唔知情，如果知我一定會阻止佢地，希望你唔好介意！』
『噗！』
『Huh？』
『你以為我頭先介意件事？』
『但你衝左出去？』




『係因為我真係唔舒服呀，傻仔』
『哈哈哈』
『呀，你又會咁緊張既？』
.
此時，突然想起口袋裹有些很重要的物件要拿出來
『係呢，你之前咪話過鍾意宮崎駿既？』
『係呀』
『我有兩張宮崎駿展既飛，想睇下你有無興趣...』
『你講真架？有呀！有呀！不過聽講d勁難撲架喎』
『係咩？』




.
我摸一摸頭，還記得當日是星期六，星期五放學後回家換衣服後，就趕出去排隊。捱了一夜寒冬，逢早上特訓也請假，就是為了手上的兩張入場卷。
.
『但係張飛係25號...』
『25號有咩問題呀？』
『你無人約咩？』
『有呀，啱啱被人約左』
『Hehe!』
.
我傻傻地笑著，看見她拿著入場卷的興奮樣子，只覺得一切是值得的。
不過，接下來難題大了，究竟當天我要穿著甚麼呢？
.
掀開衣櫃，看見的不是球衣就是衛衣，第一次約會，總不能讓女神留下壞印象吧！
左翻右翻下，終於在衣櫃底發現一件梅菜般的襯衣，好像是早兩年去一場飲宴時穿的，現在穿起來卻有點緊。
不過沒有辦法了，勉強穿上再加西褲領帶皮鞋。唉，想起以後上班要這樣穿，就覺得很大束搏，很不舒服...




.
接下來，就只好耐心等待聖誕節的來臨。
.
在整個聖誕節的假期，少了上學的時間，多出來的時間也令我要好好規劃，避免又浪費。
雖然不用趕上學，但我還是每早六點正開始特訓，特訓完還留下來加操體能和體格。接下來便是早上的溫習時間，努力溫習直至午飯。午飯後就讓自己歇一歇，玩一陣電腦，然後就到街場練習，有時就會實戰一下。大概到了黄昏，就要回家和家人晚飯，接下來便是晚上的溫習。
.
看起來很悶吧？對，我也覺得十分悶，我也不知道為何我能挺過來，或許我真的很想變強。
.
還記得有一夜，房門突然被敲響。
『入嚟呀』
『溫緊書呀？』
『係呀媽咪』
『攞左碗湯俾你飲』
『唔該媽咪！』
『見到你咁勤力，我都終於可以放心喇』




『放心喇媽咪，我唔會令你失望架喇！』
『傻仔，唔好俾咁大壓力自己，盡左力已經可以！』
『知喇！』
『咁你繼續努力喇，我出番去先喇』
『係呀媽咪，我聖誕嗰日約左人呀，要夜晚先番』
『約左女仔呀？！！』
被媽媽突然的質問，嚇得我不知怎回應。
『傻既，大個仔就梗係有自己既世界架喇，你辛苦左咁耐，都要抖下氣既，嗰日盡情去玩，玩得開心d』
.
由細至大，家人都很疼錫我，偏偏有時我還要跟他們頂嘴，讓他們心痛。
尤其在知道我要留班後，媽媽特別擔心，卻又怕給我知道，有幾次還在夜裏於房間中哭了。
.
或許自從外公外婆去世後，媽媽就只剩了我和爸爸，所以她也特別著緊我們，有時候過份地關心也不察覺。
不過，至少我學會，家人是一輩子的，錯過了就是錯過了，唯有在剩下的日子，好好侍奉他們。
.




Facebook：微言
Instagram：smallpotatosay
一至六每晚7點，重溫當年走過青蔥的歲月
Facebook, Instagram, 紙言, 高登共同發佈